Zozoe 11:23 - LAWA A BOO SONBORE

²³ Dɛnaa Lawa goã á màn mɛn tumaa pɛ Muizu ni, Zozoe na á gána lɛ tumaa kũ á kɔnpɛ ka bɛ lɛ nɛ. Á gána lɛ tatala Izirayeli tɔrɔn lɛn lɛ yii li, á kɔ ǹ la kíɛ̃ lɛa. Bɛ kio, gána lɛ tɔ́n goã là nyantoro la zia ná a banban.

LAWA A BOO SONBORE 2011

²³ Dɛnaa Lawa goã á màn mɛn tumaa pɛ Muizu ni, Zozoe na á gána lɛ tumaa kũ á kɔnpɛ ka bɛ lɛ nɛ. Á gána lɛ tatala Izirayeli tɔrɔn lɛn lɛ yii li, á kɔ ǹ la kíɛ̃ lɛa. Bɛ kio, gána lɛ tɔ́n goã là nyantoro la zia ná a banban.

Zozoe 11:23 Iomraidhean Croise

Nehemii 9:24

Ǹ nɛnyaanan lɛn nə́ wɔ gána lɛ nɛ, ǹ nə́ si ǹ baa ǹ wɔ lɛa. Kaanaa minin kɛn, gána lɛ a minin lɛa, ń bɛn puusə kɔ ǹ nyɛɛnɛ, ń nə́ ǹ wɔ ǹ gɔn, kɔnlɛ ka ǹ kiin ni, ka tɔrɔn mɛnɛn bɛ́ gána lɛ nɛ, màn mɛn bɛ́ toɛ, bɛ̀ sii mɛn dɔ nɛnyaanan lɛn yii li, ǹ bɛ zɛnaa ǹ nɛ.

Loen 46:9

Ka da ga Dɛnaa Lawa a nya ǹ dí ganaa, a kaãbaa ǹ din mɛnɛn nya tán la.

Bɔ bɛ̀rɛbaa nɛ 34:11

«Ma bɛ́ màn mɛn pii ni pelo, bɛ tamaa sɔnbɔraanɛ. Man die Kanaan minin kɛn lui, ma ǹ bɔ n nyɛɛnɛ, ka Amɔɔrɔ minin kɛn nɛ, ka Ɛti laanka Perɛzi minin ni, ka Ivii laanka Zebuzu minin ni.

Ezekieli 45:8

Kii lɛ a bǎã n die goɛ̃ ka bɛ nɛ, Izirayeli gána nɛ. Bɛ̀ á n baa miɛ̃, kiin kɛn ba re mɛnɛɛ maa zaman kɛ la doo wa, ǹ tá re gána lɛ toɛ Izirayeli tɔrɔn lɛn gɔn.»

Timəə dí-pɛn 1:38

Sɛnɛ, Nunu a nɛgiĩ Zozoe ke n kiodɛnaa lɛa, bɛ á re we. Bɛ foo taã, a giala, a din lɛ n die gána lɛ koe Izirayeli minin lɛn la, ǹ kíɛ̃ lɛa.»

Timəə dí-pɛn 25:19

Bɛ lɛ nɛ, kaa zɔ́ɔn mɛnɛn tumaa bɛ́ ka lɛnpɛnɛ, bɛ̀ kaa Lawa, Dɛnaa Lawa ka kanbaa bɛn tumaa ganaa ǹ mɛn waáraa, a bɛ́ re gána mɛn lɛ koe ka la mà a kaa wɔ baa, ka Amalɛki tɔrɔn kɛn dɛ lenlen, ka ǹ bɔ walan. Ka nyan toa ka yiri bɔ wa dɛ!

Zozoe 11:18

Zozoe zia baa bɛa kiin lɛn tumaa ganaa á belebɔ nɛ.

Zozoe 12:7

Bɛ kio, kiin mɛnɛn nə goã Zurdɛ̃ tà kio lɛ̀nyɛɛnɛ, Zozoe laanka Izirayeli minin lɛn nə́ bɛn dɛ. Ǹ bǎã lɛ na á goã siɛ Baali-Gaadi ganaa Liban a nyankɔrɔ basa kɛ nɛ, yǎa Hakali kele li, kunu Seyiiri kiwi ganaa. Zozoe bɛa bǎãn lɛn gii Izirayeli tɔrɔn lɛn lɛ yii li, á kɔ ǹ la.

Zozoe 18:10

Zozoe nə́ n pã bɛa bǎãn lɛn ganaa, Dɛnaa Lawa yɔrɔ-a Siiloo, á tɔ́n gána lɛ gii Izirayeli minin lɛn bii, á tɔrɔ gogoonmaa wɔ gii kɔ la.

Zozoe 22:4

Dɛnaa Lawa lɛ, kaa Lawa lɛa, á susu ǹ bǎã kɔ ka dɔɔ̃nɔn lɛn la kanna kəni, ka a bɛ́ á goã á pɛ ǹ nɛ lɔn. A bɛ́ miɛ̃, ka á boe la ka wusoo ka wo piɛ sisia. Dɛnaa Lawa a dí-nyali Muizu gána mɛn kɔ ka la Zurdɛ̃ tà kio lɛ̀giala-n, ka wo giã bɛ nɛ.

Zozoe 23:1

A kũ biikoo sɔsɔɔ ganaa, Izirayeli minin lɛn zɔ́ɔn mɛnɛn tumaa goã ǹ lɛnpɛnɛ, Dɛnaa Lawa nə́ ǹ si bɛn la, á là nyantoro kɔ ǹ la. Bɛ́ daa yaa bɛ̀ Zozoe zizi kɔ taãn-taãnɛ. Bɛ lɛ kio ne,