Zozoe 14:11 - LAWA A BOO SONBORE

¹¹ Sɛnɛ, ma goã kaka lɔn bɛ̀ Muizu bɛ́ ma diɛ giɛ gána lɛ ganaa, man tɔn kaka miɛ̃ haalɛ pelo. Pàã mɛn goã ma lon lɛlɛ má n zia biɛ nɛ, ma soo bɛ̀ ma woo bɛ̀ man bɔyaa, bɛa pàã lɛ miã á tɔn n ma lon pelo.

LAWA A BOO SONBORE 2011

¹¹ Sɛnɛ, ma goã kaka lɔn bɛ̀ Muizu bɛ́ ma diɛ giɛ gána lɛ ganaa, man tɔn kaka miɛ̃ haalɛ pelo. Pàã mɛn goã ma lon lɛlɛ má n zia biɛ nɛ, ma soo bɛ̀ ma woo bɛ̀ man bɔyaa, bɛa pàã lɛ miã á tɔn n ma lon pelo.

Zozoe 14:11 Iomraidhean Croise

Loen 103:5

A din nə ma toe ka màn sonboren ne, á n ma biɛ min ten lɛa, pàã n ma lon, ka giogialatã bɛ́ lɔn.

Loen 90:10

Wɔa belebɔ kanaa n lɛ̀ pɔsɔbaa. Bɛ̀ min mɛn a bɔ ǹ gɔn tá siĩni, lɛ̀ pɔkiwisi. Sɛnɛ, a din-dɛdɛ a màn kɔn lɛa wa, yǎa nɔmaa laanka fuu dinsɔɔ̃. Minbuiin nɛ á papaɛ̃ fufuu, boɛɛn nɛ, a n woe.

Izayii 40:31

Sɛnɛ, min mɛnɛn bɛ́ n foo doɛ Dɛnaa Lawa ganaa, bɛn man wusii ǹ pàã dii yɛ. Maǹ yui ka giogialatã-a bɛ́ lɔn, baa sii, ǹ ba nɔmɛɛ wa. Maǹ woe nyɛɛnɛ, ka pàã nɛ.

Timəə dí-pɛn 31:2

«Masɛ lɛ̀ paabiɛ ka fuə n ke pelo. Ma a boe la ma Izirayeli minin lɛn nyɛɛnaan bɔ doɛ̃ doo wa. Dɛnaa Lawa pɛ ma-n dɔn dinin, mà ma re Zurdɛ̃ tà kɛ kuri wa.

Timəə dí-pɛn 33:25

Kaa kiɛnlɛ-a ǹ goon lɛn die ǹ goã fɔlɔ laanka zan lɛa, ka goã kaka miɛ̃ yǎa a woe kiɛ kaa gɛ̀ lɛ.»

Timəə dí-pɛn 34:7

Muizu bɛ́ giɛ̃, bɛ̀ a lɛ̀ paabiɛ ka fuə (120) ne. Bɛa waáraa, bɛ̀ a yii tɔn nə sì la wa, bɛ̀ a kakabaa tɔn woo á daa wa.

Zozoe 14:10

Dɛnaa Lawa pɛ lɔn, á ke á masɛ yii toa koo á daa dɔ pelo ganaa. Dɛnaa Lawa bɛ́ boo kɛ lɛ pii Muizu ni, bɛ̀ Izirayeli minin lɛn maǹ don bii wɔsɛ kiɛ̃. Bɛ lɛ̀ pusiwensooro n ke. Pelo, masɛ lɛ̀ pɔkiwisiwensooro dɔ nɛ.