Zozoe 2:10 - LAWA A BOO SONBORE

¹⁰ A giala, ka bɛ́ soe Ezipti gána nɛ, Dɛnaa Lawa Sawɛɛ tà kɛa mu piɛ̃ á bɔ ka nyɛɛn lɔn, ka tɔ́n boo la ka kiɛ̃, wɔsɛn nə́ bɛa boo ma. Wɔ́ ma dɔn, mà Amɔɔrɔ tɔrɔn kii min paa ke Zurdɛ̃ tà kio, Sihɔn laanka Ɔgu ni, mà ka bɛn dɛ, ka ǹ gɔn màn tumaa ziziɛ̃ lenlen.

LAWA A BOO SONBORE 2011

¹⁰ A giala, ka bɛ́ soe Ezipti gána nɛ, Dɛnaa Lawa Sawɛɛ tà kɛa mu piɛ̃ á bɔ ka nyɛɛn lɔn, ka tɔ́n boo la ka kiɛ̃, wɔsɛn nə́ bɛa boo ma. Wɔ́ ma dɔn, mà Amɔɔrɔ tɔrɔn kii min paa ke Zurdɛ̃ tà kio, Sihɔn laanka Ɔgu ni, mà ka bɛn dɛ, ka ǹ gɔn màn tumaa ziziɛ̃ lenlen.

Zozoe 2:10 Iomraidhean Croise

Loen 74:15

N din nə ń mu yalan kɛn fɔ̃, ka pɛrɛn kɛn nɛ. Pɛrɛn mɛnɛn bɛ́ ǹ mu a piɛ̃ duduu wa, ń bɛn mu piɛ̃.

Minin nimi 20:14

Muizu nə́ n toa Kadɛsi, á minin dia woe pii Edɔmu a kii ni kɛnɛn: «N dɔɔ̃n Izirayeli minin lɛn man pii: Nɔmaa mɛn tumaa wɔsɛn yɛ, n tá doɛ̃.

Minin nimi 23:22

A din na á ǹ waa Ezipti gána nɛ á soo ǹ ne. Á pàã kɔ ǹ la, ka don a zù bɛ́ lɔn.

Minin nimi 24:8

Lawa na á ǹ waa á soo ǹ ne Ezipti gána nɛ. Á pàã kɔ ǹ la, ka don a zũ bɛ́ lɔn. Tɔrɔn mɛnɛn bɛ́ ǹ ziadɛnan lɛa, maǹ bɛn lɔloɛ ǹ lɛ-a, Maǹ nə ǹ wen yɔyɔrɛ, ǹ kiɛ dɔdɔrɔ ǹ ganaa.

Timəə dí-pɛn 2:30

Sɛnɛ, Ɛsibɔnɔn kii Sihɔn lɛ kɔ, mà wɔ bɔ asɛ a bǎã-n wa. A giala, kaa Lawa, Dɛnaa Lawa lɛ na á goã á ná a foo laa, á ná a too kaka kɔ, màn mɛn bɛ́ toɛ, a na a gána lɛ wɔ ka gɔn. A din gána lɛ n ke ka tá a-n pelo.

Zozoe 24:12

Má yirigisiĩn dia ka nyɛɛnɛ, bɛn nə́ kaa zɔ́ɔn lɛn loo ǹ nə́ ǹ bɔ ka nyɛɛnɛ, ka a bɛ́ á n zɛnaa Amɔɔrɔ kii min paa kɛ-n lɔn. Ka bie ka bɛ zɛnaa ka kaa gɔya san nɛ wa, ka bie ka zɛnaa ka kaa san nɛ wa.

Zozoe 4:24

A na á bɛ zɛnaa, màn mɛn bɛ́ toɛ, kanaa minbuiinin tumaa dɔ̃, mà Dɛnaa Lawa pàã á gole. Màn mɛn bɛ́ toɛ dɔn, ka dininmaan lɛn nə nyɛ́ɛ baa kaa Lawa, Dɛnaa Lawa nɛ biikoo tumaa li.»

Zozoe 5:1

Bɛa biikoo li, Amɔɔrɔ tɔrɔn mɛnɛn tumaa goã Zurdɛ̃ tà kio lɛ̀nyɛɛn gɔn la, bɛn kii ni, ka Kanaan gána a kiin mɛnɛn tumaa goã kɔ̀ gole kɛ lɛ-a, bɛn nə́ ma mà Dɛnaa Lawa Zurdɛ̃ tà a mu piɛ̃ á bɔ Izirayeli minin lɛn nyɛɛnɛ, yǎa ǹ nə́ kiɛ̃ ǹ nə́ nya. Ǹ bɛ ma lɔn, ǹ gɔ́ɔ̃ yii mu baa, ǹ foo biɛ na Izirayeli minin lɛn nyɛɛnɛ.

Zozoe 9:10

Amɔɔrɔ tɔrɔn kii min paa mɛn goã Zurdɛ̃ tà kio, Ɛsibɔn kii Sihɔn ke ka Basan kii Ɔgu kɛ nɛ á goã giã-n Astarɔti kiwi, a sii mɛn tumaa zɛnaa bɛn dɔn manɛ, wɔsɛn nə́ ma.