Zozoe 11:2 - LAWA A BOO SONBORE

² Á minin dia kiin kɛn dɔn li kele yii kɛ nɛ gɔsɛ a lɛ̀gɔn la, á ǹ dia Zurdɛ̃ a nyankɔrɔ basa dɛnan kɛn dɔn li, Kinerɛti tà a gusin a lɛ̀gɔn la, á ǹ dia diə gɔ́ɔ̃ wɔn kɛn li, ka ǹ mɛnɛn dɔn bɛ́ Dɔɔrɔ kele la, lɛ̀nyɛɛnɛ.

LAWA A BOO SONBORE 2011

² Á minin dia kiin kɛn dɔn li kele yii kɛ nɛ gɔsɛ a lɛ̀gɔn la, á ǹ dia Zurdɛ̃ a nyankɔrɔ basa dɛnan kɛn dɔn li, Kinerɛti tà a gusin a lɛ̀gɔn la, á ǹ dia diə gɔ́ɔ̃ wɔn kɛn li, ka ǹ mɛnɛn dɔn bɛ́ Dɔɔrɔ kele la, lɛ̀nyɛɛnɛ.

Zozoe 11:2 Iomraidhean Croise

Kiin1 15:20

Bɛn-Adaadi lɛ lɛ kɔ kii Azaa a boo lɛ ganaa. Á ná a sɔraasin nyɛɛnaadɛnan dia woe Izirayeli gána a kiwin gialaa. Ǹ nə́ Iyɔn kiwi kũ, Dan kiwi ni, Abeli-Bɛti-Maakaa kiwi ni, Kinerɛti bǎã tumaa nɛ, ka Nɛfutalii gána kuturu ni.

Kiin1 4:11

Abinaadaabu a nɛgiĩ na á goã Dɔɔrɔ a kele yii gána mìi la. Asɛ a lɔ na á goã ka Salomɔn a nɛlɔ Taafaati ni.

Minin nimi 34:11

Gèlè lɛ die a n toa Sefan a wo Ribla li Ayini a lɛ̀giala gɔn la, bɛ kio, a wo n lɔ tentenen kɛn ganaa Kinerɛti yìsi mu a lɛ̀giala gɔn la.

Luku 1:39

Lɛawaa dan kɔ́n bɛ kio, Mariya yoo á zii saa fufuu, á woo kiwi goon ne, bɛa kiwi lɛ n Zudee gána a kelen bǎã nɛ.

Luku 5:1

Ǹ kɔ́n pinaa, Yezu na á goã golee-n Zenezarɛti tà lɛ-a. Zaman na á goã a lɛ gɛwɛɛ, ǹ nə́ n too koe Lawa a boo ganaa.

Zozoe 10:40

Zozoe boo gána lɛ tumaa la á kũ: Kele yii bǎã kɛ nɛ, gusin a lɛ̀gɔn la bǎã kɛ nɛ, diə bǎã kɛ nɛ ka kele gòã lasa bǎãn kɛn nɛ. Á ǹ kiin tumaa dɛ. A min goon yii toa koo wa. A laanɛ, màn mɛn tumaa bɛ́ piɛ̃ sii, a na á bɛ tumaa ziziɛ̃ lenlen, ka Dɛnaa Lawa, Izirayeli minin Lawa lɛ goã á pɛ-n lɔn.

Zozoe 10:6

Gabawɔ̃ minin lɛn dɔn nə́ tɔ́n min dia Zozoe li giã ǹ bǎã kɛ nɛ Gilgaali. Maǹ wo pɛ nɛ kɛnɛn: «Wɔsɛn manə n bɛ̀rɛn lɛa, n baran n gɔn bɔ wɔsɛn ganaa wa. N nanaa n da n dɔ wɔ lɛ, n wɔ kirisibaa. A giala, Amɔɔrɔ tɔrɔn kiin mɛnɛn tumaa bɛ́ giã-n kele yii kɛ nɛ, bɛn man nə́ n lɛ kaa kun, ǹ nə́ daa wɔsɛn gialaa.»

Zozoe 11:16

Zozoe bɛa gána lɛ tumaa kũ: Kele yii bǎã kɛ nɛ, gusin a lɛ̀gɔn la kɛ tumaa nɛ, Gosɛnɛ gána tumaa, diə bǎã kɛ nɛ ka Zurdɛ̃ a nyankɔrɔ basa kɛ nɛ, Izirayeli a kele yii kɛ laanka a diə bǎã nɛ.

Zozoe 11:21

Zozoe daa bɛa waáraa kɛ lɛ nɛ, á Anaaki tɔrɔn kɛn dɛ á ǹ bɔ kele yii bǎãn kɛn nɛ Ebrɔn, Debiiri, Anaabu, Zudaa gána a kele yii kɛ tumaa ka Izirayeli gána a kele yii kɛ tumaa nɛ. Zozoe nə́ ǹ laanka ǹ kiwin tumaa ziziɛ̃ lenlen.

Zozoe 12:23

Dɔɔrɔ ke tenten la, Goyimu ke Galilee gána nɛ

Zozoe 12:3

A saa Zurdɛ̃ a nyankɔrɔ lɛ kɛ dɔ ganaa yǎa Kinerɛti tà lɛ-a, dia-n woe lɛ̀nyɛɛnɛ, a wo yǎa diə gɔ́ɔ̃ a kɔ̀ kɛ lɛ-a, yìsi mu kɔ̀ lɛ lɛ̀giala-n, dia-n woe Bɛti-Yesimɔti kiwi la, a wo gusin a lɛ̀gɔn la, Pisigaa kele gòã lasadɛnan kɛn bǎã nɛ, bɛ tumaa na á goã a din gɔn.

Zozoe 13:27

Bǎãn mɛnɛn nə dɔ ǹ ganaa Zurdɛ̃ a nyankɔrɔ basa kɛ nɛ, bɛn man ka kɛn nɛ: Bɛti-Aramu, Bɛti-Nimuraa, Sukɔti, Safɔn, Ɛsibɔnɔn kii Sihɔn kɛa bǎã gialakun ni, Zurdɛ̃ tà laanka a lɛkoro lɛ-a bǎãn nɛ, a wo yǎa Kinerɛti tà a lɛ doa ǹ bǎã ganaa, Zurdɛ̃ tà kio lɛ̀giala-n.

Zozoe 17:11

Isakaara tɔrɔn laanka Asɛɛrɛ tɔrɔn bǎã nɛ, Bɛti-Seyan kiwi laanka a lɛkoro lɛ-a bǎãn man nə́ dɔ Manaasee tɔrɔn lɛn ganaa, Yibuleyamu laanka a lɛkoro lɛ-a bǎãn nɛ, Dɔɔrɔ kiwi ni, Ɛn-Dɔɔrɔ nɛ, Tanaaki ni, Megidoo kiwi laanka a lɛkoro lɛ-a bǎãn nɛ, kiwi sɔɔ.

Sii yɔrɔ-bɔlen 1:27

Manaasee tɔrɔn nə boo la ǹ nə́ Bɛti-Seyan kiwi minin laanka a kio kiwin kɛn minin loo wa. Tanaki kiwi laanka a kio kiwin ni, Dɔɔrɔ kiwi laanka a kio kiwin ni, Zibleyia kiwi laanka a kio kiwin ni, Megidoo kiwi laanka a kio kiwin ni, ǹ bɛn kɔn a minin loo wa. Kanaan minin nə́ wusoo ǹ nə́ n zɔ̃ ǹ nə́ giã bɛa gána lɛ nɛ.