Zozoe 18:3 - LAWA A BOO SONBORE

³ Zozoe tɔ́n pɛ Izirayeli minin lɛn manɛ: «Dɛnaa Lawa, ka digolon Lawa gána mɛn lɛ kɔ ka la, ka nə n yii diɛ yǎa biĩ, ka tɔn woe giɛ̃ a nɛ?

LAWA A BOO SONBORE 2011

³ Zozoe tɔ́n pɛ Izirayeli minin lɛn manɛ: «Dɛnaa Lawa, ka digolon Lawa gána mɛn lɛ kɔ ka la, ka nə n yii diɛ yǎa biĩ, ka tɔn woe giɛ̃ a nɛ?

Zozoe 18:3 Iomraidhean Croise

Suusun 10:4

Gɔn yoo-baali n die ka doobaabaa nɛ. Gɔn dí-nyali n die ka naforo ne.

Suusun 13:4

Yoonaa nə n yiri koɛ màn gigiã-a sɛnɛ, a ba ǹ kɔn yii wa. Gɔ̀nɔndɛnaa bɛ́ giɛ màn mɛn li, a n bɛ yii.

Suusun 15:19

Yoo-baali a zii n ka nyan da tewon bɛ́ lɔn. Min pepere a zii n pəmə.

Boo-laakalaali 9:10

N bɛ́ re dí mɛn tumaa nyɛɛ, bɛ kũ ka n foo ne. A giala, n bɛ́ re woe bǎã mɛn nɛ, geren piɛ lɛ, dí ba walan wa, taasiɛ banban wa, doɛ̃ laanka sii-doɛ̃ banban wa.

Sofonii 3:16

Bɛa pinaa kɛ lɛ nɛ, ǹ tá re pii Zeruzalɛmu ni: N nyan nyɛ́ɛ baa doo wa, Siɔn kiwi, n foo nyan ziziɛ̃ wa!

Matiə 20:6

Wasa miɛ-n lɛn li, á soo á kɔsɔn dɔn yɛ golee-n bii-a, á tɔ́n nɔ̀n da ǹ la: «Wàa na á baa ka lɛawaa kaara lɛ nya baãnbii-a kooro ka n ka a dí nyɛɛ wa?»

Zaã a sɛ́wɔ 6:27

Màn-bii mɛn bɛ́ ziziɛ̃, ka baran dí nya bɛa lɛa wa, sɛnɛ, màn-bii mɛn bɛ́ beleboe, a n nyin nyabaã koe, ka dí nya bɛa lɛa. Bɛa màn-bii kɛ lɛ, Min a Nɛgiĩ n koe, a giala, Díi Lawa din na á boo sii la ǹ pàã kɔ la.»

Zozoe 1:6

N gù we yii, n nə n foo taã. A giala, man lɛ kɔ ka digolon la ka gána mɛn a sii ni, n din lɛ n die woe bɛ tatalɛ n kɔ zaman kɛ lɛ la.

Zozoe 13:1

Zozoe daa á zizi kɔ parsiini. Ǹ kɔn pinaa, Dɛnaa Lawa tɔ́n pɛ nɛ: «Ń bɛ n zizi kɔ parsiini, a da yǎa gána lɛ a paǹ mɛn goã, n nə́ n tɔn si wa, á tɔn gole parsiini.

Zozoe 18:2

Izirayeli minin lɛn tɔrɔ sɔbaa na á goã ǹ nə́ ǹ tɔn bǎã kɔ bɛn la ǹ kíɛ̃ lɛa wa.

Zozoe 18:4

Ka min sɔɔ bɔ tɔrɔ gogoonmaa a minin bii, man die ǹ diɛ dí ganaa. Bɛn die ǹ yoo ǹ wo n bibiə̃ gána lɛ nɛ. Bǎã mɛn bɛ́ re doe ǹ mɛnɛn minin ganaa, ǹ die ǹ bɛ gèlè kiɛ̃ ǹ tɔn wusoo ǹ da masɛ li.

Sii yɔrɔ-bɔlen 18:9

Ǹ nə́ ǹ lɛ si: «Ka yoo wɔ n tá ǹ gialaa, a giala, wɔsɛn nə́ gána lɛ yɛ. Á ke, gána kɔɔ̃n kɔɔ̃n nɛ. Ka n tɔn tán kiĩni, ka n kaa boo kɔn diɛ wa? Ka baran giã tán ka n saa yoo-baa li, ka n ka a yui woe gána lɛ kuĩ, ka n biɛ kaa wɔ lɛa wa.