Zozoe 14:1 - LAWA A BOO SONBORE

¹ Izirayeli minin lɛn nə bǎãn mɛnɛn yɛ ǹ kíɛ̃ lɛa Kanaan gána nɛ, bɛn man ka kɛn nɛ. Lawa a wúlu-bɔle Eleyazaara nɛ, Nunu a nɛgiĩ Zozoe laanka Izirayeli tɔrɔn lɛn kɛdɛnan man nə́ bɛa bǎãn lɛn gii Izirayeli minin lɛn bii, ǹ kíɛ̃ lɛa.

LAWA A BOO SONBORE 2011

¹ Izirayeli minin lɛn nə bǎãn mɛnɛn yɛ ǹ kíɛ̃ lɛa Kanaan gána nɛ, bɛn man ka kɛn nɛ. Lawa a wúlu-bɔle Eleyazaara nɛ, Nunu a nɛgiĩ Zozoe laanka Izirayeli tɔrɔn lɛn kɛdɛnan man nə́ bɛa bǎãn lɛn gii Izirayeli minin lɛn bii, ǹ kíɛ̃ lɛa.

Zozoe 14:1 Iomraidhean Croise

Ɛsidrasi 7:5

Abisuwa wɔ n ka Bukii ni, Fineasi wɔ n ka Abisuwa nɛ, Eleyazaara wɔ n ka Fineasi ni, Lawa a wúlu-bɔlen kiã Aarɔn wɔ n ka Eleyazaara nɛ.

Ezekieli 45:1

«Bɛ̀ ǹ nə́ n pã ǹ nə́ gána lɛ gii ǹ mɛn waáraa, ǹ masɛ Dɛnaa Lawa wɔ gii bɔ. Bɛ n die goɛ̃ masɛ wɔ lɛa gána lɛ nɛ, a sasabaa goã gùrù yii duu fuəwensooro (25 000), a pəməbaa goã gùrù yii duu fu (10 000). Bɛ tumaa n die goɛ̃ a gɔrɔn ma din wɔ lɛa.

Minin nimi 34:13

Muizu wusoo á boo da Izirayeli minin lɛn nɛ, á pɛ: «Gána lɛ din nə ke, kɛ lɛ ka n die n piɛ̃ a ganaa ka didie wɔ gii kɔ la. Dɛnaa Lawa na á pɛ mà asɛ n die bɛa gána lɛ koe tɔrɔ manangɔrɔ ka talɛɛ kɛ la.

Minin nimi 34:16

Dɛnaa Lawa boo da Muizu ni, á pɛ:

Nya ǹ dín 13:19

Bɛ kio, a bɛ́ á tɔrɔ sɔbaa dɛ á bɔ ǹ nyɛɛnɛ Kanaan gána nɛ, á tán lɛ tatala kɔn-a ǹ bii, á ǹ wɔ baa.

Timəə dí-pɛn 12:10

Sɛnɛ, ka á re Zurdɛ̃ tà kuri, kaa Lawa, Dɛnaa Lawa bɛ́ gána mɛn lɛ koe ka la kaa wɔ lɛa, ka wo giã walan. Kaa zɔ́ɔn mɛnɛn bɛ́ ka lɛnpɛnɛ, á re ka kanbiɛ bɛn ganaa, á re là nyantoro koe ka la.

Zozoe 13:6

Kele yii bǎã kɛ tumaa, a saa Liban gána ganaa a wo yǎa Misirefɔti-Mayimu kiwi, bɛ dɔ tá a nɛ. Bɛa bǎã lɛ a minin tumaa na á goã Sidɔn minin lɛa. Masɛ dinmaa-n die bɛa bǎãn kɛn lɛn minin lui ma ǹ bɔ Izirayeli minin lɛn nyɛɛnɛ. Sɛnɛ, ka masɛ pɛ n nɛ lɔn, ka n pã, n gána lɛ tatala n kɔ Izirayeli minin lɛn la.

Zozoe 19:51

Lawa a wúlu-bɔle Eleyazaara nɛ, Nunu a nɛgiĩ Zozoe ne ka Izirayeli tɔrɔn lɛn kɛdɛnan nɛ, bɛn man nə́ n pã, ǹ nə́ tɔ́n bɛa bǎãn lɛn kɔ Izirayeli tɔrɔn lɛn la ǹ kíɛ̃ lɛa. Bɛ na á n zɛnaa Dɛnaa Lawa yɔrɔ-a Siiloo, kɔn yɛ ka Lawa nɛ ǹ mɔnaa kion kɛa kiɛnlɛ-a. Ǹ nə́ gána lɛ gii miɛ̃ ka bɛa yɔrɔ lɛ nɛ yǎa á nya.

Zozoe 21:1

*Levii tɔrɔn kɛdɛnan nə́ n zɔ̃ ǹ nə́ dɔ Lawa a wúlu-bɔle Eleyazaara laanka Nunu a nɛgiĩ Zozoe li ka Izirayeli tɔrɔn lɛn kɛdɛnan nɛ.