Zozoe 13:7 - LAWA A BOO SONBORE

⁷ Kanna kəni, gána kɛ gii tɔrɔ manangɔrɔ kɛ bii, ka Manaasee tɔrɔ minin kɛn talɛɛ gialakun ni.»

LAWA A BOO SONBORE 2011

⁷ Kanna kəni, gána kɛ gii tɔrɔ manangɔrɔ kɛ bii, ka Manaasee tɔrɔ minin kɛn talɛɛ gialakun ni.»

Zozoe 13:7 Iomraidhean Croise

Loen 105:44

Á tɔrɔ kɔsɔn tánan si, á ǹ kɔ ǹ la, á bɛn dí a là kɔ ǹ la, mà ǹ bii.

Loen 78:55

Á tɔrɔ kɔsɔn loo á ǹ bɔ ǹ nyɛɛnɛ. Á bɛn bǎãn gii ǹ ni ǹ kíɛ̃ lɛa, á Izirayeli tɔrɔn kaa bɛn mɔnaa kionən ne.

Ezekieli 45:1

«Bɛ̀ ǹ nə́ n pã ǹ nə́ gána lɛ gii ǹ mɛn waáraa, ǹ masɛ Dɛnaa Lawa wɔ gii bɔ. Bɛ n die goɛ̃ masɛ wɔ lɛa gána lɛ nɛ, a sasabaa goã gùrù yii duu fuəwensooro (25 000), a pəməbaa goã gùrù yii duu fu (10 000). Bɛ tumaa n die goɛ̃ a gɔrɔn ma din wɔ lɛa.

Minin nimi 33:54

Ka die ka n pã ka gána lɛ gii kaa tanlɛn manɛ. Bɛ̀ tanlɛ lɛ mɛn tá gole, ka bɛ wɔ gii baa gole. Bɛ̀ tanlɛ lɛ mɛn ba tɛ wa, ka bɛ wɔ gii baa boɛɛnɛ. Bɛ̀ ka n pã, yǎa a mɛnaa bǎã mɛn la min mɛn wɔ lɛa, bɛa dɛnaa a bǎã lɛ n goɛ̃ walan. Ka die ka bǎã lɛ gii ka dinin di tɔrɔn biin ni.

Minin nimi 34:13

Muizu wusoo á boo da Izirayeli minin lɛn nɛ, á pɛ: «Gána lɛ din nə ke, kɛ lɛ ka n die n piɛ̃ a ganaa ka didie wɔ gii kɔ la. Dɛnaa Lawa na á pɛ mà asɛ n die bɛa gána lɛ koe tɔrɔ manangɔrɔ ka talɛɛ kɛ la.

Zozoe 13:6

Kele yii bǎã kɛ tumaa, a saa Liban gána ganaa a wo yǎa Misirefɔti-Mayimu kiwi, bɛ dɔ tá a nɛ. Bɛa bǎã lɛ a minin tumaa na á goã Sidɔn minin lɛa. Masɛ dinmaa-n die bɛa bǎãn kɛn lɛn minin lui ma ǹ bɔ Izirayeli minin lɛn nyɛɛnɛ. Sɛnɛ, ka masɛ pɛ n nɛ lɔn, ka n pã, n gána lɛ tatala n kɔ Izirayeli minin lɛn la.

Zozoe 13:8

Dɛnaa Lawa a dí-nyali Muizu bǎã mɛn kɔ Urubɛn tɔrɔn laanka Gaadi tɔrɔn la ka Manaasee tɔrɔ minin kɛn talɛɛ nɛ Zurdɛ̃ tà kio lɛ̀giala-n, bɛ́ bɛn kíɛ̃ baa.

Zozoe 14:2

Maǹ nə́ n pã, ǹ nə́ tɔ́n bǎãn lɛn gii tɔrɔ manangɔrɔ ka talɛɛ lɛ bii ǹ kíɛ̃ lɛa, ka Dɛnaa Lawa goã á pɛ Muizu-n lɔn.