Zozoe 2:19 - LAWA A BOO SONBORE

¹⁹ Bɛ̀ ǹ mɛn soo á n kion lɛ a kiɛnlɛ da a kio, bɛ̀ wɔ bɛ dɛ, bɛa dɛnaa a sii na a din mìi ni, wɔsɛn sii ba bɛ-n wa. Sɛnɛ, min mɛnɛn tumaa bɛ́ kunun n ni kion lɛ nɛ, bɛ̀ wɔ n gɔn da bɛn goon ganaa, bɛa sii n die goɛ̃ wɔsɛn dɔn mìi ni.

LAWA A BOO SONBORE 2011

¹⁹ Bɛ̀ ǹ mɛn soo á n kion lɛ a kiɛnlɛ da a kio, bɛ̀ wɔ bɛ dɛ, bɛa dɛnaa a sii na a din mìi ni, wɔsɛn sii ba bɛ-n wa. Sɛnɛ, min mɛnɛn tumaa bɛ́ kunun n ni kion lɛ nɛ, bɛ̀ wɔ n gɔn da bɛn goon ganaa, bɛa sii n die goɛ̃ wɔsɛn dɔn mìi ni.

Zozoe 2:19 Iomraidhean Croise

Samayeli2 1:16

Ǹ bɛ́ dii, Davida na á goã pii ni: – N gɛ̀ lɛ a koen nə goã n din mìi ni. A giala, n din lɛ na á n da sii ni. A na á pɛ kɛnɛn: «Dɛnaa Lawa kii mɛn bɔ á koa, ma din ni má dɛ.»

Samayeli2 4:11

Má bɛ din dɛ, sanparɛ, bɛ̀ min baraan nə́ woo kaa min pepere li a kion, ǹ nə́ dɛ a waa ǹ piì la! Ka gɛ̀ mɛn dɛ, man die bɛ lɛ dòo boe ka ganaa, ma ka dɔn dɛ, ma ka bɔ kanaa.»

Kiin1 2:32

Zoabu gɛ̀ mɛn dɛ, Dɛnaa Lawa n die bɛa dɔlɔ diɛ a mìi ni. A giala, a na á min paa dɛ, ǹ mɛnɛn nə́ ke pepere ǹ nə́ la nɛ, ǹ nə́ soɛ-n dɔn. A na á ǹ dɛ, ma di Davida ná a bɔ a siére-a wa. Bɛa min paa lɛ n ka Nɛɛrɛ a nɛgiĩ Abnɛɛrɛ nɛ, Izirayeli gána a sɔraasin goledɛnaa lɛa, ka Yetɛɛrɛ a nɛgiĩ Amasaa nɛ, Zudaa gána a sɔraasin goledɛnaa lɛa.

Bɔ bɛ̀rɛbaa nɛ 12:13

Mà lɛ n die ka lɛduə̃ ǹ sii biɛ, ka bɛ́ re goɛ̃ kionən mɛnɛn nɛ, a goã bɛn kiɛnlɛn ganaa. Ma á re bɛa mà lɛ yii, bɛ̀ ma á Ezipti minin lɛn dii, basaã kɔ ǹ dɔlɔ kɛ a re doe ka ganaa wa, a giala, ma á re kiɛ̃ ma ka toa walan.

Bɔ bɛ̀rɛbaa nɛ 12:22

Ka *izopi luu yiikɔn saa, ka sã mà li tan nɛ, ka lɔ kiɛnlɛ-a ǹ gɔnɔn ganaa, a lon wɔ laanka a wàã li ǹ wɔn nɛ. Kaa min kɔ́n baran soo a n bɔ a kion wa, yǎa baayɛlɛ.

Bɔ bɛ̀rɛbaa nɛ 12:23

Dɛnaa á re boe Ezipti gána gɔ́ɔ̃ nɛ, a dɔlɔ bɔ a ganaa, á re mà lɛ yii kaa kiɛnlɛ-a ǹ gɔnɔn ganaa, a lon laanka a wàã li ǹ wɔn nɛ. Bɛ lɛ a lɛa, Dɛnaa á re kiɛ̃ kiɛnlɛ lɛ lɛ-a, a re toɛ bɔ̀n-dali lɛ wɔ kaa kionən ne, a bɔ̀n da wa.

Lawa a wúlu-bɔlen 20:11

Bɛ̀ giĩ mɛn giã kun ka ǹ di a lɔ nɛ, a n goon ka a na á sìi da ǹ di ganaa. A din laanka lɔ lɛ nɛ, ka ǹ paanan dɛ ǹ gã. Ǹ gɛ̀ lɛ a dɔlɔ nə ǹ dinin mìi ni.

Lawa a wúlu-bɔlen 20:9

Bɛ lɛ nɛ, bɛ̀ min mɛn sɔ kɔ ǹ di hinlaa ǹ dan ganaa, ka ǹ dɛnaa dɛ a gã. Ǹ dɛnaa a gɛ̀ lɛ a dɔlɔ na a din mìi ni, a giala, a na á sɔ kɔ ǹ di laanka ǹ dan ganaa.

Matiə 24:17

Min mɛn bɛ́ kala-n, bɛ̀ á gisĩ, a doamaa bie a wɔ kion doo mà asɛ na a mànan goɛ wa.

Nya ǹ dín 18:6

Zuifun lɛn bɛ́ n piɛ̃, ǹ nə́ sɔ koe, Pooli nə́ n gɔn pii á bɔ ǹ sii ni. Á pɛ ǹ nɛ: «A n kuĩ ka dinin mìi ni, màn kɔ́n ba boe masɛ li doo wa. Sisia kəni, masɛ n die n yɔrɔ diɛ tɔrɔ kɔsɔn la.»

Nya ǹ dín 20:26

Masɛ á boe la ma pɛ pelo ka tumaa yɔrɔ-a, bɛ̀ kaa min mɛn papaã, masɛ sii bie wa.

Nya ǹ dín 27:31

Pooli pɛ sɔraasin laanka ǹ mìilandɛnaa lɛ nɛ: «Bɛ̀ minin kɛn nə giã goo lɛ gɔ́ɔ̃-n wa, ka ba boe la ka la wa.»

Filipi minin 3:9

Man giɛ li, máa ma goã doa-n kɔn ka a din ni taãnɛ. Ma bie giɛ li, máa ma goã pepere landa sii zɛnaa a lɛa doo wa. Krita màn mɛn zɛnaa maa lɛa, man pepere bɛ taman yii. Lawa na á lɛ kɔ ma ganaa min pepere lɛa maa golee Krita li a lɛa.

Ebrəə 10:29

Sɛnɛ, min mɛn bɛ́ Lawa a Nɛgiĩ kɛ puusə koe, á n giɛ Lawa a lɛ kɔ kɔn la ǹ mà kɛ lɛ ganaa sàn kɔ ǹ màn lɛa, mà mɛn bɛ́ a ná a yoreen kɔ, á n boo baraa diɛ Lawa a bǐɛ̃baa ǹ Yiri Fu kɛ ganaa, ka a taasɛ mà bɛ doamaa-n ka dɔlɔ baraa-n wa?

Zozoe 2:12

Kanna kəni man ka nyankoe, ka n liɛ masɛ nɛ ka Dɛnaa Lawa tɔ nɛ ka pɛ, mà ka tá re bǐɛ̃ zɛnɛɛ masɛ di kion minin manɛ ka ma bɛ́ má bǐɛ̃ zɛnaa ka dɔn man lɔn.

Zozoe 2:14

Giĩn lɛn nə́ tɔ́n pɛ nɛ: «Wɔsɛn tá re wɔ dinin koe n lɛa. Yǎa n baran wɔsɛn boo da min ni wa. Bɛ̀ Dɛnaa Lawa gána lɛ kɔ wɔ la ǹ mɛn waáraa, wɔ á re koe wɔ bɔlɔ lɛ, wɔ bǐɛ̃ zɛnaa n nɛ.»

Zozoe 2:20

Sɛnɛ, bɛ̀ ń wɔsɛn boo da min ni, n wɔ da liɛ mɛn wɔ ganaa, bɛa sii ba wɔsɛn bɔlɔ-a doo wa.»