Zozoe 17:16 - LAWA A BOO SONBORE

¹⁶ Sɛnɛ, Zozɛfu a nɛnyaanan lɛn nə́ pɛ Zozoe ne: «Kele yii bǎã lɛ a die wɔsɛn boe wa. A giala, Kanaan minin mɛnɛn bɛ́ nyankɔrɔ basa gána kɛ nɛ, fɔlɔ wotoro tá ǹ tumaa lon. Min mɛnɛn bɛ́ Bɛti-Seyan kiwi, ka a lɛkoro lɛ-a bǎãn nɛ, a tá bɛn lon, a tá Zizereyɛli a nyankɔrɔ basa dɛnan kɛn dɔn lon.»

LAWA A BOO SONBORE 2011

¹⁶ Sɛnɛ, Zozɛfu a nɛnyaanan lɛn nə́ pɛ Zozoe ne: «Kele yii bǎã lɛ a die wɔsɛn boe wa. A giala, Kanaan minin mɛnɛn bɛ́ nyankɔrɔ basa gána kɛ nɛ, fɔlɔ wotoro tá ǹ tumaa lon. Min mɛnɛn bɛ́ Bɛti-Seyan kiwi, ka a lɛkoro lɛ-a bǎãn nɛ, a tá bɛn lon, a tá Zizereyɛli a nyankɔrɔ basa dɛnan kɛn dɔn lon.»

Zozoe 17:16 Iomraidhean Croise

Kiin1 18:45

Màn na á goã miɛ̃ lon a tìbaa li, labaran lɛn laanka piɛ̃ gɔn. La kaaraa nə́ n tɔ tán. Akaabu wɔ a wotoro ne, á woo Zizereyɛli kiwi.

Kiin1 18:46

Dɛnaa Lawa pàã kɔ Yilii la, á n binbin yii, á giã Akaabu nyɛɛnɛ, á baa si yǎa Zizereyɛli kiwi.

Kiin1 21:1

Sii mɛn nə n zɛnaa bɛa siin kɛn lɛn kio, bɛ á ke: Zizereyɛli min goon ne, a tɔ n Naabɔti. *Rezɛ̃ da wuru goã a lon kunu Samarii gána a kii Akaabu a piɛ li, Zizereyɛli kiwi.

Kiin1 21:23

Dɛnaa Lawa boo da Zezabɛli dɔ wɔ paǹ li, á pɛ: «Ginin tá re n gere soɛ̃ Zizereyɛli kiwi.

Kiin1 4:12

Ayiwudu a nɛgiĩ Baanaa na á goã Tanaaki laanka Megidoo mìi la, ka Bɛti-Seyan gána tumaa nɛ, gána lɛ n boe Zarɛtan genli, Zizereyɛli kiwi a gusin a lɛ̀gɔn la, a wo Abeli-Mewolaa kiwi yaa, a kiɛ̃ a woo yǎa a Yokmeyaa kiwi niɛ̃.

Kiin2 9:10

Zezabɛli sɛ, ginin tá re a gere soɛ̃ Zizereyɛli tán la, min ba re a gere yii a bĩ wa.» Bɛ kio, tɔntɔraagiĩ lɛ kiɛnlɛ bũ, á soo á baa si á woo.

Kiin2 9:37

Zezabɛli gere tá re n biɛ ka tɔɔn bù bɛ́ lɔn wuru fúlu bii, Zizereyɛli tán la, yǎa min ba re boe la a pɛ mà Zezabɛli gere n ke wa.»

Zeremii 49:2

«Dɛnaa Lawa a da ǹ boo á ke, lɛawaan tá re doe, man die toɛ, ziabaa ǹ lɛ dɛ bɔ Rabaa, Amɔn tɔrɔn kiwi gole kɛ nɛ. Bɛa kiwi gole lɛ á re kɛbɔlɔ biɛ. Tɛ á re a lɛkoro lɛ-a kiwin kuĩ. Bǎãn mɛnɛn bɛ́ Izirayeli wɔ lɛa, á re ǹ sii.»

Zozoe 15:56

Zizereyɛli, Yakidamu, Zanoa,

Zozoe 17:11

Isakaara tɔrɔn laanka Asɛɛrɛ tɔrɔn bǎã nɛ, Bɛti-Seyan kiwi laanka a lɛkoro lɛ-a bǎãn man nə́ dɔ Manaasee tɔrɔn lɛn ganaa, Yibuleyamu laanka a lɛkoro lɛ-a bǎãn nɛ, Dɔɔrɔ kiwi ni, Ɛn-Dɔɔrɔ nɛ, Tanaaki ni, Megidoo kiwi laanka a lɛkoro lɛ-a bǎãn nɛ, kiwi sɔɔ.

Zozoe 17:15

Zozoe tɔ́n pɛ ǹ nɛ: «Ka bɛ́ zaman damata lɛa, Efrayimu a kele yii bǎã kɛ dɔ bɛ́ kiɛɛrɛ ka ganaa á la yii ni, ka wo daã kɛ nɛ, Perɛzi minin laanka Refayimu minin gána nɛ, ka bǎã kuru kaa wɔ lɛa.»

Zozoe 17:17

Zozoe tɔ́n pɛ Zozɛfu a minin, Efrayimu laanka Manaasee tɔrɔn lɛn manɛ: «Sonbore ne, ǹ tá zaman damata lɛa, ka pàã dɔ á gole. Ka bɛ́ re bǎã mɛn yii, a goɛ̃ bǎã goon toto dinsɔɔ̃ wa.

Zozoe 17:18

Sɛnɛ, kele yii bǎã kɛ dɔ á re doe ka ganaa. A laanɛ á daã lɛa, ka tá re kuri, a tumaa á re goɛ̃ kaa wɔ lɛa, a wo kaa a lɛ lɛ. A laanɛ fɔlɔ wotoron laanka pàã tá Kanaan minin lɛn lon, ka tá re ǹ lui ka ǹ bɔ gána lɛ nɛ.»

Zozoe 19:18

Kiwin mɛnɛn bɛ́ ǹ nə́ goã ǹ gèlè la, bɛn man ka kɛn nɛ: Zizereyɛli, Kesulɔti, Sunɛmu,

Sii yɔrɔ-bɔlen 1:19

Dɛnaa Lawa goã kun ka Zudaa minin ni, ǹ nə́ kele yii bǎãn lɛn kũ ǹ nə́ baa ǹ wɔ lɛa. Sɛnɛ, ǹ boo la ǹ nə́ nyankɔrɔ basadɛnan kɛn loo wa, a giala, fɔlɔ wotoron man nə́ goã bɛn lon, ǹ nə́ zia biɛ nɛ.

Sii yɔrɔ-bɔlen 4:13

Bɛa biikoo li, Sizeraa a ziabaa ǹ fɔlɔ wotoro biɛmanangɔrɔ lɛ tumaa, ka min mɛn tumaa dɔ goã kun ni, á ǹ sɔkɔn Arosɛti-Goyimu, á woo ǹ ne Kisɔn tà lɛ-a.

Sii yɔrɔ-bɔlen 4:3

Izirayeli minin lɛn nə́ n lɛ dɛ Dɛnaa Lawa ganaa. A giala fɔlɔ wotoro biɛmanangɔrɔ na á goã Sizeraa lon. Á bɔ Izirayeli minin lɛn yii-n taãn-taãnɛ, yǎa lɛ̀ fuə.

Sii yɔrɔ-bɔlen 6:33

Madiã minin tumaa, Amalɛki tɔrɔn laanka lɛ̀giala gána minin kɛn nə́ n lɛ sɔkɔn, ǹ nə́ Zurdɛ̃ tà kuru, ǹ nə́ daa giã Zizereyɛli a nyankɔrɔ basa kɛ nɛ.

Samayeli1 29:1

Filisiti minin nə́ ǹ sɔraasin tumaa sɔkɔn Afɛki kiwi. Mu pìã mɛn bɛ́ Zizereyɛli kiwi, Izirayeli minin nə́ giã kunu bɛ ganaa.