Zozoe 18:1 - LAWA A BOO SONBORE

¹ Izirayeli zaman tumaa nə́ n lɛ sɔkɔn Siiloo. Ǹ nə́ kɔn yɛ ka Lawa nɛ ǹ mɔnaa kion kɛ doa walan. Bɛ á zɛnɛɛ, bɛ̀ ǹ nə́ boo gána lɛ la.

LAWA A BOO SONBORE 2011

¹ Izirayeli zaman tumaa nə́ n lɛ sɔkɔn Siiloo. Ǹ nə́ kɔn yɛ ka Lawa nɛ ǹ mɔnaa kion kɛ doa walan. Bɛ á zɛnɛɛ, bɛ̀ ǹ nə́ boo gána lɛ la.

Zozoe 18:1 Iomraidhean Croise

Samayeli2 7:6

A giala, ma Izirayeli minin lɛn waa ǹ mɛn pinaa má ǹ bɔ Ezipti, a da kaa pelo lɛ, masɛ bin tɔn kion baa maa giã ǹ bǎã lɛa wa. Sɛnɛ, man má goã mɔnaa kion giulun kɔn yɛ ka Lawa nɛ ǹ kion kɛ nɛ má n Izirayeli minin lɛn diɛ zii.

Kiin1 14:2

Zeroboamu tɔ́n pɛ a lɔ nɛ: «Ma nə n nyankoe, yoo n wo Siiloo. N nə n giã ǹ gɔn bɔyaa n tɔn woo, màn mɛn bɛ́ toɛ minin baran dɔ̃ mà maa a lɔ nə n nɛ wa. Lawa a boo gii-dali Ayia n giã-n Siiloo lɛ nɛ. A din Ayia lɛ na á goã á pɛ ma nɛ mà ma á die zaman kɛ lɛ a kii biɛ.

Kiin1 14:4

Zeroboamu a lɔ lɛ dɔ́ zɛnaa miɛ̃. Á yoo á woo Siiloo Ayia a piɛ. A da yaa, Ayia yii goã wɔlɔ yii doo wa, zizi kɔ taman yii.

Kiin1 2:27

Salomɔn Dɛnaa Lawa a wúlu bɔ ǹ dí si Abiataara la, ń giɛ Dɛnaa Lawa a boo lɛ á piɛ̃, a goã á boo mɛn lɛ da Elii a kion wɔ paǹ li Siiloo.

Nehemii 9:24

Ǹ nɛnyaanan lɛn nə́ wɔ gána lɛ nɛ, ǹ nə́ si ǹ baa ǹ wɔ lɛa. Kaanaa minin kɛn, gána lɛ a minin lɛa, ń bɛn puusə kɔ ǹ nyɛɛnɛ, ń nə́ ǹ wɔ ǹ gɔn, kɔnlɛ ka ǹ kiin ni, ka tɔrɔn mɛnɛn bɛ́ gána lɛ nɛ, màn mɛn bɛ́ toɛ, bɛ̀ sii mɛn dɔ nɛnyaanan lɛn yii li, ǹ bɛ zɛnaa ǹ nɛ.

Loen 78:60

A giã ǹ bǎã ke Siiloo kiwi, á bɛ toa walan, wɔ mɔnaa kion mɛn lɛ dɔ, a giã ǹ bǎã lɛa minin bii, á bɛ dɔ toa walan.

Loen 78:66

Á kɔ zɔ́ɔn kɛn kio lɛ á ǹ dɛ, á sìi da ǹ ganaa, sìi mɛn bɛ́ a nyɛɛ duduu wa.

Zeremii 26:6

Bɛ̀ ka n too kɔ wa, man die Lawa a kion kɛ ziziɛ̃ ká ma goã má Siiloo wɔ kɛ ziziɛ̃ lɔn. Man die Zeruzalɛmu biɛ sii a kɔnboe lɛa tán a tɔrɔn tumaa bii, bɛ̀ ǹ tá re liɛ baraa we.»

Zeremii 26:9

A n siɛ lɔn n tá pii ka Dɛnaa Lawa tɔ nɛ mà Lawa a kion kɛ n die n ziziɛ̃ ka Siiloo wɔ kɛ bɛ́ lɔn! Mà Zeruzalɛmu n die bɔ̀n biɛ, ǹ na a zaman goa ǹ bɔ a nɛ.» Min mɛn tumaa goã Lawa a kion lɛ nɛ, ǹ tumaa yoo Zeremii gialaa.

Zeremii 41:5

Minin nə́ bɔ Sisɛmu, Siiloo, ka Samarii kiwi ni ǹ nə́ daa. Maǹ min pɔkiwisi, ǹ lɛtoro ka koɛ̃maa nɛ, ǹ mɔnaan nə́ tɔtoɛ̃ nɛ, ǹ nə́ n gɔ̀nɔn tɔtoɛ̃. Maǹ die Lawa gɔ ǹ màn laanka da yon gìĩ kɔɔ̃n nɛ Lawa a kion wɔ lɛa.

Minin nimi 32:22

bɛ̀ ka n bɔyaa wa, ka gole miɛ̃ yǎa Dɛnaa Lawa gána lɛ da a pàã giulun, zɛ̀rɛ ba re ka kuĩ Dɛnaa Lawa laanka Izirayeli minin wɔ paǹ li wa. Bǎã kɛ lɛ tán, a n die goɛ̃ kaa wɔ lɛa Dɛnaa Lawa yɔrɔ-a.

Nya ǹ dín 7:45

Mɔnaa kion lɛ bɛ́ á n kɔ bɛa digolon kɛn kiodɛnan la, bɛn nə́ wɔ nɛ Kanaan gána nɛ, Zozoe nə ǹ nyɛɛnaan bɔ, ǹ nə́ wɔ gána mɛn nɛ, bɛ̀ Lawa bɛ́ tɔrɔ kɔsɔn lui boe ǹ nyɛɛnɛ. Wɔ digolon kɔsɔn mɛnɛn nə́ da bɛn kio, maǹ nə́ toa bɛn dɔn gɔn. A na á n zɛnaa miɛ̃ yǎa á daa dɔ wɔ digolon kɛn ganaa kii Davida a biikoo li.

Zozoe 18:2

Izirayeli minin lɛn tɔrɔ sɔbaa na á goã ǹ nə́ ǹ tɔn bǎã kɔ bɛn la ǹ kíɛ̃ lɛa wa.

Zozoe 18:8

Bɛa minin lɛn nə́ n yɔrɔ bɔ ǹ nə́ woo. Ǹsɛn mɛnɛn bɛ́ re woe gána lɛ gèlè kiɛ̃, Zozoe pɛ ǹ nɛ: «Ka woo ka n bibiə̃ gána lɛ nɛ, ka a gèlè lɛ kiɛ̃, ka wusoo ka da ma li. Ma á re n piɛ̃ gána lɛ ganaa kànaa, Dɛnaa Lawa yɔrɔ-a Siiloo, màn mɛn bɛ́ toɛ, didie na a wɔ gii dɔ̃.»

Zozoe 19:51

Lawa a wúlu-bɔle Eleyazaara nɛ, Nunu a nɛgiĩ Zozoe ne ka Izirayeli tɔrɔn lɛn kɛdɛnan nɛ, bɛn man nə́ n pã, ǹ nə́ tɔ́n bɛa bǎãn lɛn kɔ Izirayeli tɔrɔn lɛn la ǹ kíɛ̃ lɛa. Bɛ na á n zɛnaa Dɛnaa Lawa yɔrɔ-a Siiloo, kɔn yɛ ka Lawa nɛ ǹ mɔnaa kion kɛa kiɛnlɛ-a. Ǹ nə́ gána lɛ gii miɛ̃ ka bɛa yɔrɔ lɛ nɛ yǎa á nya.

Zozoe 21:2

Ǹ nə́ boo da ǹ nɛ Siiloo, Kanaan gána nɛ, ǹ nə́ pɛ ǹ nɛ: «Dɛnaa Lawa goã á pɛ Muizu ni, mà ǹ die ǹ kiwin kɔ wɔsɛn la wɔ giã ǹ nɛ, ka ǹ lɛkoro lɛ-a bǎãn nɛ, wɔa tɔɔn buu sɔ̃ ǹ bǎã lɛa.»

Zozoe 22:12

Izirayeli minin lɛn bɛ́ ǹ nə́ bɛ ma lɔn gɔrɔ, ǹ tumaa nə́ n lɛ sɔkɔn Siiloo mà maǹ woe ǹ gialaa.

Zozoe 22:19

Bɛ̀ ka n taasɛ mà kaa gána lɛ a Dɛnaa Lawa a giã ǹ bǎã lɛa wa, gána mɛn bɛ́ a din wɔ lɛa, a giã ǹ bǎã sonbore kɛ ná a nɛ, ka wusoo ka da walan, ka giã kun ka wɔsɛn nɛ. Sɛnɛ, Dɛnaa Lawa, wɔa Lawa a wúlu bɔ ǹ bǎã kɛ miã ke ka dɔ, ka nyan toa ka n piã ka Dɛnaa Lawa nɛ, ka n na ka n bɔ wɔsɛn ganaa wa dɛ!

Zozoe 22:9

Urubɛn tɔrɔn nɛ, Gaadi tɔrɔn nɛ, Manaasee tɔrɔn lɛn talɛɛ nɛ, bɛn nə́ kiɛ̃ ǹ nə́ n bɔ Izirayeli minin gialakunun lɛn li Siiloo, Kanaan gána nɛ, mà maǹ wusii woe Galaati gána nɛ. Muizu na á goã á bɛa bǎã lɛ kɔ ǹ dɔn la ǹ wɔ gii lɛa, ka Dɛnaa Lawa bɛ́ á goã á pɛ-n lɔn.

Sii yɔrɔ-bɔlen 18:31

Miikaa màn nyín mɛn zɛnaa, ǹ nə́ bɛ lɛ doa ǹ dinin wɔ lɛa. Lawa a kion kɛ goã Siiloo á dɔ biikoo mɛn ganaa, dì lɛ dɔ na á goã walan miɛ̃.

Sii yɔrɔ-bɔlen 21:12

Zabɛsi kiwi minin lɛn bii Galaati gána nɛ, ǹ nə́ nɛniɛ biɛsii (400) yɛ, ǹ mɛnɛn bɛ́ ǹ tɔn giĩ dɔ̃ wa. Ǹ nə́ bɛn kũ ǹ nə́ woo ǹ ne ǹ giã ǹ bǎã nɛ Siiloo, Kanaan gána nɛ.

Sii yɔrɔ-bɔlen 21:19

Ǹ nə́ tɔ́n pɛ: «Dɛnaa Lawa a zɔ́n tá n zɛnɛɛ Siiloo lɛ̀ woo lɛ̀, Betɛli a gɔsɛ a lɛ̀gɔn la.» Zii mɛn bɛ́ boe Betɛli á n woe Sisɛmu, a n bɛa lɛ̀nyɛɛn gɔn la, Lebonaa kiwi a gusin a lɛ̀gɔn la.

Samayeli1 1:24

Ǹ dan lɛ bɛ́ a ná a lɛ lɛ na nyɔ ganaa, a laanɛ á tɔn ten, á kũ, á woo ne Siiloo. A bɛ́ woe, á dii gɔ̀lɔ̀ sɔɔ kũ, á wùsu góngo yii goon saa, ka yɔ bɔnaa goon ne. Á wɔ ka Samayeli ni Lawa a kion Siiloo.

Samayeli1 1:3

Lɛ̀ woo lɛ̀, Ɛlkaanaa nə n toɛ a kiwi bɛ̀ a wo Dɛnaa Lawa Pàãyiidɛnaa guguru kɔ Siiloo, bɛ̀ a *wúlu màn dɔ kɔ la. Elii a nɛgiĩ n min paa, Ɔfunii laanka Fineyasi ni, bɛn man nə́ goã Dɛnaa Lawa a wúlu-bɔlen lɛa walan.