Zozoe 13:13 - LAWA A BOO SONBORE

¹³ Sɛnɛ, Izirayeli minin lɛn nə Gesuuru minin kɛn laanka Maakaa tɔrɔn kɛn loo wa. Bɛ lɛ n ke, Gesuuru minin lɛn laanka Maakaa tɔrɔn lɛn nə́ giã Izirayeli minin lɛn bii, yǎa á daa kaa pelo lɛawaa kɛ lɛ.

LAWA A BOO SONBORE 2011

¹³ Sɛnɛ, Izirayeli minin lɛn nə Gesuuru minin kɛn laanka Maakaa tɔrɔn kɛn loo wa. Bɛ lɛ n ke, Gesuuru minin lɛn laanka Maakaa tɔrɔn lɛn nə́ giã Izirayeli minin lɛn bii, yǎa á daa kaa pelo lɛawaa kɛ lɛ.

Zozoe 13:13 Iomraidhean Croise

Siin Giala 35:22

Izirayeli bɛ́ bɛa bǎã lɛ nɛ, a nɛgiĩ Urubɛn giã kun ka a bɛ̀rɛlɔ Biilaa nɛ ǹ kɔ́n pinaa. Izirayeli ma, á busu a ganaa parsiini. Zakɔba na á nɛgiĩ fulupaa yɛ.

Samayeli2 10:6

Amɔn tɔrɔn lɛn nə́ yɛ, mà ǹsɛn nə́ n dinin tìĩ bɔ Davida nyin ni. Bɛ lɛ nɛ, ǹ nə́ wɔrɔ bɔ, ǹ nə́ minin dia woe Siirii minin kɛn zia-baalin goɛ Bɛti-Rehɔbu laanka Soobaa kiwi. Maǹ nə́ Siirii minin lɛn min duu fuə (20 000) goa, ǹ mɛnɛn bɛ́ tɔ we ka ǹ gòã nɛ bɛ̀ ǹ wo zia baa. Ǹ nə́ Min duu goon (1 000) goa Maakaan kii kɛa bǎã nɛ, ǹ nə́ min duu fulupaa (12 000) goa Tɔbu kiwi.

Samayeli2 3:3

A paabaa ǹ wɔ n ka Kileyabu ni. Abigayili mɛn goã Karmɛli min Naabali a lɔ lɛa, a na á Kileyabu yɛ bɛ ganaa. A sɔɔbaa ǹ wɔ n ka Abusalɔn nɛ. Gesuurun kii Talmayii a nɛlɔ Maakaa n bɛ dan lɛa.

Minin nimi 33:55

Sɛnɛ, bɛ̀ ka gána lɛ a minin tumaa loo ǹ nə́ ǹ bɔ ka nyɛɛ́n wa, ka bɛ́ re kaa min mɛnɛn toɛ walan, bɛn maǹ die goɛ̃ ka nyan bɛ́ lɔn ka yii ni, ka kiɛnɛn bɛ́ lɔn ka gánà nɛ. Maǹ die boe ka yii ni bɛa gána kɛ lɛ nɛ, ka n die giɛ̃ a nɛ.

Timəə dí-pɛn 3:14

Manaasee tɔrɔ Yayiiri ke, bɛ́ Argɔbu bǎã kɛ tumaa si yǎa Gesuuru tɔrɔn laanka Maakaati tɔrɔn gèlè la. Á n din tɔ kɔ Basan gána lɛ a kiwin ganaa. Maǹ bɛa bǎã lɛ bíi pelo mà Yayiiri a gána.

Zozoe 12:5

A na á goã giã-n Ɛrmɔn kele bǎã kɛ dɔ mìi la, ka Salkaa kiwi ni, ka Basan bǎã kɛ tumaa nɛ, a wo yǎa Gesuuru tɔrɔn kɛn laanka Makaati tɔrɔn kɛn gèlè la, a wo kaa Ɛsibɔn kii Sihɔn kɛa bǎã a talɛɛ lɛ Galaati gána nɛ.

Zozoe 13:11

Galaati gána dɔ tá a nɛ, Gesuuru bǎã kɛ nɛ, Maakaa tɔrɔn bǎã kɛ nɛ, Ɛrmɔn kele kɛ tumaa ka Basan bǎã kɛ tumaa nɛ, a wo yǎa Salkaa kiwi.

Zozoe 13:12

Basan gána a kii Ɔgu mɛn goã Asitarɔti laanka Edreyii kiwi mìi la, Refayimu tɔrɔn kɛn min giala nyɔmiɛ̃ goon lɛa, bɛa bǎãn kɛn tumaa tá a nɛ. Muizu boo bɛa bǎãn lɛn minin la á ǹ loo.

Zozoe 13:14

A na a bǎã kɔ Levii tɔrɔ minin kɛn dininsɔɔ̃nɔn la kíɛ̃ lɛa wa. A giala, Dɛnaa Lawa, Izirayeli minin Lawa a wúlu mànan kɛn ǹ nə́ goã ǹ tiɛ̃, ǹ wɔ gii na á goã ka bɛ nɛ, ka a din bɛ́ á goã á pɛ ǹ nɛ lɔn.

Samayeli1 27:8

Davida laanka a minin nə́ goã nɛn bɛ̀ ǹ soo ǹ wo zia da Gesuuru minin ganaa ka Girizii minin laanka Amalɛki tɔrɔn nɛ. A giala, bɛa tɔrɔn kɛn lɛn man giã nɛ gána lɛ nɛ, haalɛ bibi, a kũ dia-n woe Suuru ganaa yǎa a die doe Ezipti gána nɛ.