Zozoe 18:12 - LAWA A BOO SONBORE

¹² Gɔsɛ a lɛ̀gɔn la, ǹ gèlè lɛ n siɛ tán Zurdɛ̃ tà lɛ-a, a kɔ Zerikoo wàã lɛ, a gɔsɛ a lɛ̀gɔn la, a kiɛ̃ a wo kele yii kɛ nɛ dia-n woe lɛ̀nyɛɛnɛ, a tɔn wo n doa Bɛti-Avɛn don kɛ ganaa.

LAWA A BOO SONBORE 2011

¹² Gɔsɛ a lɛ̀gɔn la, ǹ gèlè lɛ n siɛ tán Zurdɛ̃ tà lɛ-a, a kɔ Zerikoo wàã lɛ, a gɔsɛ a lɛ̀gɔn la, a kiɛ̃ a wo kele yii kɛ nɛ dia-n woe lɛ̀nyɛɛnɛ, a tɔn wo n doa Bɛti-Avɛn don kɛ ganaa.

Zozoe 18:12 Iomraidhean Croise

Ozee 10:5

Nyɛ́ɛ n Samarii minin kɛn ganaa ka ǹ diin nɛ nyín kɛa sii ni, Bɛti-Avɛn kiwi. Zaman lɛ n wuu pii dì lɛ taman yii. Min mɛnɛn bɛ́ n dinin biɛ a wúlu-bɔlen lɛa, bɛ́n man bìn diɛ a nyɛɛnɛ. A giala a siĩnbaa lɛ woo sɔsɔɔ ǹ ganaa.

Ozee 4:15

Izirayeli minin lɛn, bɛ̀ ka á kaa kɔrɔbaa lɛ zɛnɛɛ, ka zɛnaa! Sɛnɛ kasɛn Zudaa minin lɛn, ka baran n saa ǹ li wa! Ka nyan wo *wúlu bɔ ǹ bǎã kɛ nɛ Gilgaali wa, ka nyan wo Bɛti-Avɛn wa, sii baraa zɛnaa ǹ kion ke. Ka nyan nə n liɛ ka ka Dɛnaa Lawa Yiikoonaa tɔ-n wa!

Ozee 5:8

Ka bɛn pɛ Gibeya kiwi, ka bɛn pɛ Ramaa kiwi, ka lɛn da Bɛti-Avɛn kiwi: Haya! Bɛnzamɛn tɔrɔn lɛn, kaa zɔ́ɔn tá ka kio.

Zozoe 16:1

Bǎã mɛn dɔ Zozɛfu tɔrɔn kɛn ganaa, a n siɛ tán Zurdɛ̃ tà lɛ-a kunu Zerikoo kiwi li, a wo Zerikoo kiwi lɛ a mu pìã lɛ-a lɛ̀giala gɔn la. Ǹ gèlè nə n toɛ Zerikoo, a don kɛ wɔsɔ kɔn, a kiɛ̃ a wo Betɛli a kele yii kɛ nɛ.

Zozoe 18:11

Pã lɛ a bibinaa na á mɛnaa Bɛnzamɛn tɔrɔ minin la, a kɔnpɛ ka ǹ tanlɛ yii ni. Bǎã mɛn dɔ ǹ ganaa, a n Zudaa tɔrɔn laanka Zozɛfu tɔrɔn bǎã kɛ bii.

Zozoe 2:1

Nunu a nɛgiĩ Zozoe nə́ n toa Sitimu kiwi, á giĩ min paa dia ka durii ni, á pɛ ǹ nɛ: «Ka woo, ka ga gána lɛ ganaa, ka ga Zerikoo kiwi kɛ sɛ din ganaa a tɔ-a.» Ǹ bɛ́ ǹ nə́ woo ǹ nə́ dɔ gána lɛ nɛ, ǹ nə́ woo kaa lɔ kɔrɔ goon a kion, ǹ nə́ waa walan. Lɔ lɛ tɔ n Rahabu.

Zozoe 3:16

mu mɛn bɛ́ gisĩ die ka pàã nɛ, bɛ́ golee. Mu lɛ golee bǎã goon ne Aadã kiwi kɛ li tìãlɛ-a sɔɔsɔɔ, ka maǹ nə́ bèlèn dɔ nɛ. Aadã kiwi lɛ n kunu Sartan kiwi li. Mu mɛn dɔ goã baa sii die yìsi mu kɔ̀ kɛ ganaa nyankɔrɔ basa kɛ nɛ, bɛ tumaa lɛ kuru lenlen. Zaman lɛ tɔ́n boo la á Zurdɛ̃ tà kuru Zerikoo kiwi yɔrɔ-a, á kiɛ̃.

Zozoe 6:1

Zerikoo kiwi a kiɛnlɛn man nə́ goã tiɛ̃ nɛ mɛrɛmɛrɛ Izirayeli minin lɛn nyɛɛnɛ. Min goã boe la á soe wa, min dɔ goã boe la á we wa.

Zozoe 7:2

Bɛ lɛ kio-n kəni, Zozoe nə́ n toa Zerikoo kiwi, á minin dia Ayii kiwi kɛ nɛ kunu Bɛti-Avɛn li, Betɛli a lɛ̀giala gɔn la. Á pɛ ǹ nɛ mà ǹ woo ǹ nə n bibiə̃, ǹ ga gána lɛ ganaa. Bɛa minin lɛn nə́ woo, ǹ nə́ n bibiə̃ ǹ nə́ ga Ayii kiwi lɛ ganaa.

Zozoe 8:15

Zozoe laanka Izirayeli minin lɛn tumaa nə́ n dinin baa ka maǹ nə́ boo ǹsɛn la. Ǹ nə́ don zii saa, ǹ nə́ baa si.

Samayeli1 13:5

Filisiti minin lɛn nə́ n yɔrɔ bɔ ǹ nə́ die zia biɛ Izirayeli minin ganaa. Ǹ zia da ǹ wotoron man nə́ goã duu pɔsɔɔ (30 000), ǹ sùidɛnan man nə́ goã duu sɔrɔ. Ǹ sɔraasin man nə́ goã mɔnaa nɛ ka n pɛ mà kɔ̀ mu lɛ-a ǹ nyɔɔsɔ̃ nɛ. Ǹ nə́ woo giã Mikmaasi, Bɛti-Avɛn a lɛ̀giala gɔn la.