Zozoe 14:3 - LAWA A BOO SONBORE

³ A giala, Muizu goã á bǎã kɔ tɔrɔ paa ka talɛɛ kɛ la ǹ kíɛ̃ lɛa Zurdɛ̃ tà kio lɛ̀giala-n. Sɛnɛ, *Levii tɔrɔn kɛn, a goã á bǎã kɔ bɛn la ǹ bii ǹ kíɛ̃ lɛa wa.

LAWA A BOO SONBORE 2011

³ A giala, Muizu goã á bǎã kɔ tɔrɔ paa ka talɛɛ kɛ la ǹ kíɛ̃ lɛa Zurdɛ̃ tà kio lɛ̀giala-n. Sɛnɛ, *Levii tɔrɔn kɛn, a goã á bǎã kɔ bɛn la ǹ bii ǹ kíɛ̃ lɛa wa.

Zozoe 14:3 Iomraidhean Croise

Ezekieli 45:1

«Bɛ̀ ǹ nə́ n pã ǹ nə́ gána lɛ gii ǹ mɛn waáraa, ǹ masɛ Dɛnaa Lawa wɔ gii bɔ. Bɛ n die goɛ̃ masɛ wɔ lɛa gána lɛ nɛ, a sasabaa goã gùrù yii duu fuəwensooro (25 000), a pəməbaa goã gùrù yii duu fu (10 000). Bɛ tumaa n die goɛ̃ a gɔrɔn ma din wɔ lɛa.

Zozoe 12:6

Dɛnaa Lawa a dí-nyali Muizu laanka Izirayeli minin lɛn nə́ goã ǹ nə́ ǹ dɛ. Dɛnaa Lawa a dí-nyali Muizu na á goã á ǹ bǎãn lɛn kɔ Urubɛn tɔrɔn laanka Gaadi tɔrɔn la ka Manaasee tɔrɔn kɛn talɛɛ la.

Zozoe 13:14

A na a bǎã kɔ Levii tɔrɔ minin kɛn dininsɔɔ̃nɔn la kíɛ̃ lɛa wa. A giala, Dɛnaa Lawa, Izirayeli minin Lawa a wúlu mànan kɛn ǹ nə́ goã ǹ tiɛ̃, ǹ wɔ gii na á goã ka bɛ nɛ, ka a din bɛ́ á goã á pɛ ǹ nɛ lɔn.

Zozoe 13:16

Ǹ bǎã lɛ n siɛ Aroɛɛrɛ kiwi ganaa Arnɔn tà lɛ-a, ka kiwi kɛ nɛ nyankɔrɔ basa kɛ bii, diə bǎã kɛ tumaa nɛ, kunu Medebaa kiwi ganaa.

Zozoe 13:17

Ɛsibɔnɔn gána laanka a kiwi mɛn tumaa goã diə bǎã lɛ nɛ, bɛn dɔn tá a nɛ: Dibɔn laanka Bamɔti-Baali ni, Bɛti-Baali-Mewɔn nɛ,

Zozoe 13:8

Dɛnaa Lawa a dí-nyali Muizu bǎã mɛn kɔ Urubɛn tɔrɔn laanka Gaadi tɔrɔn la ka Manaasee tɔrɔ minin kɛn talɛɛ nɛ Zurdɛ̃ tà kio lɛ̀giala-n, bɛ́ bɛn kíɛ̃ baa.