Zozoe 17:11 - LAWA A BOO SONBORE

¹¹ Isakaara tɔrɔn laanka Asɛɛrɛ tɔrɔn bǎã nɛ, Bɛti-Seyan kiwi laanka a lɛkoro lɛ-a bǎãn man nə́ dɔ Manaasee tɔrɔn lɛn ganaa, Yibuleyamu laanka a lɛkoro lɛ-a bǎãn nɛ, Dɔɔrɔ kiwi ni, Ɛn-Dɔɔrɔ nɛ, Tanaaki ni, Megidoo kiwi laanka a lɛkoro lɛ-a bǎãn nɛ, kiwi sɔɔ.

LAWA A BOO SONBORE 2011

¹¹ Isakaara tɔrɔn laanka Asɛɛrɛ tɔrɔn bǎã nɛ, Bɛti-Seyan kiwi laanka a lɛkoro lɛ-a bǎãn man nə́ dɔ Manaasee tɔrɔn lɛn ganaa, Yibuleyamu laanka a lɛkoro lɛ-a bǎãn nɛ, Dɔɔrɔ kiwi ni, Ɛn-Dɔɔrɔ nɛ, Tanaaki ni, Megidoo kiwi laanka a lɛkoro lɛ-a bǎãn nɛ, kiwi sɔɔ.

Zozoe 17:11 Iomraidhean Croise

Samayeli2 21:12

Davida yoo, á woo Sayulu laanka a nɛgiĩ Zonaatan wen si Zabɛsi kiwi a pàãdɛnan kɛn la, Galaati gána nɛ. Sonbore, Filisiti minin bɛ́ ǹ nə́ Sayulu dɛ Gilboa ǹ mɛn pinaa, maǹ ná a laanka Zonaatan gere lɔɔ lon bii-a Bɛti-Seyan kiwi. Zabɛsi minin lɛn dɔn man nə́ woo ǹ geren lɛn koã walan.

Kiin1 9:15

Salomɔn na á pàã dí-nyalin kaa Lawa a kion lɛ a doe ganaa, ka kii kion lɛ nɛ, ka bǎã kɛ nɛ ǹ nə́ bíi Miloo ka Zeruzalɛmu a kungɔn kɛ dɔ nɛ. A na á pàã dí-nyalin kaa Asɔɔrɔ kiwi dɔ a doe ganaa, ka Megidoo kiwi laanka Gezɛɛrɛ kiwi ni.

Kiin2 9:27

Zudaa gána a kii Ahaazia bɛ́ á bɛ yɛ, á Bɛti-Gan zii saa á baa si á woo. Sɛnɛ, Zewu ná a kio loo á pɛ mà ǹ na a dɔ dɛ! Ǹ nə́ tɔ́n dɛ a wotoro ne, ǹ nə́ busu da a ganaa, bɛ á zɛnɛɛ, bɛ̀ a n zii la woe Guuru kele la kunu Yiibleyamu kiwi ganaa. Á baa si á woo Megidoo, á gã walan.

KZS1 7:29

Kiwin kɛn man nə́ goã Manaasee tɔrɔn sɛn gɔn: Bɛti-Seyan laanka a lɛkoro lɛ-a kiwin ni, Tanaaki laanka a lɛkoro lɛ-a kiwin ni, Megidoo laanka a lɛkoro lɛ-a kiwin ni, ka Dɔɔrɔ laanka a lɛkoro lɛ-a kiwin ni. Izirayeli a nɛ Zozɛfu tɔrɔn man nə́ goã giã-n bɛa kiwin lɛn nɛ.

KZS2 35:22

Sɛnɛ, Zoziasi yiri nə n bɔyaa wa. Bɛ lɛ nɛ, a n too kɔ Nekoo a boo lɛ-a wa, a da yaa dɔn, boo lɛ n boe Lawa dinmaa li. A ná a kiibaa ǹ mɔnaan sɔlɔ màn mɛn bɛ́ toɛ a nyan dɔ̃ wa, á tɔn woo Megidoo a nyankɔrɔ lɛ kɛ nɛ zia la.

Loen 83:10

Lawa, n sii mɛn zɛnaa Madiã minin ni, ka Sizeraa laanka Yavɛn nɛ Kisɔn tà lɛ-a, bɛ lɛ zɛnaa ǹ dɔn manɛ.

Zeremii 49:2

«Dɛnaa Lawa a da ǹ boo á ke, lɛawaan tá re doe, man die toɛ, ziabaa ǹ lɛ dɛ bɔ Rabaa, Amɔn tɔrɔn kiwi gole kɛ nɛ. Bɛa kiwi gole lɛ á re kɛbɔlɔ biɛ. Tɛ á re a lɛkoro lɛ-a kiwin kuĩ. Bǎãn mɛnɛn bɛ́ Izirayeli wɔ lɛa, á re ǹ sii.»

Zakarii 12:11

Bɛa waáraa kəni, gɛ̀ zɛnaa gole n die n zɛnɛɛ Zeruzalɛmu, ka Adaadi-Rimɔn wɔ kɛ bɛ́ lɔn Megidoo nyankɔrɔ basa kɛ nɛ.

Zozoe 11:2

Á minin dia kiin kɛn dɔn li kele yii kɛ nɛ gɔsɛ a lɛ̀gɔn la, á ǹ dia Zurdɛ̃ a nyankɔrɔ basa dɛnan kɛn dɔn li, Kinerɛti tà a gusin a lɛ̀gɔn la, á ǹ dia diə gɔ́ɔ̃ wɔn kɛn li, ka ǹ mɛnɛn dɔn bɛ́ Dɔɔrɔ kele la, lɛ̀nyɛɛnɛ.

Zozoe 12:21

Tanaaki, Megidoo,

Zozoe 12:23

Dɔɔrɔ ke tenten la, Goyimu ke Galilee gána nɛ

Zozoe 16:9

kun ka ǹ kiwin mɛnɛn tumaa laanka ǹ lɛkoro lɛ-a bǎãn nɛ Manaasee tɔrɔn bǎã nɛ ǹ nə́ ǹ kɔ Efrayimu tɔrɔn lɛn la.

Zozoe 17:10

Gusin a lɛ̀gɔn la bǎã kɛ na á goã Efrayimu tɔrɔn wɔ lɛa, gɔsɛ a lɛ̀gɔn la bǎã kɛ na á goã Manaasee tɔrɔn wɔ lɛa. Kɔ̀ gole kɛ na á goã ǹ gèlè lɛa. Gɔsɛ a lɛ̀gɔn la, ǹ bǎã lɛ n woe n doɛ Asɛɛrɛ tɔrɔn bǎã ganaa. Lɛ̀giala gɔn la, a n woe n doɛ Isakaara tɔrɔn bǎã ganaa.

Zozoe 17:16

Sɛnɛ, Zozɛfu a nɛnyaanan lɛn nə́ pɛ Zozoe ne: «Kele yii bǎã lɛ a die wɔsɛn boe wa. A giala, Kanaan minin mɛnɛn bɛ́ nyankɔrɔ basa gána kɛ nɛ, fɔlɔ wotoro tá ǹ tumaa lon. Min mɛnɛn bɛ́ Bɛti-Seyan kiwi, ka a lɛkoro lɛ-a bǎãn nɛ, a tá bɛn lon, a tá Zizereyɛli a nyankɔrɔ basa dɛnan kɛn dɔn lon.»

Sii yɔrɔ-bɔlen 1:27

Manaasee tɔrɔn nə boo la ǹ nə́ Bɛti-Seyan kiwi minin laanka a kio kiwin kɛn minin loo wa. Tanaki kiwi laanka a kio kiwin ni, Dɔɔrɔ kiwi laanka a kio kiwin ni, Zibleyia kiwi laanka a kio kiwin ni, Megidoo kiwi laanka a kio kiwin ni, ǹ bɛn kɔn a minin loo wa. Kanaan minin nə́ wusoo ǹ nə́ n zɔ̃ ǹ nə́ giã bɛa gána lɛ nɛ.

Sii yɔrɔ-bɔlen 5:19

KIIN nə́ daa zia baa, Kanaan kii nə́ zia baa Tanaaki kiwi, Megidoo tà lɛ-a. Haalɛ wɔrɔ goone, ǹ saa zia la ǹ nə́ daa-n wa.

Samayeli1 28:7

Sayulu pɛ a dí-nyalin manɛ: «Lɔ mɛn nə́ ke boobaa ǹ dí nyɛɛ, ka ga bɛ li, ma die ma wo n gɔn koa la.» A dí-nyalin lɛn nə́ pɛ nɛ mà lɔ goon tá Ɛn-Dɔɔrɔ kiwi, nyín bíi.

Samayeli1 31:10

Ǹ nə́ Sayulu a ziabaa ǹ mànan kaa dì Asitartee guguru kɔ ǹ kion, ǹ ná a gere dere Bɛti-Seyan kiwi a kungɔn ganaa.

Samayeli1 31:12

Giĩn mɛnɛn bɛ́ doa boe ǹ nə́ la ǹ miãn manɛ, bɛn nə́ zii saa, ǹ nə́ tèlò goon tumu tɔ wɔ ǹ nə́ woo Sayulu laanka a nɛgiĩn lɛn geren waa ǹ nə́ ǹ bɔ Bɛti-Seyan kiwi a kungɔn ganaa. Ǹ bɛ́ ǹ nə́ n bɔyaa ǹ nə́ daa Zaabɛsi kiwi, ǹ nə́ Sayulu laanka a nɛgiĩn lɛn gere tã walan.