Zozoe 14:9 - LAWA A BOO SONBORE

⁹ Bɛa pinaa kɛ lɛ nɛ, Muizu nə́ n liɛ á pɛ kɛnɛn: «N gòã mɛ gána mɛn lɛ nɛ, bɛ á re n laanka n nɛnyaanan kíɛ̃ biɛ yǎa duduu, sàabaa ba bɛ la wa. A giala, Dɛnaa Lawa mɛn bɛ́ masɛ Muizu a Lawa lɛa, á kɔ bɛ lɛ ka a foo tumaa nɛ.»

LAWA A BOO SONBORE 2011

⁹ Bɛa pinaa kɛ lɛ nɛ, Muizu nə́ n liɛ á pɛ kɛnɛn: «N gòã mɛ gána mɛn lɛ nɛ, bɛ á re n laanka n nɛnyaanan kíɛ̃ biɛ yǎa duduu, sàabaa ba bɛ la wa. A giala, Dɛnaa Lawa mɛn bɛ́ masɛ Muizu a Lawa lɛa, á kɔ bɛ lɛ ka a foo tumaa nɛ.»

Zozoe 14:9 Iomraidhean Croise

Loen 37:9

Lawa á re min baraan wɛɛ a ǹ bɔ gána kɛ nɛ, sɛnɛ, min mɛnɛn bɛ́ n foo doɛ Dɛnaa Lawa ganaa, gána lɛ á die bɛn wɔ biɛ.

Minin nimi 13:22

Bɛ kio, ǹ nə́ woo gusin a lɛ̀gɔn li, ǹ nə́ woo soo yǎa Ebrɔn kiwi. Anaaki a nɛnyaanan kɛn, Ayiman nɛ, Sesayii ni ka Talmayii ni, bɛn tanlɛn minin man nə́ goã giã-n bɛa bǎã lɛ nɛ. (Ǹ nə́ goã ǹ nə́ Ebrɔn kiwi kɛ koa á dɔ lɛ̀ sɔbaa, ǹ nə́ tɔ́n Soan kiwi kɛ koa Ezipti gána nɛ.)

Timəə dí-pɛn 1:36

yǎa Yefunee a nɛgiĩ Kalɛbu ke. Bɛ yii á re yii. A tɔ wɔ á bɔ gána mɛn lɛ nɛ, ma á re koe a din laanka a nɛnyaanan la. A giala, á kɔ masɛ Dɛnaa Lawa lɛ, ka a parsiini.»

Timəə dí-pɛn 11:24

Ka gòã bɛ́ re miɛ bǎã mɛn tumaa nɛ, bɛ á re kaa wɔ biɛ. Ka gèlè n die siɛ diə gole kɛ laanka Liban gána ganaa, a wo Efrati tà kɛ yaa, a kiɛ̃ a wo yǎa Yìsi mu gole kɛ lɛ-a lɛ̀nyɛɛnɛ.

Zozoe 1:3

Ka ma pɛ Muizu-n lɔn, ka gòã bɛ́ re miɛ̃ bǎã woo bǎã nɛ, má bɛ kɔ ka la.

Zozoe 14:10

Dɛnaa Lawa pɛ lɔn, á ke á masɛ yii toa koo á daa dɔ pelo ganaa. Dɛnaa Lawa bɛ́ boo kɛ lɛ pii Muizu ni, bɛ̀ Izirayeli minin lɛn maǹ don bii wɔsɛ kiɛ̃. Bɛ lɛ̀ pusiwensooro n ke. Pelo, masɛ lɛ̀ pɔkiwisiwensooro dɔ nɛ.

Sii yɔrɔ-bɔlen 1:20

Ǹ nə́ Ebrɔn kiwi kɔ Kalɛbu la ka Muizu goã á pɛ lɔn. Kalɛbu Anaaki a nɛgiĩ sɔɔ tɔrɔn kɛn loo, á ǹ bɔ walan.