Zozoe 17:18 - LAWA A BOO SONBORE

¹⁸ Sɛnɛ, kele yii bǎã kɛ dɔ á re doe ka ganaa. A laanɛ á daã lɛa, ka tá re kuri, a tumaa á re goɛ̃ kaa wɔ lɛa, a wo kaa a lɛ lɛ. A laanɛ fɔlɔ wotoron laanka pàã tá Kanaan minin lɛn lon, ka tá re ǹ lui ka ǹ bɔ gána lɛ nɛ.»

LAWA A BOO SONBORE 2011

¹⁸ Sɛnɛ, kele yii bǎã kɛ dɔ á re doe ka ganaa. A laanɛ á daã lɛa, ka tá re kuri, a tumaa á re goɛ̃ kaa wɔ lɛa, a wo kaa a lɛ lɛ. A laanɛ fɔlɔ wotoron laanka pàã tá Kanaan minin lɛn lon, ka tá re ǹ lui ka ǹ bɔ gána lɛ nɛ.»

Zozoe 17:18 Iomraidhean Croise

Siin Giala 49:24

Sɛnɛ, a dɔ ná a sa kũ kaka. Á n gɔn wìi kaka kɔ a ganaa, ka Zakɔba a Lawa Kaka kɛ pàã nɛ. A din lɛ n Izirayeli tamaɛ ka tɔɔn-lɛduə̃li bɛ́ a tɔɔn tamaɛ lɔn. A foo n doa-n a din lɛ ganaa, a giala, a n kaka ka kɔlɔ nɛ.

Samayeli2 18:6

Davida a zia-baalin lɛn nə́ zii saa, ǹ nə́ woo don, mà maǹ woe zia biɛ Abusalɔn wɔn lɛn ganaa. Bɛa zia lɛ na á n baa Efrayimu a daã kɛ gɔ́ɔ̃ nɛ.

Rɔmu minin 8:31

Wɔ n die pii mà wàa kəni? Bɛ̀ Lawa tá kun wɔ nɛ, die n die boe wɔ la?

Rɔmu minin 8:37

Sɛnɛ, bɛ lɛ din tumaa gɔ́ɔ̃ nɛ, Krita mɛn wɔ narɛ, bɛ lɛ n wɔ biɛ gɔ̀lɔ̀n lɛa, wɔ́ la gɔ̀lɔ̀n dinin manɛ.

Timəə dí-pɛn 33:17

Zozɛfu nyàa á lon! A n kaka ka dii gɔ̀lɔ̀ bɛ́ lɔn, ka lɛlɛ a don a zù kɛ bɛ́ lɔn. Á bɛn gegere màn paa bɔ, goon nə ka Efrayimu tɔrɔ gigiã kɛ nɛ, goon nə ka Manaasee tɔrɔ duu damata kɛ nɛ. A n tɔrɔn dii ka a bɛnɛn lɛn nɛ, a ǹ loo a wo ǹ koa kanaa lɛ dan ganaa.»

Ebrəə 13:6

Bɛ lɛ taman yii, wɔ á boe la wɔ pɛ ka foo tãbaa nɛ: «Dɛnaa n maa dɔmalɛ wole lɛa, ma a re nyɛ́ɛ biɛ màn kɔ́n nɛ wa. Minbuiin nɛ n boe la a wàa zɛnaa ma nɛ?»

Zozoe 13:6

Kele yii bǎã kɛ tumaa, a saa Liban gána ganaa a wo yǎa Misirefɔti-Mayimu kiwi, bɛ dɔ tá a nɛ. Bɛa bǎã lɛ a minin tumaa na á goã Sidɔn minin lɛa. Masɛ dinmaa-n die bɛa bǎãn kɛn lɛn minin lui ma ǹ bɔ Izirayeli minin lɛn nyɛɛnɛ. Sɛnɛ, ka masɛ pɛ n nɛ lɔn, ka n pã, n gána lɛ tatala n kɔ Izirayeli minin lɛn la.

Zozoe 15:9

Gèlè lɛ nə n toɛ kele lɛ mìi ni, a n pusu a da yǎa Nɛftoa tà kɛa mu pìã lɛ-a, a da bɔ Efrɔn kele kɛ a kiwin ni, a n pusu a da Baalaa kiwi ganaa, bɛ n ka Kiriyati-Yarimu ni.

Zozoe 17:17

Zozoe tɔ́n pɛ Zozɛfu a minin, Efrayimu laanka Manaasee tɔrɔn lɛn manɛ: «Sonbore ne, ǹ tá zaman damata lɛa, ka pàã dɔ á gole. Ka bɛ́ re bǎã mɛn yii, a goɛ̃ bǎã goon toto dinsɔɔ̃ wa.

Zozoe 20:7

Izirayeli minin lɛn nə́ Kedɛsi kiwi bɔ ǹ nə́ koa Galilee gána nɛ, Nɛfutalii a kele yii bǎã kɛ nɛ. Ǹ nə́ Sisɛmu bɔ ǹ nə́ koa Efrayimu a kele yii bǎã kɛ nɛ. Kiriyati-Arabaa mɛn bɛ́ ǹ tá bíi Ebrɔn, ǹ nə́ bɛ bɔ ǹ nə́ koa Zudaa tɔrɔn kele yii bǎã kɛ nɛ.

Samayeli1 1:1

Giĩ goon na á goã Ramaa kiwi, Efrayimu kele yii ni, a tɔ n Ɛlkaana. Yerahamu a nɛ nɛ, Yerahamu n Eliwu a nɛ lɛa, Eliwu n Towu a nɛ lɛa, Towu n Sufu a nɛ lɛa.