Zozoe 2:12 - LAWA A BOO SONBORE

¹² Kanna kəni man ka nyankoe, ka n liɛ masɛ nɛ ka Dɛnaa Lawa tɔ nɛ ka pɛ, mà ka tá re bǐɛ̃ zɛnɛɛ masɛ di kion minin manɛ ka ma bɛ́ má bǐɛ̃ zɛnaa ka dɔn man lɔn.

LAWA A BOO SONBORE 2011

¹² Kanna kəni man ka nyankoe, ka n liɛ masɛ nɛ ka Dɛnaa Lawa tɔ nɛ ka pɛ, mà ka tá re bǐɛ̃ zɛnɛɛ masɛ di kion minin manɛ ka ma bɛ́ má bǐɛ̃ zɛnaa ka dɔn man lɔn.

Zozoe 2:12 Iomraidhean Croise

Siin Giala 21:23

Bɛ lɛ taman yii, n liɛ masɛ nɛ ka Lawa nɛ kànaa sisia, mà n ba re masɛ bebele, n nə n bɔ ma li wa. N ba re maa nɛnyaanan dɔn laanka maa nɔ̀ɔnɔn bebele, n nə n bɔ ǹ li wa. Man kũ doɛ̃ lɔn, ń bɛ́ giã-n gána mɛn nɛ, n masɛ laanka bɛ lɛ dɔ kũ doɛ̃ miɛ̃.»

Siin Giala 24:3

N liɛ ka Dɛnaa, lon laanka tán a Lawa tɔ nɛ, mà ma bɛ́ giã-n Kanaan minin mɛnɛn bii, mà n ba re bɛn nɛ we lɔ lɛa, n kɔ maa nɛgiĩ Izaaki la wa.

Siin Giala 24:9

Bɛ̀rɛgiĩ lɛ nə́ n gɔn da a dɛnaagiĩ Abrahamu gisi li, á n liɛ nɛ, mà asɛ á re zɛnɛɛ ka a bɛ́ á pɛ lɔn.

Siin Giala 40:14

Sɛnɛ, bɛ̀ n wɔ bǐɛ̃ kɔ ǹ mɛn waáraa, n yiri baran bɔ ka masɛ dɔ-n wa. Bǐɛ̃ kɔ n masɛ dɔ boo da Faarahɔn lɛ nɛ, a ma bɔ, kion kɛ nɛ.

KZS2 36:13

Kii Nebukadenezɔɔrɔ da liɛ wɔ ganaa ka Lawa tɔ nɛ. Sɛnɛ, Sedekiasi nə́ n gòãn dii a ganaa. A n too kɔ a lon wa, á n gɔ́ɔ̃ tii, a n bɔyaa á daa Dɛnaa Lawa, Izirayeli a Lawa li wa.

Bɔ bɛ̀rɛbaa nɛ 12:13

Mà lɛ n die ka lɛduə̃ ǹ sii biɛ, ka bɛ́ re goɛ̃ kionən mɛnɛn nɛ, a goã bɛn kiɛnlɛn ganaa. Ma á re bɛa mà lɛ yii, bɛ̀ ma á Ezipti minin lɛn dii, basaã kɔ ǹ dɔlɔ kɛ a re doe ka ganaa wa, a giala, ma á re kiɛ̃ ma ka toa walan.

Zeremii 12:16

Maa zaman lɛ miãkɛnɛn nə́ maa zaman lɛ daraa lɛ kɔ wɔ ganaa ka *Baali tɔ nɛ. Sɛnɛ, maa zaman kɔnbɔ ka giã ǹ gɔn mɛn nɛ, bɛ̀ ǹ nə́ n daraa bɛ ganaa, bɛ̀ ǹ nə́ n liɛ ka masɛ Dɛnaa Lawa Yiikoonaa tɔ nɛ, ka bɛ-n kəni, ǹ tá re giã ǹ bǎã yii maa zaman lɛ bii.

Marki 14:44

Zudaasi mɛn bɛ́ die Yezu koe ǹ la, á gòon yiɛ ǹ ganaa á sii a kɔnbɔ nyaa ǹ nɛ, á pɛ ǹ nɛ mà asɛ bɛ́ re fòo diɛ min mɛn nɛ a n sɔɔ a nɛ, mà a din lɛ nɛ. Mà ǹ kũ ǹ tamaa sɔnbɔraanɛ, ǹ wo ne.

Rɔmu minin 1:31

maǹ koe ǹ dinin dùũ dinsɔɔ̃ lɛ. Bɛ̀ ǹ nə́ n lɛ kɔ ka boo mɛn nɛ, ǹ ba bɛa sii zɛnɛɛ wa. Ǹ ba kɔn-narɛɛ doɛ̃ wa, ǹ ba makara dɔ doɛ̃ wa.

Timote1 5:8

Bɛ̀ min ba giɛ a din wɔn walan wa, sanparɛ a din a kion minin kɛn, bɛa dɛnaa na á n piã ka kɔ Lawa a zii lɛ nɛ. Á baraa á la golee Lawa li baãnaa nɛ.

Zaaki 2:13

Min mɛnɛn bɛ́ ǹ nə ǹ miãn makara dɔ̃ wa, bɛ̀ Lawa á die kiri kuri bɛn la ǹ mɛn pinaa, a die ǹ dɔn makara doɛ̃ wa. Makara-doɛ̃ á kiri siɛ a bɔ min la.

Zozoe 2:13

Bɛ̀ ka lɛ kɔ mà ka tá re masɛ a díi laanka maa náa yii toɛ koo sonbore, ka ma dɔɔ̃ngiĩn laanka ma dɔɔ̃nlɔn nɛ, ka ǹ kion minin tumaa nɛ, bɛ̀ ka tá re ǹ sii gɛ̀ la sonbore, ka màn kɔn kɔ ma la bɛa sii a kɔnboe lɛa.»

Zozoe 2:18

Haya, bɛ̀ wɔ wɔ gána lɛ nɛ ǹ mɛn waáraa, fənɛtərə kɛ lɛ ń wɔsɛn gisĩ li, biɛ nàn tiɛɛ̃n kɛ yii bɛ ganaa. N di laanka ǹ dan nɛ, ǹ dɔɔ̃nɔn nɛ ka ǹ di kion minin tumaa nɛ, n bɛn lɛ sɔkɔn n din li kion lɛ nɛ.

Zozoe 2:19

Bɛ̀ ǹ mɛn soo á n kion lɛ a kiɛnlɛ da a kio, bɛ̀ wɔ bɛ dɛ, bɛa dɛnaa a sii na a din mìi ni, wɔsɛn sii ba bɛ-n wa. Sɛnɛ, min mɛnɛn tumaa bɛ́ kunun n ni kion lɛ nɛ, bɛ̀ wɔ n gɔn da bɛn goon ganaa, bɛa sii n die goɛ̃ wɔsɛn dɔn mìi ni.

Zozoe 6:22

Giĩ min paa mɛn goã ǹ nə́ woo ga gána lɛ ganaa ka durii ni, Zozoe goã á pɛ bɛn manɛ mà ǹ wɔ lɔ kɔrɔ kɛ lɛ a kion, ǹ lɔ lɛ bɔ ǹ soo ne, kun ka min mɛn tumaa bɛ́ a wɔ lɛa, ka ǹ bɛ́ ǹ nə́ goã ǹ nə́ n liɛ nɛ lɔn.

Zozoe 9:15

Zozoe kɔn wɔ ma ǹ nɛ, á lɛ kɔ kɔn la wɔ ka ǹ nɛ, lɛ kɔ kɔn la mɛn bɛ́ ǹ yii toɛ koo. Zaman lɛ a goledɛnan nə́ bɛ lɛ a liɛ wɔ ǹ nɛ.

Sii yɔrɔ-bɔlen 1:24

Ga bǎã ganaa wolen lɛn nə́ giĩ goon yɛ soe kiwi lɛ gɔ́ɔ̃ nɛ. Ǹ nə́ pɛ nɛ: – Bǐɛ̃ kɔ n kiwi lɛ a wɔ ǹ bǎã nyaa wɔsɛn manɛ, wɔ á re bǐɛ̃ zɛnɛɛ n nɛ.

Samayeli1 30:15

Davida pɛ nɛ: «N tá re lɛ koe n wo ka masɛ nɛ bɛa sɔraasin lɛn bǎã nɛ?» Á Davida lɛ si: «N liɛ masɛ nɛ ka Lawa tɔ nɛ, mà n ba re ma dii wa, mà n ba re ma we maa dɛnaagiĩ lɛ gɔn wa. Bɛ̀ á re n zɛnɛɛ miɛ̃, ma á re woe n ne bɛa sɔraasin lɛn bǎã nɛ.»