Zozoe 15:11 - LAWA A BOO SONBORE

¹¹ Gèlè lɛ n boe Ekrɔn kele lɛ wàã li gɔsɛ a lɛ̀gɔn la, a n pusu a da Sikarɔn kiwi, a da bɔ Baalaa kiwi a kele la, a kiɛ̃ a wo yǎa Yabneyeli, a tɔn wo n doa kɔ̀ gole kɛ ganaa.

LAWA A BOO SONBORE 2011

¹¹ Gèlè lɛ n boe Ekrɔn kele lɛ wàã li gɔsɛ a lɛ̀gɔn la, a n pusu a da Sikarɔn kiwi, a da bɔ Baalaa kiwi a kele la, a kiɛ̃ a wo yǎa Yabneyeli, a tɔn wo n doa kɔ̀ gole kɛ ganaa.

Zozoe 15:11 Iomraidhean Croise

Kiin2 1:16

Yilii pɛ kii lɛ nɛ: «Dɛnaa Lawa mà n bɛ́ ń minin dia woe nɔ̀n diɛ Ekrɔn kiwi a dì Baali-Zebubu la, mà Lawa na a banban Izirayeli gána nɛ min nə́ boe la a nɔ̀n da la wa? Bɛ lɛ nɛ, n mɛ tán piì mɛn la, n ba re yui n nə n bɔ bɛ la doo wa, a giala n tá re giɛ̃ a giala yii li.»

Kiin2 1:6

Ǹ nə́ kii lɛ lɛ si mà giĩ goon na á daa n da ǹsɛn lɛ, á pɛ ǹsɛn man kɛnɛn: – Kii mɛn ka dia, ka n bɔyaa ka wo bɛ li ka pɛ nɛ: «Dɛnaaa Lawa mà Lawa na a banban Izirayeli gána nɛ a tá nɔ̀n diɛ la wa, yǎa a woe Ekrɔn kiwi a dì Baali-Zebubu li? Bɛ lɛ nɛ, a mɛ tán piì mɛn la, a die yui a n bɔ bɛ la doo wa, a giala a n die giɛ̃ a giala yii li.»

KZS2 26:6

Oziasi woo zia baa Filisiti minin ganaa. Á Gaati laanka Yabneyeli ka Asidɔdi kiwin kungɔnɔn wuru. Á kiwi kɔsɔn dɔ Asidɔdi gána laanka Filisiti minin gánan tɛnɛn nɛ.

Minin nimi 34:6

Lɛ̀ nyɛɛngɔn la, yìsi mu kɛ n die n biɛ ka gèlè lɛa.

Zozoe 15:10

Gèlè lɛ nə n toɛ Baalaa doo, a n pusu a wo lɛ̀nyɛɛn la, dia-n woe Seyiiri kele kɛ la, a da bɔ daãn kele kɛ wàã li gɔsɛ a lɛ gɔn la, bɛ n ka Kesalɔn nɛ. A n gisĩ a da Bɛti-Semɛsi, a kiɛ̃ a wo Timnaa kiwi.

Zozoe 15:12

A lɛ̀nyɛɛn gɔn la a gèlè n ka kɔ̀ gole lɛ laanka a lɛkoro lɛ-a bǎãn nɛ. Bǎã mɛn nə n kɔ Zudaa tɔrɔn lɛn la, ǹ tanlɛ yii li, bɛ lɛ gèlèn man ka bɛn nɛ, paǹ tumaa li.

Zozoe 15:45

Ekrɔn dɔ laanka a bǎãn tá a nɛ ka a lɛkoro lɛ-a kiwin ni.

Zozoe 15:9

Gèlè lɛ nə n toɛ kele lɛ mìi ni, a n pusu a da yǎa Nɛftoa tà kɛa mu pìã lɛ-a, a da bɔ Efrɔn kele kɛ a kiwin ni, a n pusu a da Baalaa kiwi ganaa, bɛ n ka Kiriyati-Yarimu ni.

Sii yɔrɔ-bɔlen 1:18

Zudaa minin nə́ Gaazaa laanka a lɛkoro bǎãn kũ, Asikalɔn laanka a lɛkoro bǎãn nɛ, ka Ekrɔn laanka a lɛkoro bǎãn nɛ.

Samayeli1 17:52

Izirayeli minin laanka Zudaa minin lɛn nə́ toɛ̃ ka ziabaa ǹ lɛ-dɛ nɛ, ǹ nə́ Filisiti minin lɛn kio loo yǎa ǹ nə́ dɔ nyankɔrɔ basa kɛ lɛ-a, ka Ekrɔn kiwi a wɔ ǹ kiɛnlɛ nɛ. Filisiti minin geren man nə́ goã sabaaa tán Saaraayimu zii la, a wo Gaati laanka Ekrɔn yaa.

Samayeli1 5:10

Ǹ nə́ Lawa a goo lɛ dia Ekrɔn. Sɛnɛ, Lawa a goo lɛ bɛ́ á dɔ Ekrɔn lɔn gɔrɔ, Ekrɔn minin lɛn nə́ n lɛ dɛ bɛ̀ ǹ nə́ pii: «Ka n ka daa ka Izirayeli a Lawa a goo lɛ nɛ wɔsɛn li mà ka wɔsɛn dɛ wɔ gã, wɔsɛn laanka wɔa zaman nɛ?»

Samayeli1 5:8

Ǹ lɛ dɔ Filisiti minin kiin tumaa ganaa mà ǹ da ǹ lɛ sɔkɔn ǹsɛn li. Ǹ nə́ tɔń pɛ ǹ nɛ: «Wɔsɛn man die Izirayeli a Lawa a goo kɛ biɛ lɔn?» Ǹ nə́ n toa: «Izirayeli a Lawa a goo lɛ doamaa nɛ a wo Gaati kiwi.» Bɛ kio, ǹ nə́ woo ka Izirayeli a Lawa a goo lɛ nɛ walan.

Samayeli1 7:14

Filisiti minin nə goã ǹ nə́ kiwi mɛnɛn si Izirayeli minin la, bɛn nə́ wusoo ǹ nə́ dɔ ǹ ganaa. A kũ Ekrɔn ganaa a wo kaa Gaati lɛ, Izirayeli minin nə́ bɛa tánan lɛn si Filisiti minin la. Là nyantoro yɛ Izirayeli minin laanka Amɔɔrɔ tɔrɔn bii ni.