Zozoe 10:10 - LAWA A BOO SONBORE

¹⁰ Dɛnaa Lawa baa da ǹ gòã li Izirayeli minin lɛn nyɛɛnɛ, á bɔ̀n gole da ǹ ganaa kunu Gabawɔ̃ kiwi li. Á ǹ loo miɛ̃, á Bɛti-Ɔrɔn kele a dii ǹ zii kɛ saa ǹ nɛ. Á saa Azekaa ganaa á ǹ dɛ yǎa Makedaa.

LAWA A BOO SONBORE 2011

¹⁰ Dɛnaa Lawa baa da ǹ gòã li Izirayeli minin lɛn nyɛɛnɛ, á bɔ̀n gole da ǹ ganaa kunu Gabawɔ̃ kiwi li. Á ǹ loo miɛ̃, á Bɛti-Ɔrɔn kele a dii ǹ zii kɛ saa ǹ nɛ. Á saa Azekaa ganaa á ǹ dɛ yǎa Makedaa.

Zozoe 10:10 Iomraidhean Croise

Samayeli2 22:15

Á kiɛ kaã bɔ, á zɔ́ɔn kɛn pɛsɛ̃, á paparaa, á ǹ sasawaa.

Kiin1 9:17

Salomɔn wusoo á kiwi lɛ dɔ, á Bɛti-Ɔrɔn kiwi dɔ dɔ dia-n woe tán nɛ.

KZS2 14:12

Azaa laanka a zaman nə́ ǹ kio loo yǎa Gerarɛ. Etiopii minin lɛn kaa wole la yii ni, min goon din goã lon a yii n koo wa. A giala, Dɛnaa Lawa laanka a sɔraasin nə́ ǹ yɔyɔrɛ. Zudaa minin lɛn nə́ gɔn màn gigiã goa, ǹ nə́ woo ne ziabaa ǹ màn lɛa.

KZS2 25:13

Amasiya Izirayeli sɔraasin mɛnɛn kaa maǹ wo piɛ, mà ǹ nyan da zia lɛ baa wa, bɛn nə́ n daa wɔlɔ la Zudaa kiwin ni, Samarii laanka ka Bɛti-Ɔrɔn bii ni. Ǹ nə́ min duu sɔɔ (3 000) dɛ, ǹ nə́ gɔn màn gigiã goa ǹ nə́ woo ne.

Loen 18:14

Dɛnaa Lawa paraa lon papapã, lon a Lawa gole boo da. La gii kɛ n boe lon kiɛ, a n tɛ pii yɛlɛlɛ yɛlɛlɛ.

Loen 44:3

N nə ń tɔrɔ kɔsɔn loo ka pàã nɛ, ń wɔ digolon koa gána kɛ nɛ. Ń fuu nyaa tɔrɔ kɔsɔn manɛ, màn mɛn bɛ́ toɛ, n din a minin sii wo nyɛɛnɛ.

Loen 68:14

Kion bàan nyínin manɛ, ǹ nə́ wɔrɔ lɛa, ǹ nyàa kan nə́ sana yoreen yoreen lɛa. Die n die goɛ̃ waa-n tán sɔraasin bǎã kɛ nɛ?

Loen 78:55

Á tɔrɔ kɔsɔn loo á ǹ bɔ ǹ nyɛɛnɛ. Á bɛn bǎãn gii ǹ ni ǹ kíɛ̃ lɛa, á Izirayeli tɔrɔn kaa bɛn mɔnaa kionən ne.

Izayii 28:21

Dɛnaa Lawa n die sii zɛnɛɛ ka Perasimu a nyankɔrɔ basa bɛ́ lɔn. Bɛ̀ á re a dí nyɛɛ, a foo-yoo á die a gɔ̀nɔn diɛ bìn diɛ ganaa, ka Gabawɔ̃ nyankɔrɔ basa wɔ bɛ́ lɔn. Sɛnɛ, a n die goɛ̃ tɔwaa ǹ dí lɛa. A bɛ́ re dí mɛn nyɛɛ, bɛ n die goɛ̃ kaãbaa ǹ dí lɛa.

Izayii 30:30

Dɛnaa Lawa lɛn tá re boe ka paraa gole ne. Á re n pàã nyɛɛ, ka a foo-yoo ne ka kurukuru, á re nyɛɛ tɛ bii la gole li kiɛ ka la gii ni.

Zeremii 34:7

Bɛa waáraa lɛ nɛ, bɛ̀ Baabiloniin kii a sɔraasin tá Zeruzalɛmu gialaa ka Zudaa kiwin kɛn nɛ tɔn doaboe, bɛn man ka Lakiisi laanka Azekaa nɛ tamaa nɛ.

Zakarii 14:3

Dɛnaa Lawa tɔn zia baa tɔrɔn gialakunun kɛn ganaa, ka a bɛ́ zia biɛ lɔn lɛlɛ, zia biikoo li.

Timəə dí-pɛn 7:23

Sɛnɛ, kaa Lawa, Dɛnaa Lawa á re bɛa tɔrɔn kɛn lɛn we ka gɔn. Á re nyɛ́ɛ gole diɛ ǹ ganaa, ǹ tá re giɛ̃ ǹ nya.

Zozoe 10:11

Ǹ bɛ́ ǹ nə́ baa si Izirayeli minin lɛn nyɛɛnɛ, ǹ nə́ woo dɔ Bɛti-Ɔrɔn kele a gisĩ ǹ bǎã kɛ nɛ. Dɛnaa Lawa gii dadaran bɔ lon á ǹ duduwəə ne, yǎa Azekaa kiwi. La gii lɛ min mɛnɛn dɛ, bɛn nə́ mɔnaa ǹ nə́ la kɛn manɛ, Izirayeli minin lɛn dinin nə ǹ dɛ ka gɔya sa nɛ.

Zozoe 10:28

A din pinaa kɛ lɛ nɛ, Zozoe Makedaa kiwi kũ. Kiwi lɛ a kii ni, ka min mɛn tumaa goã kiwi lɛ nɛ, á bɛn dɛ. A toa min goon din la wa. A goã á sii mɛn zɛnaa Zerikoon kii ni, a na á bɛ lɛ miã zɛnaa Makedaan kii lɛ dɔ nɛ.

Zozoe 10:9

Zozoe soo Gilgaali, á tɔ wɔ, á lɛ̀ kaara lɛ waa nɛ, á woo ǹ tɔwaa tán.

Zozoe 11:8

Dɛnaa Lawa nə́ ǹ wɔ Izirayeli minin lɛn gɔn. Ǹ nə́ ǹ dɛ, ǹ nə́ ǹ loo yǎa Sidɔn kiwi gole kɛ nɛ. Ǹ nə́ ǹ loo miɛ̃ yǎa Misirifɔti-Mayimu kiwi, ǹ nə́ woo ǹ ne yǎa Misipaa kiwi a nyankɔrɔ basa kɛ nɛ, dia-n woe lɛ̀giala la. Ǹ nə́ ǹ dɛ yǎa ǹ nə́ nya, ǹ nə ǹ min goon din yii toa koo wa.

Zozoe 12:16

Makedaa, Betɛli,

Zozoe 15:35

Yarmuti, Adulaamu, Sokoo, Azekaa,

Zozoe 15:41

Gederɔti, Bɛti-Dagɔn, Naama, Makedaa. Bɛn man kiwi dadara fulusɔrɔ, ka ǹ kiwi bisinin ni.

Zozoe 16:3

a gisĩ a da bɔ Yafletii tɔrɔn kɛn gèlè la dia-n woe lɛ̀nyɛɛnɛ. Bɛti-Ɔrɔn kiwi ke tán li, a n woe yǎa bɛ gèlè la, a da yǎa Gezɛɛrɛ, a kiɛ̃ a wo n doa kɔ̀ gole kɛ ganaa.

Zozoe 16:5

Bǎã mɛn dɔ Efrayimu a tanlɛ minin ganaa, bɛ gèlè n ka kɛ nɛ: Lɛ̀nyɛɛn gɔn la, ǹ bǎã lɛ gèlè n ka Atarɔti-Adaara nɛ, a wo yǎa Bɛti-Ɔrɔn kiwi kɛ nɛ lon li.

Zozoe 21:22

Kibusayimu laanka a lɛkoro lɛ-a bǎãn nɛ, Bɛti-Ɔrɔn laanka a lɛkoro lɛ-a bǎãn nɛ. A kaa kun kiwi sii.

Sii yɔrɔ-bɔlen 4:15

Dɛnaa Lawa mɛ a nyɛɛnɛ, á baa da Sizeraa gòã li, kɔnlɛ ka a ziabaa ǹ wotoron lɛn tumaa laanka a zia-baalin lɛn tumaa nɛ. Sizeraa din gisĩ á n bɔ a ziabaa ǹ wotoro la, á baa si ka a gòã nɛ.

Sii yɔrɔ-bɔlen 4:16

Baraki ziabaa ǹ wotoron lɛn laanka zia-baalin lɛn loo yǎa Arosɛti-Goyimu. Ǹ nə́ Sizeraa a zia-baalin lɛn tumaa dɛ. Min goon din la ǹ bii wa.

Sii yɔrɔ-bɔlen 5:20

Lon a leeren dɔn nə́ zia baa. Ǹ nə́ n toa ǹ kiɛ̃ ǹ zii la ǹ nə́ zia baa Sizeraa ganaa.

Samayeli1 13:18

a paabaa ǹ wɔ nə́ n yɔrɔ dia Bɛti-Ɔrɔn li. Gèlè mɛn nə́ ke Siiboamu mìi lalan, dia-n woe diə gole ganaa, a sɔɔbaa ǹ wɔ nə́ n yɔrɔ dia walan li.

Samayeli1 17:1

Filisiti minin lɛn nə́ ǹ sɔraasin sɔkɔn Sookoo kiwi, Zudaa gána nɛ, ǹ nə́ die zia biɛ. Ǹ nə́ giã bǎã kɔn nɛ, a tɔ n Efɛsi-Damimu, Sookoo kiwi laanka Azekaa kiwi biin ni.