Zozoe 10:39 - LAWA A BOO SONBORE

³⁹ Zozoe kiwi lɛ kũ, á ná a kii kũ, ka a lɛkoro-a ǹ kiwin tumaa nɛ. Min mɛn tumaa goã bɛa kiwin lɛn nɛ, ǹ nə́ bɛn dɛ, ǹ nə́ ǹ tumaa ziziɛ̃ lenlen. Zozoe min goon yii toa koo wa. A goã á sii mɛn zɛnaa Ebrɔn kiwi ni, a ǹ mɛn dɔ zɛnaa Libnaa kiwi laanka a kii ni, a na á bɛ lɛ miã zɛnaa Debiiri kiwi dɔ laanka a kii ni.

LAWA A BOO SONBORE 2011

³⁹ Zozoe kiwi lɛ kũ, á ná a kii kũ, ka a lɛkoro-a ǹ kiwin tumaa nɛ. Min mɛn tumaa goã bɛa kiwin lɛn nɛ, ǹ nə́ bɛn dɛ, ǹ nə́ ǹ tumaa ziziɛ̃ lenlen. Zozoe min goon yii toa koo wa. A goã á sii mɛn zɛnaa Ebrɔn kiwi ni, a ǹ mɛn dɔ zɛnaa Libnaa kiwi laanka a kii ni, a na á bɛ lɛ miã zɛnaa Debiiri kiwi dɔ laanka a kii ni.

Zozoe 10:39 Iomraidhean Croise

Kiin2 10:11

Bɛ kio, min mɛnɛn tumaa bɛ́ tɔn nə ǹ tan Zizereyɛli kiwi, Akaabu a kion minin lɛa, Zewu nə́ ǹ yii dɛ. Akaabu a min dadaran tumaa nɛ, a kɔn doɛ̃ wolen ne, a wúlu-bɔlen ne, Zewu bɛn kɔn yii toa koo wa.

Abdiasi 1:18

Ezawu tɔrɔn kɛn ka buu bɛ́ lɔn, Zakɔba tɔrɔn kɛn tá re tɛ biɛ bɛn ganaa, Zozɛfu tɔrɔn kɛn tá re tɛbuə̃ biɛ ǹ ganaa, ǹ tá re ǹ kuĩ, ǹ nə ǹ nya lenlen. Ǹ min goon yii a die goɛ̃ koo wa. Ma din Dɛnaa Lawa n má pɛ.

Timəə dí-pɛn 3:3

Wɔa Lawa, Dɛnaa Lawa lɛ tɔ́n Basanan kii Ɔgu dɔ wɔ wɔ gɔn, ka a zaman tumaa nɛ. Wɔ́ ǹ dɛ wɔ́ ǹ nya, haalɛ wɔ min goon din toa-n wa.

Zozoe 10:33

Bɛa biikoo li, Gezɛɛrɛn kii Oramu woo mà asɛ nə n doe Lakiisi kiwi minin lɛ. A din laanka a zaman nɛ, Zozoe nə́ ǹ dɛ, a ǹ goon din yii toa koo wa.

Zozoe 10:37

Ǹ nə́ kiwi lɛ kũ. Min mɛn tumaa goã kiwi lɛ nɛ, ǹ nə́ bɛn dɛ lenlen, ka ǹ kii dɔ nɛ. Ǹ ná a kiwin lɛn tumaa ziziɛ̃ lenlen, kɔnlɛ ka min mɛn tumaa goã a nɛ. Zozoe kiwi lɛ a min goon din yii toa koo wa. A goã á sii mɛn zɛnaa Egulɔn kiwi ni, a na á bɛ lɛ miã zɛnaa ǹ dɔn manɛ.

Zozoe 10:38

Bɛ kio, Zozoe wusoo ka a kio ne, Izirayeli minin lɛn tumaa n kun ni, á n yɔrɔ dia Debiiri kiwi la, á zia baa bɛn ganaa.

Zozoe 10:40

Zozoe boo gána lɛ tumaa la á kũ: Kele yii bǎã kɛ nɛ, gusin a lɛ̀gɔn la bǎã kɛ nɛ, diə bǎã kɛ nɛ ka kele gòã lasa bǎãn kɛn nɛ. Á ǹ kiin tumaa dɛ. A min goon yii toa koo wa. A laanɛ, màn mɛn tumaa bɛ́ piɛ̃ sii, a na á bɛ tumaa ziziɛ̃ lenlen, ka Dɛnaa Lawa, Izirayeli minin Lawa lɛ goã á pɛ-n lɔn.

Zozoe 11:8

Dɛnaa Lawa nə́ ǹ wɔ Izirayeli minin lɛn gɔn. Ǹ nə́ ǹ dɛ, ǹ nə́ ǹ loo yǎa Sidɔn kiwi gole kɛ nɛ. Ǹ nə́ ǹ loo miɛ̃ yǎa Misirifɔti-Mayimu kiwi, ǹ nə́ woo ǹ ne yǎa Misipaa kiwi a nyankɔrɔ basa kɛ nɛ, dia-n woe lɛ̀giala la. Ǹ nə́ ǹ dɛ yǎa ǹ nə́ nya, ǹ nə ǹ min goon din yii toa koo wa.

Zozoe 12:13

Debiiri, Gedɛɛrɛ,

Samayeli1 15:3

Sisia kəni, wo Amalɛki tɔrɔn gialaa, n nə ǹ dɛ n nə ǹ gɔn màn tumaa ziziɛ̃ lenlen. N baran n tɛn toa ǹ nɛ wa. Giĩn laanka lɔn nɛ, nɛnyaanan laanka nɛ tiɛɛ̃nɛn nɛ, diin laanka sèren ne, nyɔɔmaan laanka dundunun ni, ǹ tumaa dɛ.»

Samayeli1 15:8

Á Amalɛki tɔrɔn kii Agaagi kũ a yii n koo, á zaman lɛ tumaa dɛ lenlen.