Zozoe 11:6 - LAWA A BOO SONBORE

⁶ Dɛnaa Lawa tɔ́n pɛ Zozoe ne: «N baran nyɛ́ɛ baa ǹ nɛ wa. A giala, biɛ̃ kɛnɛn yoroo, ma á re ǹ tumaa dii ma ǹ kɔ Izirayeli minin lɛn la. N die n nə ǹ sùin lɛn pere biɛn kukuru, n tɛ da ǹ ziabaa ǹ wotoron lɛn ganaa.»

LAWA A BOO SONBORE 2011

⁶ Dɛnaa Lawa tɔ́n pɛ Zozoe ne: «N baran nyɛ́ɛ baa ǹ nɛ wa. A giala, biɛ̃ kɛnɛn yoroo, ma á re ǹ tumaa dii ma ǹ kɔ Izirayeli minin lɛn la. N die n nə ǹ sùin lɛn pere biɛn kukuru, n tɛ da ǹ ziabaa ǹ wotoron lɛn ganaa.»

Zozoe 11:6 Iomraidhean Croise

Samayeli2 8:4

Davida na á sùi-dabaalin lɛn duu goon ka biɛsɔbaa (1 700) kũ. A zia-baalin mɛnɛn dɔn bɛ́ tɔ we ka ǹ gòã nɛ, á bɛa duu fuə kũ (20 000). Á ziabaa ǹ sùin lɛn paabiɛ bɔ á koa, á gialakun kɛ tumaa pere biɛn kukuru.

Kiin2 6:16

Yiliizee ná a lɛ si: «N baran nyɛ́ɛ baa wa! Min mɛnɛn bɛ́ kun ka wɔsɛn nɛ, bɛn tá mɔnaa nɛ ǹ nə́ la kɛn manɛ kunun ǹ ni.»

KZS2 20:16

Bǐɛ̃, ka soo ka wo kaa zɔ́ɔn lɛn gialaa. Ǹ tá re zii kɛ siɛ a tɔ n "da buu tenten". Ka á re ǹ yii nyankɔrɔ lɛ kɛ dan ganaa, Yeruweli a diə gole kɛ yɔrɔ-a.

Loen 46:10

A n zia nyɛɛ yǎa tán lɛ-doa ganaa, a n sa yiɛ, a sɛmiɛ̃ yiɛ, a goóro tã.

Loen 46:11

Lawa tɔ́n pɛ: Ka a lɛ da dɛ! Ka dɔ̃ mà ma din nə Lawa lɛa! Má gɔ̀lɔ̀baa yɛ gánan la, má gɔ̀lɔ̀baa yɛ tɔrɔn la.

Loen 46:9

Ka da ga Dɛnaa Lawa a nya ǹ dí ganaa, a kaãbaa ǹ din mɛnɛn nya tán la.

Suusun 20:7

Min mɛnɛn bɛ́ sii bǐɛ̃ zɛnɛɛ, ǹ yiikoonaabaa n pepere. Nɛnyaanan mɛnɛn bɛ́ ǹ kio, bɛn foo á re kɔɔ̃n koe.

Izayii 30:16

Ka ǹ pii: «Haayii, wɔ n die baa sii ka sùin ni.» Sonbore, ka á re baa sii. Ka n pii dɔn: «Wɔa sùin lɛn tá boe baa la.» Taãn nɛ. Min mɛnɛn bɛ́ ka kialan lui, bɛn dɔn yii á re fuu koe ǹ la ka nɛ.

Izayii 31:1

Min mɛnɛn bɛ́ woe giɛ dɔmalɛ li Ezipti gána nɛ, bɛn wɔ n ka koe ne. Ǹ yiri nə ǹ sùin ganaa, ǹ foo n doa nɛ ǹ ziabaa ǹ wotoro damatan kɛn ganaa, ka ǹ sùi dabaa wolen ne a giala maǹ tá kaka. Sɛnɛ, ǹ nə n yɔrɔ bɔyaa ǹ nə́ dia Izirayeli a Lawa sonbore kɛ la wa, ǹ ba giɛ Dɛnaa Lawa li wa!

Ezekieli 39:9

Izirayeli tɔrɔn lɛn kiwi minin tá re soe, ǹ ziabaa ǹ mànan kaa kɔn la, ǹ tɛ da ǹ ganaa: goóro bɔnboɛɛnɛn laanka a dadaran nɛ, san laanka kiɛn nɛ, bàbàlan laanka dɔ̀rɔ̀n nɛ. Ǹ tá re tɛ koa ǹ màn yii yǎa lɛ̀ sɔbaa.

Ozee 14:3

Ka boo yɔrɔ bɔ ka wusoo ka da Dɛnaa Lawa li, ka pɛ nɛ: Sii baraa tumaa papaã, n lɛ kɔ sii sonbore tumaa ganaa. Wɔ n wɔ lɛgɔ́ɔ̃ ǹ boo koe n la *wúlu màn lɛa, dii gɔ̀lɔ̀n bǎã nɛ.

Nahumu 2:13

Yàra n don siĩ dii a tɔtoɛ̃, yàra dan laanka a nɛn wɔ lɛa. A bɛ́ don siĩn mɛnɛn dii, bɛn ná a yala pã.

Timəə dí-pɛn 7:16

Kaa Lawa, Dɛnaa Lawa bɛ́ re tɔrɔn mɛnɛn tumaa we ka gɔn, ka ǹ dɛ lenlen, ka nyan makara bɔ ǹ ganaa wa. Ka baran ǹ dìn kɛn guguru kɔ wa. A giala, bɛ á boe la, a kan baa ka ganaa.

Zozoe 10:8

Dɛnaa Lawa tɔ́n pɛ Zozoe ne: «N baran nyɛ́ɛ baa ǹ nɛ wa. A giala, má ǹ wɔ n gɔn. Min goon din ba re golee n nyɛɛn wa.»

Zozoe 11:5

Bɛa kiin lɛn tumaa daa golee Merɔmu tà lɛ-a, mà maǹ die zia biɛ Izirayeli minin ganaa.

Zozoe 11:7

Ǹ laan bɛ̀ maǹ doɛ̃, bɛ̀ Zozoe bɛ́ á daa ka zia-baali zaman lɛ tumaa-n kun ni, ǹ nə́ kakaa ǹ la Merɔmu tà lɛ-a.

Zozoe 11:9

Dɛnaa Lawa goã á màn mɛn pɛ Zozoe ne, Zozoe na á bɛ lɛ zɛnaa ǹ nɛ: Á ǹ sùin lɛn pere biɛn kukuru, á tɛ da ǹ ziabaa ǹ wotoron lɛn ganaa.

Zozoe 3:5

Bɛ kio, Zozoe pɛ zaman lɛ-n kɛnɛn: «Ka *gɔ̀ bɔ ka dinin ganaa, a giala, biɛ̃, Dɛnaa Lawa á die kaãbaa ǹ siin zɛnɛɛ ka bii.»

Sii yɔrɔ-bɔlen 7:9

Bɛa tèlò kɛ lɛ nɛ, Dɛnaa Lawa pɛ Zediɔ̃ nɛ: «Yoo n wo Madiã minin lɛn gialaa. A giala, masɛ nə́ ǹ wɔ n gɔn.

Samayeli1 11:9

Min mɛnɛn nə goã ǹ nə́ daa boo lɛ pɛ, ǹ nə́ pɛ bɛn manɛ mà ǹ wo pɛ Zaabɛsi minin manɛ kɛnɛn Galaati Gána nɛ: «Biɛ̃, wasa bɛ́ re parɛɛ taãnɛ ǹ mɛn waáraa, ka á re dɔmalɛ yii.» Ǹ nə́ kiɛ̃ ǹ nə́ daa pɛ Zaabɛsi minin manɛ. Zaabɛsi minin foo kɔɔ̃n kɔ.