Zozoe 10:13 - LAWA A BOO SONBORE

¹³ Wasa golee, mui dɔ́ goã a bǎã nɛ, yǎa Izirayeli gána minin lɛn nə́ boo ǹ zɔ́ɔn la. A boo din tá kiɛ̃-n "min pepere a sɛ́wɔ" kɛ nɛ kɛnɛn: «Wasa golee lon baã la, a n nanaa á n yii sã wa, á lɛawaa goon tumu kɛ miã bɔ lon.»

LAWA A BOO SONBORE 2011

¹³ Wasa golee, mui dɔ́ goã a bǎã nɛ, yǎa Izirayeli gána minin lɛn nə́ boo ǹ zɔ́ɔn la. A boo din tá kiɛ̃-n "min pepere a sɛ́wɔ" kɛ nɛ kɛnɛn: «Wasa golee lon baã la, a n nanaa á n yii sã wa, á lɛawaa goon tumu kɛ miã bɔ lon.»

Zozoe 10:13 Iomraidhean Croise

Samayeli2 1:18

Sa koa ǹ loe ne, á pɛ mà ǹ Zudaa tɔrɔn daraa a ganaa. Ǹ bɛ́ sɛ́wɔ mɛn bíi "min sonbore a sɛ́wɔ", bɛa loe lɛ á kiɛ̃-n walan kɛnɛn:

Kiin2 20:10

Ezekiasi tɔ́n na a lɛ si: «Á nanaa wúlu ganaa a gòã yii fù baa da a baa li. Sɛnɛ, masɛ má a gòã yii fù baa bɔ a baa lɛ.»

Zɔbu 9:7

A n boo diɛ ka wasa nɛ, a boe wa, a n leeren lɛ tiɛ̃, ǹ ba soe wa.

Loen 148:3

Wasa laanka mui, ka loe lɔ ka a tɔ bɔ. Kasɛn leeren tɛ-pɛlen lɛn tumaa, ka loe lɔ ka a tɔ bɔ.

Loen 19:4

Ǹ boo-diɛ a miɛ wa, ǹ boo nɛ dɔ banban, too ba ǹ lɛn miɛ wa.

Izayii 24:23

Sìi á re mui kuĩ, sìi á re n koe wasa lɛ. A giala, Dɛnaa Lawa Pàãyiidɛnaa n die kii biɛ Zeruzalɛmu, *Siɔn kele la. Dɛnaa Lawa a gugurubaa n die tɛ pii kiwi, min golen yɔrɔ-a.

Izayii 38:8

«Dɛnaa Lawa n die wusii ka wúlu ni a kio ne yǎa gòã yii fù.» Wúlu goã á n kɔ gòã yii fù mɛn lɛ lɛ, wasa wusoo á bɔ bɛn la doo.

Zowɛli 2:10

Tán nə bìn diɛ ǹ nyɛɛnɛ, lon nə ka a n die niɛ̃ a mɛnaa, wasa laanka mui ba folon kiɛ doo wa, leeren ba tɛ-pii doo wa.

Abakuku 3:11

Wasa laanka mui n golee-n bǎã goon ne n kiɛn kɛn zuĩ a tɛ fúlu nyɛɛnɛ ka n sɛmiɛ̃ kɛa tɛ fúlu ni.

Minin nimi 21:14

Bɛ lɛ nɛ, ǹ nə́ pɛ Dɛnaa Lawa a zia boon sɛ́wɔ kɛ nɛ: «Wayɛbu tà ke Sufaa, bɛ laanka a tà gòãn nɛ,

Minin nimi 31:2

«Madiã minin nə baraa mɛn zɛnaa Izirayeli minin lɛn manɛ, Muizu bɛa dòo bɔ ǹ ganaa. Bɛ kio, a din tɔn kanaa toa.»

Matiə 24:29

Bɛa nɔmaa lɛawaan kɛn lɛn kiɛ̃ kio gɔrɔ, wasa á die n biɛ nuunaa nɛ, mui ba re a folon kiɛ doo wa, leeren tá re boe lon ǹ kaa, lon màn pàãdɛnan dinin tumaa á re n lɔlɛkɔn.

Matiə 5:45

Ka zɛnaa miɛ̃, bɛ lɛ n nyɛɛ mà ka n ka Di Lawa a nɛnyaanan lɛa. A giala, a bɛ́ a wasa lɛ boe min sonboren la lɔn ke, a n boe min baraan dɔn la miɛ̃. A bɛ́ la mu koe sii bǐɛ̃ zɛnaalin la lɔn, a n koe sii baraa-zɛnaalin dɔn la miɛ̃.

Luku 18:7

Sanparɛ ka Lawa nɛ, min mɛnɛn bɛ́ Lawa wɔn lɛa, ǹ ná a nyankoe tèlò-n ka penleen ne, a ba re bǐɛ̃ zɛnɛɛ bɛn man wa? A ba re n nanaɛ a n dɔ ǹ lɛ wa?

Nya ǹ dín 2:20

Dɛnaa Lawa a lɛawaa lɛ laan bɛ̀ a n doe, bɛa lɛawaa gole kɛ lɛ, a sii ń nyɛ́ɛ diɛ, wasa á re n bɔyɛɛ a tii ka wɔlɔ tì bɛ́ lɔn, mui á re n bɔyɛɛ a taã ka mà bɛ́ lɔn.

Zozoe 10:11

Ǹ bɛ́ ǹ nə́ baa si Izirayeli minin lɛn nyɛɛnɛ, ǹ nə́ woo dɔ Bɛti-Ɔrɔn kele a gisĩ ǹ bǎã kɛ nɛ. Dɛnaa Lawa gii dadaran bɔ lon á ǹ duduwəə ne, yǎa Azekaa kiwi. La gii lɛ min mɛnɛn dɛ, bɛn nə́ mɔnaa ǹ nə́ la kɛn manɛ, Izirayeli minin lɛn dinin nə ǹ dɛ ka gɔya sa nɛ.

Zozoe 10:14

Dɛnaa Lawa minbuiin nɛ lɛ si bɛa pinaa lɛ nɛ. Bɛa lɛawaa lɛ miã tɔn yɛ wa. A yɛ lɛlɛ wa, a re yii a kio dɔ-n wa. A giala, Dɛnaa Lawa na á goã zia biɛ Izirayeli minin lɛn lɛa.

Sii-nyaan 21:23

Kiwi lɛ laadoo ba wasa ganaa ka mui ni wɔlɔ tɔn fulu wa, a giala mà Lawa a siĩnbaa n wɔlɔ fúlu kiɛ a ganaa, Sère Nɛ kɛ na a wasa lɛa.

Sii-nyaan 6:10

Ǹ nə́ n lɛ dii ka ǹ lɛn gole ne, ǹ nə́ pii: «Nsɛ mɛn bɛ́ Dɛnaa sonbore lɛa, ka taãn nɛ, ma nə n yii diɛ biĩ n tɔn kiri wɔ tán a minbuiinin lɛn ganaa, n wɔsɛn gɛ̀ dòo bɔ ǹ ganaa? A giala ǹ dinin man nə́ wɔsɛn dɛ wɔ́ gã.»

Sii-nyaan 6:12

Má yɛ, a bɛ́ á sɛ́wɔ lɛ tã ǹ bǎã lɛ a sɔrɔbaa ǹ wɔ bũ, tán bìn da gole gole. Wasa nə́ n bɔyaa á tì kɔ ka mɔnaa tì bɛ́ lɔn, mui tumumaa tã kɔ ka mà bɛ́ lɔn.

Sii-nyaan 8:12

Lon a dia dí-a wole siibaa ǹ wɔ dɔ tɔ́n a bɛn pɛ. Wasa laanka mui ka leeren talakɔn sɔɔbaa ǹ wɔ gã, ǹ folon dɔ a talakɔn sɔɔbaa ǹ wɔ nimi. Bɛ tɔ́n toa baayɛlɛ ka tèlò a talakɔn sɔɔbaa ǹ wɔ́ goã wɔlɔ tì lɛa.

Sii yɔrɔ-bɔlen 16:28

Sansɔn Dɛnaa Lawa nyankɔ á pɛ: «Dɛnaa Lawa ganaa, masɛ nə n nyankoe. N din Lawa nə n yiri koa masɛ li. E Lawa! Wusoo n pàã kɔ ma la, haalɛ ta sisia kɛ dinsɔɔ̃ nɛ, ma boo la, ma maa gɛ̀ dòo bɔ Filisiti minin lɛn ganaa goon lɛa, ma yii nàn paa kɛa purii taman yii.»

Sii yɔrɔ-bɔlen 5:2

Izirayeli bɛ́ woe zia la, maǹ nə́ n là bɔ ǹ dinin-a, zaman nə́ n din kɔ lenlen, ka bɛa barka da Dɛnaa Lawa nɛ.