Zozoe 1:8 - LAWA A BOO SONBORE

⁸ N nyan toa dí-pɛn sɛ́wɔ kɛa boon nə n na n lɛ-a wa. N taasɛ bɛn lɛn ganaa penleen laanka tèlò ne, màn mɛn bɛ́ toɛ, boo mɛn tumaa bɛ́ kiɛ̃ nɛ a nɛ, n toa n zɛnaa ǹ sii tumaa kɔnpɛ ka bɛn nɛ. Bɛ̀ ń zɛnaa miɛ̃, n sii á re woe nyɛɛnɛ, á re bǐɛ̃ dɔ koe.

LAWA A BOO SONBORE 2011

⁸ N nyan toa dí-pɛn sɛ́wɔ kɛa boon nə n na n lɛ-a wa. N taasɛ bɛn lɛn ganaa penleen laanka tèlò ne, màn mɛn bɛ́ toɛ, boo mɛn tumaa bɛ́ kiɛ̃ nɛ a nɛ, n toa n zɛnaa ǹ sii tumaa kɔnpɛ ka bɛn nɛ. Bɛ̀ ń zɛnaa miɛ̃, n sii á re woe nyɛɛnɛ, á re bǐɛ̃ dɔ koe.

Zozoe 1:8 Iomraidhean Croise

Siin Giala 24:63

Ǹ kɔn pinaa wasamiɛ̃nɛ, á soo a tá n bibiĩ lalaa lɛ-a. Á n yii saa lon, á nyɔɔmaan lɛn yɛ die.

KZS2 26:5

Oziasi ga Lawa li Zakarii a yiikoonaabaa tumaa waáraa, asɛ mɛn bɛ́ Lawa a sii-yɛn doɛ̃. A goã giɛ li biikoo mɛn tumaa li, Lawa toa a siin ni yɔrɔ yɛ.

Loen 119:11

Ma nə n lɛ kɔ ǹ boon kɛn tamaɛ ma foo ne, màn mɛn bɛ́ toɛ, ma baran sii la n la wa.

Loen 119:15

Man li man taasɛ ka n minin doroo ǹ boon kɛn nɛ, n bɛ́ zii mɛn nyɛɛ ma nɛ, man yii doa bɛ la.

Loen 119:97

N landa boon kɛn tá kɔɔ̃n ma ganaa parsiini. Lɛawaa tumaa li, ma nə n taasɛ ǹ nɛ.

Loen 119:99

Min mɛnɛn nə ma daraa, má sii dɔ̃ má la bɛn manɛ. A giala, ma nə n taasɛ ka n gɔn waa ǹ boon kɛn nɛ duduu.

Loen 19:14

Ka bɛ dɔ nɛ, ma kanbaa din gole-kɔlen kɛn ganaa, n nyan toa ǹ boo ma la wa. Bɛ lɛ n die toɛ maa sii lɛ pã, bɛ lɛ n die ma kanbiɛ sii baraa gole ganaa.

Loen 40:10

Zaman gole kɛ bii, má n peperebaa laakalaa. Dɛnaa Lawa, man lɛ kɔ kɔn lɛ wa. N din tá bɛ doɛ̃.

Suusun 3:1

Maa nɛ, n yiri nyan bɔ ka maa daraan lɛn nɛ wa. Maa dí-pɛn lɛn tamaa n foo ne.

Izayii 59:21

Sɛnɛ masɛ a paǹ li, ma bɛ́ lɛ kɔ kɔn la mɛn we ǹ nɛ, á ke, Dɛnaa Lawa na á pɛ: Ma yiri n ka la. Má maa boo wɔ ka lɛ-n. A n ka dinin wɔ lɛa, kaa nɛnyaanan nɛ, ka kaa nɔ̀ɔnɔn nɛ, sisia yǎa duduu. Ma a re ǹ sii ka la duduu wa. Ma din Dɛnaa Lawa n má pɛ.

Matiə 12:35

Boo sonbore n boe min sonbore lɛ-n, boo baraa n boe min baraa lɛ-n.

Matiə 28:20

Ma dí mɛn tumaa pɛ ka nɛ, ka ǹ daraa ǹ ganaa ǹ nə ǹ nya. Ka dɔ̃: Ma á kun ka-n baraabaraa, yǎa kanaa a nya pinaa.»

Matiə 7:21

Min mɛn din tumaa bɛ́ masɛ bíi: «Dɛnaa, Dɛnaa,» bɛ tumaa bie re we lon a kiibaa-n wa. Ma Di Lawa foo sii zɛnaalin dininsɔɔ̃nɔn man die we.

Matiə 7:24

Ma boon mɛnɛn da, bɛ̀ min mɛn nə́ n too kɔ ǹ ganaa, á ǹ si, bɛa dɛnaa n kɔnboe ka yiridɛnaa mɛn bɛ́ a ná a kion dɔ tataã la.

Luku 11:28

Sɛnɛ, Yezu pɛ: «Haayii! Min mɛnɛn bɛ́ n too koe Lawa a boo-a, ǹ nə́ tɔ we á kɔnpii-n kaa, barka á re n diɛ bɛn ganaa!»

Zaã a sɛ́wɔ 13:17

Ka bɛ́ bɛ doɛ̃ kanna, ka kɔ lɛ, ka foo á re nyɛɛ.

Zaã a sɛ́wɔ 14:21

«Bɛ̀ min mɛn lɛ kɔ masɛ a dí-pɛn lɛn ganaa, á kɔ ǹ lɛ, bɛa dɛnaa n masɛ narɛ; bɛ̀ min mɛn dɔ tá masɛ narɛ, maa Díi dɔ á re bɛa dɛnaa narɛ, ma dɔ á re bɛa dɛnaa narɛ, ma n din nyaa nɛ.»

Efɛɛzi minin 4:29

A kɔnboe boo baraa kɔ́n bɔ ka lɛ-n wa. Sɛnɛ, bɛ̀ ka á boo diɛ, a goã boo sonbore lɛa, á n boe la á n doe min kɔsɔ lɛ, á n bǐɛ̃ zɛnɛɛ a ma wolen ne.

Timəə dí-pɛn 29:8

Bɛ lɛ nɛ, ka lɛ kɔ kɔn la ǹ boon lɛn tamaa, ka kɔ ǹ lɛ, màn mɛn bɛ́ toɛ, ka bɛ́ re n gɔn diɛ dí woo dí ganaa, a tumaa boo la a bǐɛ̃ kɔ.

Timəə dí-pɛn 29:9

Izirayeli minin lɛn, ka dinin tumaa n ke golee-n kànaa pelo, kaa Lawa, Dɛnaa Lawa yɔrɔ-a: kaa mìilandɛnan nɛ, kaa goledɛnan nɛ, kaa min golen ne, kaa zaman-lɛduə̃lin ni,

Timəə dí-pɛn 30:14

Sɛnɛ, boo lɛ n kunu ka li foɛɛ̃. A din lɛ n ka lɛ-n, a din lɛ n ka foo ne, màn mɛn bɛ́ toɛ ka kɔ lɛ.

Timəə dí-pɛn 31:11

Izirayeli minin tumaa bɛ́ re die n lɛ soekɔn ǹ Lawa, Dɛnaa Lawa yɔrɔ-a, bǎã kɛ nɛ a din bɔ á koa, ka die ka bɛa dí-pɛn sɛ́wɔ kɛ lɛ pɛ Izirayeli minin lɛn tumaa yii ni, ǹ ma.

Timəə dí-pɛn 31:24

Muizu dí-pɛn boon lɛn tumaa kiɛ̃ sɛ́wɔ nɛ. A bɛ́ á nya,

Timəə dí-pɛn 5:1

Muizu Izirayeli minin lɛn tumaa biì á pɛ ǹ nɛ: – Izirayeli minin lɛn, ma bɛ́ landa boon laanka sii yɔrɔ bɔ ǹ boon mɛnɛn kiɛ ka too-n pelo ke, ka n too kɔ bɛn li. Ka n daraa ǹ ganaa, ka ǹ tamaa, ka kɔ ǹ lɛ.

Timəə dí-pɛn 5:29

Sɛnɛ, toa bɛ̀ bɛa foo lɛ miã nə ǹ lon biikoo tumaa li, ǹ nə́ nyɛ́ɛ biɛ masɛ nɛ, ǹ nə́ masɛ a landa boon kɛn tumaa tamaɛ, ǹ dinin laanka ǹ nɛnyaanan yii-nyɛɛ a lɛa yǎa duduu.

Timəə dí-pɛn 5:32

Haya! Kaa Lawa, Dɛnaa Lawa lɛ nə n gɔn waa ka-n lɔn, ka zɛnaa a kɔnpɛ ka bɛ nɛ. Ka nyan kanaa ka wo gusin wa, ka nyan wo gɔsɛ wa.

Kolɔɔsi minin 3:16

Ka toa Krita a boo kɛ goã ka bii, a na a bǐɛ̃ kɛ tumaa zɛnaa ka foo ne. Ka kɔn daraa ka yiri sonbore ne, ka n dan da kɔn nɛ sɔnbɔraanɛ. Ka Lawa tɔ bɔ, ka barka da nɛ ka ka foo din tumaa nɛ. Ka Lawa tɔ bɔ ǹ loen lɔ, ka loe kɔsɔn nɛ, ka Yiri Fu bɛ́ loen mɛnɛn dɔn gisĩ ka mìi pán nɛ.

Zozoe 1:7

Yǎa n din nə n gù we yii, n nə n foo taɛ̃ taãn-taãnɛ. Maa dí-nyali Muizu dí-pɛn mɛnɛn tumaa kɔ n la, a toa n zɛnaa ǹ sii tumaa kɔnpɛ ka bɛn lɛn nɛ. N nyan kanaa n zii da n wo gusin wa, n baran wo n gɔsɛ wa, màn mɛn bɛ́ toɛ, n bɛ́ re n gɔn diɛ dí woo dí ganaa, bɛ boo la a bǐɛ̃ kɔ.

Zozoe 8:34

Bɛ kio, Zozoe dí-pɛn lɛn tumaa pɛ. Barka da min ganaa ǹ boon laanka lɛn baraa bíi min li ǹ wɔn nɛ, á ná a tumaa pɛ ka a bɛ́ kiɛ̃-n landa boon sɛ́wɔ lɛ-n lɔn.

Sii-nyaan 22:14

Min mɛnɛn bɛ́ wusii ǹ siin kio, ǹ nə́ goɛ̃ *yoreen ne, bɛn foo á re kɔɔ̃n koe, a giala masɛ n lɛ koe ǹ la, ǹ yiikoonaabaa ǹ da nɛ bii, ǹ tá re we ka kiwi lɛ a kiɛnlɛn nɛ.