Zozoe 18:10 - LAWA A BOO SONBORE

¹⁰ Zozoe nə́ n pã bɛa bǎãn lɛn ganaa, Dɛnaa Lawa yɔrɔ-a Siiloo, á tɔ́n gána lɛ gii Izirayeli minin lɛn bii, á tɔrɔ gogoonmaa wɔ gii kɔ la.

LAWA A BOO SONBORE 2011

¹⁰ Zozoe nə́ n pã bɛa bǎãn lɛn ganaa, Dɛnaa Lawa yɔrɔ-a Siiloo, á tɔ́n gána lɛ gii Izirayeli minin lɛn bii, á tɔrɔ gogoonmaa wɔ gii kɔ la.

Zozoe 18:10 Iomraidhean Croise

KZS1 24:5

Maǹ nə́ n pã ǹ nə́ bɛa kurun lɛn koa. A giala, Eleyazaara laanka Itamaara tɔrɔn lɛn bii, Lawa a kion sonbore a dí-nyalin kiãn tan ka Lawa a dí-nyalin kiãn nɛ.

Nehemii 11:1

Bɛ kio, zaman lɛ a nyɛɛnaandɛnan nə́ giã Zeruzalɛmu. Zaman gialakun lɛ nə́ n pã, màn mɛn bɛ́ toɛ min fù bii, min goon da giã Lawa a kiwi Zeruzalɛmu kɛ nɛ, a manangɔrɔ gialakun kɛ goã kiwi kɔsɔn nɛ.

Loen 47:4

A din nə tɔrɔn wɔ diɛ wɔa wɔ gɔ́ɔ̃ nɛ A din nə tɔrɔ kɔsɔn kiɛ wɔ gòãn giulun.

Loen 61:5

Á kɔɔ̃n ma ganaa, ma goã n kion yǎa duduu, ma duru ǹ bǎã yɛ n nyàa kan giulun.

Suusun 18:18

Maǹ nə n piɛ̃ bɛ̀ ǹ zia nya pàãdɛnan bii ni.

Zeremii 7:12

Bǎã sonbore mɛn goã maa wɔ lɛa Siiloo, ka wo walan. Lɛlɛ, man má goã giã-n walan. Maa zaman Izirayeli minin baraabaa a lɛa ka ga a ganaa ma bɔyaa má baa lɔn.

Ezekieli 47:22

Ka n pã bǎãn lɛn ganaa, ka tɔn nə ǹ gii kɔn ka dinin laanka tiin mɛnɛn bɛ́ giã-n ka bii, ǹ nə́ nɛnyaanan yɛ ka bii. Ka ǹ dɔn kũ Izirayeli minin lɛa, ǹ dɔn nə n pã ǹ bǎãn ganaa kun ka ka nɛ.

Ezekieli 48:29

Ka gána lɛ gii Izirayeli tɔrɔn lɛn bii ka bɛa yɔrɔ lɛ nɛ, ka didie wɔ gii kɔ la. Ma din Dɛnaa Lawa a da ǹ boo ne.

Misee 2:5

Bɛ lɛ na á toa, Dɛnaa Lawa a zaman kɛ bii, n ba re min kɔn din yii, mà a n biɛ diɛ bǎã li, zoɛ̃ koe min la wa.

Minin nimi 34:16

Dɛnaa Lawa boo da Muizu ni, á pɛ:

Matiə 27:35

Ǹ nə́ dere gɔn ganaa, ǹ nə́ n pã a mɔnaan ganaa, ǹ nə́ tɔ́n nə ǹ gii kɔn.

Zaã a sɛ́wɔ 17:2

N din nə́ n pàã kɔ masɛ la minbuiinin tumaa mìi la. A kɔnpɛ ka bɛ lɛ nɛ, n min mɛn tumaa kɔ masɛ la, má nyin nyabaã kɔ bɛn lɛn la.

Nya ǹ dín 13:19

Bɛ kio, a bɛ́ á tɔrɔ sɔbaa dɛ á bɔ ǹ nyɛɛnɛ Kanaan gána nɛ, á tán lɛ tatala kɔn-a ǹ bii, á ǹ wɔ baa.

Nya ǹ dín 26:18

Man die n diɛ ǹ li n nə ǹ yii bũ, ǹ soo ǹ nə n bɔ wɔlɔ tì li, ǹ da wɔlɔ fúlu ganaa, ǹ nə n bɔ *Sɛtaan a pàã giulun ǹ da Lawa ganaa, màn mɛn bɛ́ toɛ, bɛ̀ ǹ nə́ golee masɛ li, Lawa nə n sii baraan toa ǹ nɛ, ǹ dɔn nə bǎã yɛ kun ka Lawa wɔn nɛ.»

Kolɔɔsi minin 1:12

ka boo la ka barka da Díi Lawa nɛ ka foo kɔɔ̃n nɛ. Lawa mɛn bɛ́ á zii bũ ka nɛ, a bɛ́ màn mɛn koɛ a minin manɛ, a din a wɔlɔ fúlu kɛ nɛ, a die a toa ka kaa wɔ gii yɛ bɛ nɛ.

Zozoe 14:2

Maǹ nə́ n pã, ǹ nə́ tɔ́n bǎãn lɛn gii tɔrɔ manangɔrɔ ka talɛɛ lɛ bii ǹ kíɛ̃ lɛa, ka Dɛnaa Lawa goã á pɛ Muizu-n lɔn.

Zozoe 14:5

Dɛnaa Lawa goã á pɛ Muizu-n lɔn, Izirayeli minin lɛn nə́ zɛnaa miɛ̃, ǹ nə́ gána lɛ gii.

Zozoe 18:11

Pã lɛ a bibinaa na á mɛnaa Bɛnzamɛn tɔrɔ minin la, a kɔnpɛ ka ǹ tanlɛ yii ni. Bǎã mɛn dɔ ǹ ganaa, a n Zudaa tɔrɔn laanka Zozɛfu tɔrɔn bǎã kɛ bii.

Zozoe 18:6

Kasɛn kɛn nə bǎã sɔbaa lɛ gèlè kiɛ̃, ka die ka da kɔ ma la kànaa. Masɛ á die n piɛ̃ ǹ ganaa Dɛnaa Lawa yɔrɔ-a, wɔa Lawa lɛ, màn mɛn bɛ́ toɛ tɔrɔ gogoonmaa na a wɔ gii dɔ̃.

Zozoe 18:8

Bɛa minin lɛn nə́ n yɔrɔ bɔ ǹ nə́ woo. Ǹsɛn mɛnɛn bɛ́ re woe gána lɛ gèlè kiɛ̃, Zozoe pɛ ǹ nɛ: «Ka woo ka n bibiə̃ gána lɛ nɛ, ka a gèlè lɛ kiɛ̃, ka wusoo ka da ma li. Ma á re n piɛ̃ gána lɛ ganaa kànaa, Dɛnaa Lawa yɔrɔ-a Siiloo, màn mɛn bɛ́ toɛ, didie na a wɔ gii dɔ̃.»

Zozoe 18:9

Bɛa minin lɛn nə́ woo, ǹ nə́ n bibiə̃ gána lɛ nɛ, ǹ ná a gèlè lɛ kiɛ̃ bǎã sɔbaa lɛ a kuru kɔn lɛ yii li ka kiwin mɛnɛn dɔn bɛ́ ǹ nɛ. Bɛ kio, ǹ nə́ n bɔyaa ǹ nə́ daa Zozoe li, giã ǹ bǎã nɛ Siiloo.

Zozoe 19:51

Lawa a wúlu-bɔle Eleyazaara nɛ, Nunu a nɛgiĩ Zozoe ne ka Izirayeli tɔrɔn lɛn kɛdɛnan nɛ, bɛn man nə́ n pã, ǹ nə́ tɔ́n bɛa bǎãn lɛn kɔ Izirayeli tɔrɔn lɛn la ǹ kíɛ̃ lɛa. Bɛ na á n zɛnaa Dɛnaa Lawa yɔrɔ-a Siiloo, kɔn yɛ ka Lawa nɛ ǹ mɔnaa kion kɛa kiɛnlɛ-a. Ǹ nə́ gána lɛ gii miɛ̃ ka bɛa yɔrɔ lɛ nɛ yǎa á nya.

Zozoe 23:4

Ka ga: tɔrɔn mɛnɛn bɛ́ tɔn nə ǹ bǎã nɛ, ma ǹ mɛnɛn dɔn dɛ má ǹ nya, a saa Zurdɛ̃ tà kɛ ganaa lɛ̀giala-n a wo kaa kɔ̀ gole kɛ lɛ lɛ̀nyɛɛnɛ, pã na á n wɔ bɛa tɔrɔn kɛn lɛn bǎãn ganaa, má ǹ gii Izirayeli tɔrɔn lɛn lɛ yii li, má kɔ ǹ la.