Zozoe 11:16 - LAWA A BOO SONBORE

¹⁶ Zozoe bɛa gána lɛ tumaa kũ: Kele yii bǎã kɛ nɛ, gusin a lɛ̀gɔn la kɛ tumaa nɛ, Gosɛnɛ gána tumaa, diə bǎã kɛ nɛ ka Zurdɛ̃ a nyankɔrɔ basa kɛ nɛ, Izirayeli a kele yii kɛ laanka a diə bǎã nɛ.

LAWA A BOO SONBORE 2011

¹⁶ Zozoe bɛa gána lɛ tumaa kũ: Kele yii bǎã kɛ nɛ, gusin a lɛ̀gɔn la kɛ tumaa nɛ, Gosɛnɛ gána tumaa, diə bǎã kɛ nɛ ka Zurdɛ̃ a nyankɔrɔ basa kɛ nɛ, Izirayeli a kele yii kɛ laanka a diə bǎã nɛ.

Zozoe 11:16 Iomraidhean Croise

Loen 105:44

Á tɔrɔ kɔsɔn tánan si, á ǹ kɔ ǹ la, á bɛn dí a là kɔ ǹ la, mà ǹ bii.

Loen 78:55

Á tɔrɔ kɔsɔn loo á ǹ bɔ ǹ nyɛɛnɛ. Á bɛn bǎãn gii ǹ ni ǹ kíɛ̃ lɛa, á Izirayeli tɔrɔn kaa bɛn mɔnaa kionən ne.

Ezekieli 17:23

Man die zumi Izirayeli a kele sasa kɛ goon mìi ni. Á re gùrùn boe a nɛ kɔ, á re da kaka biɛ gole gole. Bàan tɔrɔ tumaa á re kiɛ la, ǹ tá re ǹ kii doe a gùrùn la.

Ezekieli 36:8

Bɛa biikoo li, dan mɛnɛn bɛ́ Izirayeli gána a kelen kɛn la, bɛn tá re luu piɛ̃, ǹ nɛ kɔ maa zaman Izirayeli wɔ lɛa. A giala, ǹ daa diri.

Timəə dí-pɛn 1:7

Ka n bɔyaa kəni, ka zii saa, ka wo Amɔɔrɔ tɔrɔn kele yii tɔrɔn kɛn tumaa nɛ: Nyankɔrɔ lɛ kɛ nɛ ǹ nə́ bíi Arabaa, kele yii kɛ nɛ, ka bǎã kɛ nɛ ǹ nə́ bii *Sefela, diə bǎã kɛ nɛ gusin a lɛ̀gɔn la, Yìsi mu gole lɛ-a basa kɛ nɛ, Kanaan minin gána laanka Liban gána nɛ, yǎa tà gole kɛ lɛ-a, Efrati tà lɛ.

Zozoe 10:40

Zozoe boo gána lɛ tumaa la á kũ: Kele yii bǎã kɛ nɛ, gusin a lɛ̀gɔn la bǎã kɛ nɛ, diə bǎã kɛ nɛ ka kele gòã lasa bǎãn kɛn nɛ. Á ǹ kiin tumaa dɛ. A min goon yii toa koo wa. A laanɛ, màn mɛn tumaa bɛ́ piɛ̃ sii, a na á bɛ tumaa ziziɛ̃ lenlen, ka Dɛnaa Lawa, Izirayeli minin Lawa lɛ goã á pɛ-n lɔn.

Zozoe 10:41

Zozoe saa Kadɛsi-Barneya kiwi ganaa, á ǹ dɛ miɛ̃ yǎa Gaazaa, Gosɛnɛ gána tumaa, a wo yǎa Gabawɔ̃ kiwi.

Zozoe 11:15

Dɛnaa Lawa goã á pɛ a dí-nyali Muizu-n lɔn, Muizu dɔ na á pɛ Zozoe-n miɛ̃, Zozoe dɔ na á zɛnaa miɛ̃. Dɛnaa Lawa goã á màn mɛn tumaa pɛ Muizu ni, Zozoe nə ǹ kɔn na á da wa.

Zozoe 11:2

Á minin dia kiin kɛn dɔn li kele yii kɛ nɛ gɔsɛ a lɛ̀gɔn la, á ǹ dia Zurdɛ̃ a nyankɔrɔ basa dɛnan kɛn dɔn li, Kinerɛti tà a gusin a lɛ̀gɔn la, á ǹ dia diə gɔ́ɔ̃ wɔn kɛn li, ka ǹ mɛnɛn dɔn bɛ́ Dɔɔrɔ kele la, lɛ̀nyɛɛnɛ.

Zozoe 11:21

Zozoe daa bɛa waáraa kɛ lɛ nɛ, á Anaaki tɔrɔn kɛn dɛ á ǹ bɔ kele yii bǎãn kɛn nɛ Ebrɔn, Debiiri, Anaabu, Zudaa gána a kele yii kɛ tumaa ka Izirayeli gána a kele yii kɛ tumaa nɛ. Zozoe nə́ ǹ laanka ǹ kiwin tumaa ziziɛ̃ lenlen.

Zozoe 12:8

A bǎãn mɛnɛn gii ǹ bii, bɛn nə́ ke: kele yii bǎã kɛ nɛ, diə bǎã kɛ nɛ, Zurdɛ̃ a nyankɔrɔ basa kɛ nɛ, kele gòã lasa bǎãn kɛn nɛ, diə gole bǎã kɛ nɛ ka gusin a lɛ̀gɔn la bǎã kɛ nɛ. Ɛti tɔrɔn nɛ, Amɔɔrɔ tɔrɔn nɛ, Kanaan minin ni, Perɛzi tɔrɔn nɛ, Evii tɔrɔn nɛ ka Zebuzu tɔrɔn nɛ, bɛn man nə́ goã giã-n bɛa bǎãn lɛn nɛ.

Zozoe 9:1

KIIN mɛnɛn tumaa goã Zurdɛ̃ tà a lɛ̀nyɛɛn gɔn la kele yii kɛ nɛ, ǹ mɛnɛn dɔn nə goã nyankɔrɔ basa kɛ nɛ, ka kɔ̀ gole lɛkoro lɛ-a tumaa wɔn kɛn nɛ, a wo diri Liban gána la, bɛn tumaa bɛa siin lɛn boo ma. Bɛ lɛ nɛ, Ɛti tɔrɔn kii ni, Amɔɔrɔ tɔrɔn wɔ nɛ, Kanaan minin wɔ nɛ, Perɛzi tɔrɔn wɔ nɛ, Evii tɔrɔn wɔ nɛ ka Zebuzu tɔrɔn wɔn nɛ,