Zozoe 11:8 - LAWA A BOO SONBORE

⁸ Dɛnaa Lawa nə́ ǹ wɔ Izirayeli minin lɛn gɔn. Ǹ nə́ ǹ dɛ, ǹ nə́ ǹ loo yǎa Sidɔn kiwi gole kɛ nɛ. Ǹ nə́ ǹ loo miɛ̃ yǎa Misirifɔti-Mayimu kiwi, ǹ nə́ woo ǹ ne yǎa Misipaa kiwi a nyankɔrɔ basa kɛ nɛ, dia-n woe lɛ̀giala la. Ǹ nə́ ǹ dɛ yǎa ǹ nə́ nya, ǹ nə ǹ min goon din yii toa koo wa.

LAWA A BOO SONBORE 2011

⁸ Dɛnaa Lawa nə́ ǹ wɔ Izirayeli minin lɛn gɔn. Ǹ nə́ ǹ dɛ, ǹ nə́ ǹ loo yǎa Sidɔn kiwi gole kɛ nɛ. Ǹ nə́ ǹ loo miɛ̃ yǎa Misirifɔti-Mayimu kiwi, ǹ nə́ woo ǹ ne yǎa Misipaa kiwi a nyankɔrɔ basa kɛ nɛ, dia-n woe lɛ̀giala la. Ǹ nə́ ǹ dɛ yǎa ǹ nə́ nya, ǹ nə ǹ min goon din yii toa koo wa.

Zozoe 11:8 Iomraidhean Croise

Siin Giala 10:15

Kanaan na á Sidɔn yɛ a nɛ bibinaa lɛa, bɛ kio Ɛti.

Siin Giala 49:13

Zabulɔn tá re giɛ̃ kɔ̀ mu lɛ-a. Mu la ǹ goo dadaran bɛ́ re golee kɔ̀ mɛn lɛ-a. A giã ǹ bǎã á die golee koe, a dɔ Sidɔn kiwi ganaa.

Samayeli2 24:6

Ǹ nə́ soo walan ǹ nə́ woo Galaati gána nɛ. Ǹ nə́ n toa walan, ǹ nə́ woo Taatimu-Odosii gána nɛ. Bɛ kio, ǹ nə́ woo Dan-Yaani. Ǹ nə́ n toa Dan-Yaani, ǹ nə́ woo Sidɔn li.

Izayii 23:4

Sidɔn, nsɛ mɛn bɛ́ Yìsi mu gole pàã lɛa n wɔ n ka sìi ni: «Ma nɔɔrɔ kɔ wa. Ma nɛ yɛ wa. Ma nɛginin too wa, hinlaa nɛlɔ gole kɔ ma gɔn wa.»

Zakarii 9:2

A n boo diɛ ka Amaati ni, kunu Damaasi kiwi ganaa, ka Tiiri kiwi laanka Sidɔn kiwi ni, ǹsɛn mɛnɛn doɛ̃ bɛ́ gole.

Timəə dí-pɛn 7:2

Bɛ̀ kaa Lawa, Dɛnaa Lawa lɛ nə́ ǹ wɔ ka gɔn ǹ mɛn waáraa, bɛ̀ ká boo ǹ la, ka ǹ tumaa dɛ lenlen. Ka nyan lɛ kɔ kɔn la wɔ ǹ nɛ wa, ka nyan makara bɔ ǹ ganaa wa.

Timəə dí-pɛn 9:3

Ka dɔ̃ pelo, mà kaa Lawa, Dɛnaa Lawa lɛ din nə die miɛ̃ ka nyɛɛnɛ, ka tɛ á ke màn kuĩ lɔn. A din nə die ǹ dii, a ǹ kaa tán ka nyɛɛnɛ. Ka á re ǹ lui, ǹ papaã ǹ nə n bɔ walan bǎã goon, ka Dɛnaa Lawa bɛ́ á n lɛ kɔ ka la lɔn.

Zozoe 10:20

Zozoe laanka Izirayeli minin lɛn nə bɔ̀n mɛn da ǹ ganaa, á gole kɔ á la yii ni. Ǹ nə́ ǹ dɛ, ka ǹ daa ǹ nə ǹ nya. Ǹ mɛnɛn nə baa si ǹ nə́ la, bɛn nə́ woo n duru kiwin kɛn nɛ, kungɔn nə́ ǹ lɛnpɛnɛ.

Zozoe 11:3

Kanaan minin mɛnɛn bɛ́ lɛ̀giala-n, ka ǹ mɛnɛn bɛ́ lɛ̀nyɛɛnɛ, á minin dia bɛn dɔn li, ka Amɔɔrɔ tɔrɔn kɛn nɛ, Ɛti tɔrɔn nɛ Perɛzi minin ni, Zebuzu wɔn kɛn nɛ kele yii ni, ka Evii tɔrɔn kɛn nɛ Ɛrmɔn kele gòã lɛ nɛ, Misipaa gána nɛ.

Zozoe 11:7

Ǹ laan bɛ̀ maǹ doɛ̃, bɛ̀ Zozoe bɛ́ á daa ka zia-baali zaman lɛ tumaa-n kun ni, ǹ nə́ kakaa ǹ la Merɔmu tà lɛ-a.

Zozoe 13:6

Kele yii bǎã kɛ tumaa, a saa Liban gána ganaa a wo yǎa Misirefɔti-Mayimu kiwi, bɛ dɔ tá a nɛ. Bɛa bǎã lɛ a minin tumaa na á goã Sidɔn minin lɛa. Masɛ dinmaa-n die bɛa bǎãn kɛn lɛn minin lui ma ǹ bɔ Izirayeli minin lɛn nyɛɛnɛ. Sɛnɛ, ka masɛ pɛ n nɛ lɔn, ka n pã, n gána lɛ tatala n kɔ Izirayeli minin lɛn la.

Zozoe 19:28

A kiɛ̃ a bɔ Abdɔn, a bɔ Rehɔbu, Hamɔn laanka Kana nɛ, a kiɛ̃ a wo yǎa Sidɔn-Gole kɛ nɛ.

Zozoe 21:44

Dɛnaa Lawa là nyantoro kɔ ǹ la paǹ tumaa li, ka a bɛ́ á goã á pɛ ǹ digolon man lɔn. Ǹ zɔ́ɔn lɛn tumaa, ǹ kɔn boo la á golee ǹ nyɛɛn wa. Dɛnaa Lawa nə́ ǹ zɔ́ɔn lɛn tumaa wɔ ǹ gɔn.