Zozoe 11:15 - LAWA A BOO SONBORE

¹⁵ Dɛnaa Lawa goã á pɛ a dí-nyali Muizu-n lɔn, Muizu dɔ na á pɛ Zozoe-n miɛ̃, Zozoe dɔ na á zɛnaa miɛ̃. Dɛnaa Lawa goã á màn mɛn tumaa pɛ Muizu ni, Zozoe nə ǹ kɔn na á da wa.

LAWA A BOO SONBORE 2011

¹⁵ Dɛnaa Lawa goã á pɛ a dí-nyali Muizu-n lɔn, Muizu dɔ na á pɛ Zozoe-n miɛ̃, Zozoe dɔ na á zɛnaa miɛ̃. Dɛnaa Lawa goã á màn mɛn tumaa pɛ Muizu ni, Zozoe nə ǹ kɔn na á da wa.

Zozoe 11:15 Iomraidhean Croise

KZS2 30:12

Zudaa gána dɔ nɛ, Lawa sii zɛnaa a minin manɛ. Bɛ lɛ nɛ, ǹ nə́ lɛ kɔ, ǹ nə́ kii laanka a zaman nyɛɛnaandɛnan da ǹ boo kɛ sii bǎã goon ne, Dɛnaa Lawa nə ǹ mɛnɛn lɛn kɔ ǹ la.

Minin nimi 33:50

Dɛnaa Lawa boo da Muizu ni, Moabu gána a nyankɔrɔ lɛ nɛ, kunu Zurdɛ̃ tà li, Zerikoo kiwi yɔrɔ-a:

Minin nimi 33:52

ka die ka gána lɛ a minin tumaa loo ka ǹ bɔ ka nyɛɛnɛ, ka ǹ tíĩ kɔlɔn kɛn tumaa papaã, ka ǹ fɔlɔ yoe màn nyín zɛnaan kɛn tumaa nɛ. Ka die ka ǹ wúlu bɔ ǹ bǎãn tumaa ziziɛ̃.

Matiə 23:23

«Kasɛn landa sii-daraalin laanka Fariziɛ̃ gɔ́ɔ̃ tì-an kɛn, kaa wɔ n ka bɔ̀n nɛ! Ka n Lawa wɔ gii boe ka dù luu buruu bisin tumaa nɛ. Sɛnɛ, Lawa a dí-pɛn lɛn mɛnɛn dinin sii bɛ́ kaka, ka peperebaa á ke lɔn, ka makara bɔ min ganaa laanka bɔlɔgoondɛnaabaa nɛ, ka a bɛn diɛ sii li wa. Bɛ̀ ka doamaa nɛ, ka bɛn lɛn zɛnaa, a ná a ba gialakun kɛ lɛ dɔ sàabiɛ wa.

Luku 11:42

«Fariziɛ̃n lɛn, kaa wɔ n ka bɔ̀n nɛ. Ka n Lawa wɔ gii boe màn din tumaa nɛ, haalɛ dù tɔrɔ din tumaa. Sɛnɛ, ka n peperebaa laanka Lawa narɛɛ sii diɛ para li. Bɛ̀ ka doamaa nɛ ka bɛn lɛn zɛnaa, a ná a ba gialakun kɛ lɛ dɔ sàabiɛ wa.

Nya ǹ dín 20:20

Màn mɛn tumaa là bɛ́ ka ganaa, ma bɛ kɔ́n duru ka la wa. Sɛnɛ, masɛ n má Lawa a boo lɛ pɛ, má ka daraa min tumaa yɔrɔ-a, má ka daraa kaa kionən dɔn nɛ.

Nya ǹ dín 20:27

A giala, ma màn kɔ́n duru ka la wa, sɛnɛ, má Lawa a dí nya ǹ gɔn lɛ tumaa boo da ka nɛ ka lenlen.

Timəə dí-pɛn 31:3

Kaa Lawa, Dɛnaa Lawa lɛ din nə die miɛ̃ ka nyɛɛnɛ. Tɔrɔ kɔsɔn mɛnɛn bɛ́ ka nyɛɛnɛ, a din nə die bɛn dii lenlen, ka tɔn nə ǹ bǎã si ka baa kaa wɔ lɛa. Sɛnɛ, Zozoe n die ka nyɛɛnaandɛnaa biɛ, ka Dɛnaa Lawa bɛ́ á pɛ lɔn.

Timəə dí-pɛn 31:5

Dɛnaa Lawa á re ǹ we ka gɔn. Ma pɛ ka-n lɔn, ka ǹ baa miɛ̃.

Timəə dí-pɛn 31:7

Bɛ kio, Muizu lɛ dia Zozoe la, á pɛ nɛ Izirayeli minin lɛn tumaa yii ni: «N gù we yii, n nə n foo taã. A giala, Dɛnaa Lawa nə n liɛ zaman kɛ lɛ digolon ne mà asɛ á re gána mɛn lɛ koe ǹ la, n din Zozoe n die woe ka zaman kɛ lɛ-n walan. N din nə die bɛa gána kɛ lɛ gii ǹ bii.

Timəə dí-pɛn 4:2

Ma bɛ́ gɔn waa ǹ boo mɛn pii ka nɛ, ka baran màn da bɛ li wa, ka nyan màn dɔ bɔ lɛ wa. Kaa Lawa, Dɛnaa Lawa nə n gɔn waa ma nɛ ka boon mɛnɛn nɛ, má ǹ pɛ ka nɛ, ka bɛn lɛn tamaa.

Timəə dí-pɛn 4:5

Ma á ke má ka daraa landa boon laanka sii yɔrɔ bɔ ǹ boon lɛn ganaa, ka maa Lawa, Dɛnaa Lawa bɛ́ á n gɔn waa ma-n lɔn. Ma pɛ ka-n lɔn, ka bɛ́ re kiɛ gána mɛn lɛ nɛ, ka si ka baa kaa wɔ lɛa, ka zɛnaa walan miɛ̃.

Timəə dí-pɛn 7:2

Bɛ̀ kaa Lawa, Dɛnaa Lawa lɛ nə́ ǹ wɔ ka gɔn ǹ mɛn waáraa, bɛ̀ ká boo ǹ la, ka ǹ tumaa dɛ lenlen. Ka nyan lɛ kɔ kɔn la wɔ ǹ nɛ wa, ka nyan makara bɔ ǹ ganaa wa.

Zozoe 1:7

Yǎa n din nə n gù we yii, n nə n foo taɛ̃ taãn-taãnɛ. Maa dí-nyali Muizu dí-pɛn mɛnɛn tumaa kɔ n la, a toa n zɛnaa ǹ sii tumaa kɔnpɛ ka bɛn lɛn nɛ. N nyan kanaa n zii da n wo gusin wa, n baran wo n gɔsɛ wa, màn mɛn bɛ́ toɛ, n bɛ́ re n gɔn diɛ dí woo dí ganaa, bɛ boo la a bǐɛ̃ kɔ.

Zozoe 11:12

Zozoe bɛa kiin lɛn tumaa a kiwin kũ kɔnlɛ ka ǹ dininmaan nɛ. Á kiin lɛn laanka kiwi minin lɛn dɛ lenlen, ka Dɛnaa Lawa a dí-nyali Muizu goã á pɛ mà ǹ zɛnaa lɔn.

Zozoe 11:14

Izirayeli minin lɛn nə́ bɛa kiwin lɛn mànan tumaa laanka ǹ tɔɔn goa ǹ dinin wɔ lɛa. Sɛnɛ, ǹ nə́ minbuiin nɛ kɛ tumaa dɛ yǎa ǹ nə́ ǹ nya. Màn woo màn tá fɔfoã sii, ǹ bɛ kɔn toa a-n wa.

Zozoe 11:16

Zozoe bɛa gána lɛ tumaa kũ: Kele yii bǎã kɛ nɛ, gusin a lɛ̀gɔn la kɛ tumaa nɛ, Gosɛnɛ gána tumaa, diə bǎã kɛ nɛ ka Zurdɛ̃ a nyankɔrɔ basa kɛ nɛ, Izirayeli a kele yii kɛ laanka a diə bǎã nɛ.

Samayeli1 15:11

«Ma nə n gɔ́ɔ̃ bii, ka wàa nɛ ma Sayulu koa kii lɛa, a giala, a na á ma toa walan, a ba maa boo sii wa.» Samayeli foo yoo, á Dɛnaa Lawa nyankɔ tèlò-n á lɛ̀ waa nɛ.