Zozoe 10:11 - LAWA A BOO SONBORE

¹¹ Ǹ bɛ́ ǹ nə́ baa si Izirayeli minin lɛn nyɛɛnɛ, ǹ nə́ woo dɔ Bɛti-Ɔrɔn kele a gisĩ ǹ bǎã kɛ nɛ. Dɛnaa Lawa gii dadaran bɔ lon á ǹ duduwəə ne, yǎa Azekaa kiwi. La gii lɛ min mɛnɛn dɛ, bɛn nə́ mɔnaa ǹ nə́ la kɛn manɛ, Izirayeli minin lɛn dinin nə ǹ dɛ ka gɔya sa nɛ.

LAWA A BOO SONBORE 2011

¹¹ Ǹ bɛ́ ǹ nə́ baa si Izirayeli minin lɛn nyɛɛnɛ, ǹ nə́ woo dɔ Bɛti-Ɔrɔn kele a gisĩ ǹ bǎã kɛ nɛ. Dɛnaa Lawa gii dadaran bɔ lon á ǹ duduwəə ne, yǎa Azekaa kiwi. La gii lɛ min mɛnɛn dɛ, bɛn nə́ mɔnaa ǹ nə́ la kɛn manɛ, Izirayeli minin lɛn dinin nə ǹ dɛ ka gɔya sa nɛ.

Zozoe 10:11 Iomraidhean Croise

Siin Giala 19:24

Bɛa biikoo li, Dɛnaa kiribi tɛdɛnaa kaa Sodɔmu kiwi laanka Gomɔɔrɔ kiwi la, ka la bɛ́ kiɛ lɔn. Bɛ na á goã boe Dɛnaa din li lon.

Samayeli2 18:8

Zia lɛ nə́ n daa gána lɛ gɔ́ɔ̃ tumaa la. Bɛa pinaa kɛ lɛ nɛ, daã lɛ min mɛnɛn bii zaman lɛ bii, bɛn nə́ mɔnaa ǹ nə́ la kɛn manɛ zia lɛ nə́ ǹ bii.

Zɔbu 38:22

*Mu nyuù-wɔle bɛ́ boe bǎã mɛn nɛ, n bin woo yǎa walan? La gii bɛ́ boe bǎã mɛn nɛ lon, n bin bɛ yɛ?

Zɔbu 38:23

Man má bɛn koa ma gɔn li nɔmaa biikoo a lɛa, yɔ-bɔ a lɛa, zia-baa a lɛa.

Loen 11:6

Á re kiribi tɛdɛnaa kiɛ min baraan kɛn la. Piɛ̃ mɛn bɛ́ min tiɛ̃, bɛ á re ǹ wɔ gii biɛ.

Loen 147:17

a n la gii kiɛ ka kɔlɔ bɛ́ lɔn. A bɛ́ nyan mɛn boe, die n boe la a si a ganaa?

Izayii 28:2

Min kaka n ke, pàã ná a lon, Dɛnaa n bɛ lɛ diɛ. A na á kɔnbɔ ka la nɛ, kiɛ ka gii ni, basaã koe, la gole lɛa a mu bǎã tumaa si á n kɔ lɛ. Bɛa min kɛ n màn tumaa ziziɛ̃ ka pàã nɛ.

Izayii 28:21

Dɛnaa Lawa n die sii zɛnɛɛ ka Perasimu a nyankɔrɔ basa bɛ́ lɔn. Bɛ̀ á re a dí nyɛɛ, a foo-yoo á die a gɔ̀nɔn diɛ bìn diɛ ganaa, ka Gabawɔ̃ nyankɔrɔ basa wɔ bɛ́ lɔn. Sɛnɛ, a n die goɛ̃ tɔwaa ǹ dí lɛa. A bɛ́ re dí mɛn nyɛɛ, bɛ n die goɛ̃ kaãbaa ǹ dí lɛa.

Izayii 30:30

Dɛnaa Lawa lɛn tá re boe ka paraa gole ne. Á re n pàã nyɛɛ, ka a foo-yoo ne ka kurukuru, á re nyɛɛ tɛ bii la gole li kiɛ ka la gii ni.

Ezekieli 13:11

Min mɛnɛn lɛn bɛ́ a gialaa tɔrɛ, a pɛ ǹ nɛ ma kungɔn lɛ á re kiɛ. A giala, la gole á re die, á re kiɛ ka gii ni, piɛ̃ gole á re boe.

Timəə dí-pɛn 20:4

A giala, kaa Lawa, Dɛnaa Lawa din nə die miɛ kun ka nɛ, a n dɔ ka lɛ, a zia baa kaa zɔ́ɔn lɛn ganaa, a gɔ̀lɔ̀baa kɔ ka la.»

Sii-nyaan 11:19

Lawa a kion mɛn bɛ́ lon, bɛ nə́ n lɛ bũ, má *lɛ kɔ kɔn la ǹ goo lɛ yɛ. Bɛ ganaa, la tɛ pɛpɛ, la gigini, la gii dadaran nə́ kaa, tán bìn da.

Sii-nyaan 16:21

La gii mɛn bɛ́, a gugurubaa n doe kilo pusi, bɛ na á goã boe lon minbuiin lɛ dii tán. Minbuiin lɛ goã sɔ kiɛ Lawa la, mà wàa na á baa á koe bɔ ǹsɛn ganaa ka la gii kɛ tɔrɔ nɛ, a giala mà koe lɛ bɔbɔnɛɛ kɔ á la yii ni.

Sii yɔrɔ-bɔlen 5:20

Lon a leeren dɔn nə́ zia baa. Ǹ nə́ n toa ǹ kiɛ̃ ǹ zii la ǹ nə́ zia baa Sizeraa ganaa.