Zozoe 15:8 - LAWA A BOO SONBORE

⁸ Gèlè lɛ n wusii a kɔ Bɛn-Inɔn a nyankɔrɔ basa kɛ wàã lɛ doo, dia-n woe Zebuzu kiwi kɛa gusin a lɛ̀gɔn la. Zebuzu lɛ nɛ ǹ tá bii Zeruzalɛmu. A n woe yǎa kele kɛ mìi ni Inɔn a nyankɔrɔ basa lɛ a lɛ̀nyɛɛnɛ, a Refayimu minin nyankɔrɔ basa kɛ da a nɛ, gɔsɛ a lɛ̀gɔn la.

LAWA A BOO SONBORE 2011

⁸ Gèlè lɛ n wusii a kɔ Bɛn-Inɔn a nyankɔrɔ basa kɛ wàã lɛ doo, dia-n woe Zebuzu kiwi kɛa gusin a lɛ̀gɔn la. Zebuzu lɛ nɛ ǹ tá bii Zeruzalɛmu. A n woe yǎa kele kɛ mìi ni Inɔn a nyankɔrɔ basa lɛ a lɛ̀nyɛɛnɛ, a Refayimu minin nyankɔrɔ basa kɛ da a nɛ, gɔsɛ a lɛ̀gɔn la.

Zozoe 15:8 Iomraidhean Croise

Samayeli2 5:18

Filisiti minin lɛn bɛ́ ǹ nə́ dɔ, ǹ nə́ n nyɔmaa Refayimu tɔrɔn nyankɔrɔ basa kɛ nɛ.

Samayeli2 5:22

Biikoo kɔsɔ-a doo, Filisiti minin lɛn nə́ woo n nyɔmaa Refayimu a nyankɔrɔ basa lɛ nɛ.

Kiin2 23:10

*Wúlu màn tã ǹ bǎã mɛn goã Tofɛti, Bɛn-Inɔmu a nyankɔrɔ lɛ kɛ nɛ, kii lɛ bɛ dɔ soɛ̃ yiɛ, màn mɛn bɛ́ toɛ, min kɔn baran a nɛginin hinlaa a nɛlɔ tã wúlu màn lɛa, dì Molɛki wɔ lɛa wa.

KZS1 11:4

Davida lɛ laanka Izirayeli minin tumaa woo kɔ Zeruzalɛmu lɛ. Maǹ nə́ goã Zeruzalɛmu kiwi lɛ bíi Zebuzu dɔn. Zebuzu minin man nə́ goã walan.

KZS2 28:3

A n màn gìĩ kɔɔ̃n koe Inɔn a nyankɔrɔ basa kɛ nɛ, a na a nɛnyaanan tiɛ̃ *wúlu màn lɛa ka tɔrɔn kɛn wɔ bɛ́ lɔn, sii bɔbɔnɛɛn zɛnɛɛ, Dɛnaa Lawa nə́ ǹ loo á ǹ bǎã kɔ Izirayeli minin la.

Nehemii 11:30

Zanoa nɛ, Adulaamu ni, ka ǹ kiwi bisinin ni, Lakisi kiwi laanka a don ne, Azeka laanka a lɛkoro lɛ-a bǎãn nɛ. A saa Bɛɛr-Sebaa ganaa, ǹ nə́ giã miɛ̃ yǎa Hinɔmu a nyankɔrɔ lɛ kɛ nɛ.

Izayii 17:5

A n die n biɛ ka kaa-piɛ a nya bɛ́ lɔn, *belee kurii waáraa, gɔn sara sɔkɔn a nya kio. A n die n biɛ ka Refayiti a nyankɔrɔ basa kɛ bɛ́ lɔn kaa-piɛ kio.

Zeremii 19:14

Bɛ kio, Zeremii nə́ n bɔyaa á daa Tofɛti, a goã á Dɛnaa Lawa a boo gii da bǎã mɛn lɛ nɛ. Á woo Lawa a kion a sumu-n, á boo da zaman lɛ nɛ á pɛ:

Zeremii 19:2

Bɔ kiɛnlɛ kɛ nɛ ǹ nə́ bíi "dɔnɔn kiɛnlɛ", n wo Inɔn nyankɔrɔ lɛ kɛ nɛ. Ma bɛ́ re boon mɛnɛn pii n ni, n lɛ dɛ ǹ nɛ walan.

Zeremii 19:6

Bɛ lɛ nɛ, ǹ kɔn pinaa, ǹ ba re bǎã kɛ bíi doo "Tofɛti hinlaa Inɔn" wa. Sɛnɛ maǹ die bíi "dɔlɔ bɔ ǹ nyankɔrɔ basa". Dɛnaa Lawa a da ǹ boo ne.

Zozoe 15:63

Zebuzu tɔrɔn mɛnɛn nə goã giã n Zeruzalɛmu kiwi, Zudaa tɔrɔn lɛn nə boo la ǹ nə́ bɛn loo wa. Bɛ lɛ nɛ, Zebuzu tɔrɔn lɛn nə́ giã kun ka Zudaa tɔrɔn lɛn nɛ Zeruzalɛmu yǎa á daa kaa pelo lɛ.

Zozoe 18:16

Gèlè lɛ nə n toɛ walan, a gisĩ a da kele kɛ gòã lasa ganaa, Hinɔn tɔrɔn nyankɔrɔ basa kɛ yɔrɔ-a, Refayimu tɔrɔn diə fúlu kɛ nɛ, gɔsɛ a lɛ̀gɔn la. A nə n toɛ Hinɔn a nyankɔrɔ basa lɛ nɛ, Zebuzu tɔrɔn kele kɛa gusin a lɛ̀gɔn la, a gisĩ a da Ɛn-Rogeli tà lɛ-a.

Zozoe 18:28

Selaa, Elɛfu, Zebuzu bɛ giala mà Zeruzalɛmu, Gibeya, Kiriyati-Yarimu. Bɛn man kiwi dadara fulusii, ka ǹ lɛkoro lɛ-a kiwi bisinin ni. Bǎã mɛn dɔ Bɛnzamɛn tɔrɔn tanlɛ minin lɛn ganaa kíɛ̃ lɛa, a din nə ka kɛ nɛ.

Sii yɔrɔ-bɔlen 1:21

Zebuzu tɔrɔn kɛn, ǹ nə́ goã giã-n Zeruzalɛmu, Bɛnzamɛn tɔrɔn lɛn nə bɛn loo wa. Zebuzu tɔrɔn tɛnɛn nə́ giã kun ka Bɛnzamɛn tɔrɔn nɛ Zeruzalɛmu yǎa á daa kaa pelo lɛ.

Sii yɔrɔ-bɔlen 1:8

Zudaa minin nə́ yoo Zeruzalɛmu gialaa ǹ nə́ kũ. Ǹ nə́ kiwi minin lɛn dɛ ǹ nə́ tɛ da kiwi lɛ ganaa.

Sii yɔrɔ-bɔlen 19:10

Sɛnɛ bɛa pinaa kɛ nɛ, Levii min lɛ lɛ kɔ á waa wa. A yoo á zii saa ka a lɔ nɛ, ka dundun màn paa kɛ dɔ nɛ kɛkɛrɛ nə́ ǹ dɔ̀ɔ̃ nɛ. A woo á dɔ Zebuzu kiwi yɔrɔ-a, bɛ n ka Zeruzalɛmu ni.