Zozoe 10:30 - LAWA A BOO SONBORE

³⁰ Dɛnaa Lawa bɛa kiwi lɛ dɔ laanka a kii wɔ Izirayeli minin lɛn gɔn. Min mɛn tumaa goã kiwi lɛ nɛ, ǹ nə́ bɛn dɛ. Ǹ min goon din toa kiwi lɛ nɛ a yii n koo wa. Ǹ goã ǹ nə́ sii mɛn zɛnaa Zerikoon kii ni, maǹ nə́ bɛ lɛ miã zɛnaa ǹ dɔn kii lɛ nɛ.

LAWA A BOO SONBORE 2011

³⁰ Dɛnaa Lawa bɛa kiwi lɛ dɔ laanka a kii wɔ Izirayeli minin lɛn gɔn. Min mɛn tumaa goã kiwi lɛ nɛ, ǹ nə́ bɛn dɛ. Ǹ min goon din toa kiwi lɛ nɛ a yii n koo wa. Ǹ goã ǹ nə́ sii mɛn zɛnaa Zerikoon kii ni, maǹ nə́ bɛ lɛ miã zɛnaa ǹ dɔn kii lɛ nɛ.

Zozoe 10:30 Iomraidhean Croise

Kiin2 10:11

Bɛ kio, min mɛnɛn tumaa bɛ́ tɔn nə ǹ tan Zizereyɛli kiwi, Akaabu a kion minin lɛa, Zewu nə́ ǹ yii dɛ. Akaabu a min dadaran tumaa nɛ, a kɔn doɛ̃ wolen ne, a wúlu-bɔlen ne, Zewu bɛn kɔn yii toa koo wa.

Minin nimi 32:22

bɛ̀ ka n bɔyaa wa, ka gole miɛ̃ yǎa Dɛnaa Lawa gána lɛ da a pàã giulun, zɛ̀rɛ ba re ka kuĩ Dɛnaa Lawa laanka Izirayeli minin wɔ paǹ li wa. Bǎã kɛ lɛ tán, a n die goɛ̃ kaa wɔ lɛa Dɛnaa Lawa yɔrɔ-a.

Timəə dí-pɛn 2:33

Sɛnɛ, wɔa Lawa, Dɛnaa Lawa lɛ wɔ wɔ gɔn. Wɔ́ boo la, a din ni, a nɛnyaanan nɛ, ka a zaman lɛ tumaa nɛ.

Timəə dí-pɛn 7:2

Bɛ̀ kaa Lawa, Dɛnaa Lawa lɛ nə́ ǹ wɔ ka gɔn ǹ mɛn waáraa, bɛ̀ ká boo ǹ la, ka ǹ tumaa dɛ lenlen. Ka nyan lɛ kɔ kɔn la wɔ ǹ nɛ wa, ka nyan makara bɔ ǹ ganaa wa.

Zozoe 10:28

A din pinaa kɛ lɛ nɛ, Zozoe Makedaa kiwi kũ. Kiwi lɛ a kii ni, ka min mɛn tumaa goã kiwi lɛ nɛ, á bɛn dɛ. A toa min goon din la wa. A goã á sii mɛn zɛnaa Zerikoon kii ni, a na á bɛ lɛ miã zɛnaa Makedaan kii lɛ dɔ nɛ.

Zozoe 10:29

Zozoe soo Makedaa, Izirayeli minin lɛn tumaa n kun ni, á woo Libnaa kiwi, á zia baa Libnaa kiwi ganaa.

Zozoe 10:31

Bɛ kio, Zozoe soo Libnaa kiwi, Izirayeli minin lɛn tumaa n kun ni, á woo Lakiisi kiwi, á golee walan bɔrɔ, á n yɔrɔ da bɛ la, á zia baa a ganaa.

Zozoe 11:12

Zozoe bɛa kiin lɛn tumaa a kiwin kũ kɔnlɛ ka ǹ dininmaan nɛ. Á kiin lɛn laanka kiwi minin lɛn dɛ lenlen, ka Dɛnaa Lawa a dí-nyali Muizu goã á pɛ mà ǹ zɛnaa lɔn.

Zozoe 12:15

Libnaa, Adulaamu,

Zozoe 8:24

Izirayeli minin nə́ Ayii minin lɛn tumaa dɛ don. Ayii minin lɛn nə Izirayeli minin kio loo, ǹ nə́ woo ǹ koa bǎã mɛn nɛ ke lɛn, Izirayeli minin lɛn nə́ ǹ tumaa dɛ walan yǎa ǹ nə́ nya. Bɛ kio, Izirayeli minin lɛn tumaa nə́ n bɔyaa ǹ nə́ daa Ayii kiwi, ǹ nə́ kiwi minin gialakunun kɛn dɔn dɛ.

Zozoe 8:29

Ayiin kii lɛ sɛ, á bɛ bɔlɔ da biɛ-n da ganaa, yǎa wasa woo mɛ. Wasa bɛ́ á mɛ, Zozoe pɛ minin manɛ, mà ǹ na a gere fore ǹ bɔ da lɛ ganaa. Ǹ ná a gere lɛ saa ǹ nə́ woo zũ tán kiwi lɛ a kiɛnlɛ-a, ǹ nə́ kɔlɔ da kɔn la a lalan ka teleen. Bɛa kɔlɔ dakɔnla gole lɛ á tɔn a tan haalɛ pelo.

Zozoe 9:3

Zozoe sii mɛn zɛnaa Zerikoo laanka Ayii kiwi, Gabawɔ̃ minin dɔn ná a boo ma.