Zozoe 1:6 - LAWA A BOO SONBORE

⁶ N gù we yii, n nə n foo taã. A giala, man lɛ kɔ ka digolon la ka gána mɛn a sii ni, n din lɛ n die woe bɛ tatalɛ n kɔ zaman kɛ lɛ la.

LAWA A BOO SONBORE 2011

⁶ N gù we yii, n nə n foo taã. A giala, man lɛ kɔ ka digolon la ka gána mɛn a sii ni, n din lɛ n die woe bɛ tatalɛ n kɔ zaman kɛ lɛ la.

Zozoe 1:6 Iomraidhean Croise

Siin Giala 12:7

Dɛnaa nə́ n din nyaa Abramu ni, á pɛ nɛ: «Man die gána kɛ koe n din tɔrɔn la.» Dɛnaa nə n din nyaa nɛ bǎã mɛn nɛ, Abramu *wúlu bɔ ǹ bǎã dɔ walan Dɛnaa wɔ lɛa.

Siin Giala 26:3

Giã bɛa bǎã lɛ nɛ, ma á die goɛ̃ kunun n ni, ma barka wɔ n nɛ. Ma á die bɛa bǎã lɛ koe n din laanka n tɔrɔn la. Man liɛ n di Abrahamu-n ka sii mɛn nɛ, man die bɛ zɛnɛɛ nɛ.

Samayeli2 10:12

N gù we yii. Daa wɔ n gù we yii wɔ tɔrɔ minin lɛn laanka wɔa Lawa a kiwin kɛn lɛa. Sii mɛn bɛ́ siĩn Dɛnaa Lawa yii li, Dɛnaa Lawa din bɛ zɛnaa.»

Kiin1 2:2

– Ma dɔ n die woe min tumaa a woo ǹ bǎã nɛ. N gɔ̀nɔn da n din-a, n giĩbaa zɛnaa!

KZS1 22:13

N wɔ á re bǐɛ̃ koe bɛ̀ n kɔ dí-pɛn kɛn lɛ ka landa boon kɛn nɛ Dɛnaa nə́ n kɔ Muizu la Izirayeli wɔ lɛa. Toa n goã kaka n foo tã, nyɛ́ɛ nyan nə n kũ wa, n nyan nə n foo ziziɛ̃ wa.

KZS2 15:7

Sɛnɛ kasɛn, kanna kəni, ka toa ka goã kaka. Foo-ziziɛ̃ nyan ka kũ wa. Ka á re kaa nɔmaa lɛ a saraa yii.»

KZS2 20:11

Sɛnɛ, pelo ǹ bɛ́ re wɔ sarɛɛ ka yɔrɔ mɛn nɛ, bɛ á ke: Maǹ wɔ lui wɔ boe tán kɛ la ń kɔ wɔ la.

KZS2 20:7

N dinmaa n wɔa Lawa lɛa. N din nə́ n gána kɛa minin loo bɛ̀ n zaman Izirayeli á ke die, n bɛa gána lɛ kɔ n giaára Abrahamu a kion minin la duduu wɔ lɛa.

Loen 27:14

N foo kũ, n nə n yii da Dɛnaa Lawa la. N gù we yii n nə n foo taã. N foo kũ, n nə n yii da Dɛnaa Lawa la.

Azee 2:4

Dɛnaa Lawa pɛ: Zorobabeli n foo taã, nsɛ dɔ Zozadaaki a nɛ Lawa a wúlu-bɔlen goledɛnaa Zozoe n foo taã. Gána lɛ a min din tumaa ka n foo taã, Dɛnaa Lawa na á pɛ. Ka n we yii dí li, ma tá kun ka nɛ. Dɛnaa Lawa Pàãyiidɛnaa a da ǹ boo n ke.

Zakarii 8:9

Dɛnaa Lawa bɛ́ boo mɛn pii á ke: «Ka n foo taã. Ka bɛ́ boon mɛnɛn miɛ pelo, a din boon lɛn manɛ ka ǹ ma Lawa a boo gii-dalin lɛ-n Lawa a kion lɛ a gòã daa li a doe waáraa.

Minin nimi 26:53

«Ka die ka gána lɛ gii tɔrɔn lɛn manɛ, a kɔnpɛ ka tɔrɔ lɛ gogoonmaa a minbuiin lɛ nɛ.

Minin nimi 33:53

Ka gána lɛ si ka baa kaa wɔ lɛa, ka giã a nɛ. A giala, ma din nə bɛa gána kɛ lɛ koe ka la, màn mɛn bɛ́ toɛ a kaa wɔ baa.

Korɛnti1 16:13

Ka n yii dɔraa, ka goã doa-n sɔnbɔraa nɛ goleemali gɔ́ɔ̃ nɛ. Ka toa ka goã min kakan lɛa, ka foo n tã.

Efɛɛzi minin 6:10

Bɛ tumaa kio, ka ga pàã li kaa tá kun ka Dɛnaa-n kɛ gɔ́ɔ̃ nɛ, ka ga a din a pàã gole kɛ li.

Timəə dí-pɛn 1:21

Ka ga, kaa Lawa, Dɛnaa Lawa na á gána kɛ lɛ koa tán ka yɔrɔ-a. Ka woo, ka si ka baa kaa wɔ lɛa, ká ka digolon Lawa, Dɛnaa Lawa lɛ goã á n lɛ kɔ ka la ka a sii-n lɔn. Ka baran nyɛ́ɛ baa wa, ka gù baran gã wa.»

Timəə dí-pɛn 1:8

Ka ga: gána kɛ lɛ ka nyɛɛnɛ, má kɔ ka la. Ka kaa a nɛ, ka si ka baa kaa wɔ lɛa. A giala, masɛ Dɛnaa Lawa nə n liɛ, má maa á re gána lɛ koe ka digolo Abrahamu la, Izaaki ni ka Zakɔba nɛ, ma kɔ ka tɔrɔn dɔn la ka kio.»

Timəə dí-pɛn 11:8

Ma bɛ́ gɔn waa ǹ boon mɛnɛn tumaa pii ka nɛ pelo, ka bɛn tamaa. Bɛ á re toɛ ka pàã yɛ, ka bɛ́ re kiɛ̃ ka kaa gána mɛn lɛ nɛ, ka boo la ka si ka baa kaa wɔ lɛa.

Timəə dí-pɛn 31:23

Bɛ kio, Dɛnaa Lawa nə́ n gɔn waa Nunu a nɛgiĩ Zozoe dɔ nɛ, á pɛ nɛ: «N gù we yii, n nə n foo taã. A giala, man lɛ kɔ Izirayeli minin lɛn la ka gána mɛn a sii ni, n din lɛ n die woe ǹ ne walan. Ma din Lawa á re goɛ̃ kunun n ni.»

Timote2 2:1

N din wɔ paǹ li, nsɛ mɛn bɛ́ maa nɛ lɛa, wɔ bɛ́ Lawa a bǐɛ̃ mɛn giulun, wɔa tá kun ka Yezu *Krita-n lɛ gɔ́ɔ̃ nɛ, n dɔ nə n gɔn paraa bɛ lɛ ganaa, n nə n gù we yii.

Zozoe 1:18

Min mɛn bɛ́ re n piɛ̃ ka n da ǹ boo ne, n bɛ́ re dí mɛn tumaa koe wɔ la, min mɛn bɛ́ re n bɔlɔ tii bɛ gɔ́ɔ̃ nɛ, wɔ́ á re bɛa dɛnaa dii a gã. Yǎa nsɛ nə n gù we yii n nə n foo taã!»

Zozoe 1:7

Yǎa n din nə n gù we yii, n nə n foo taɛ̃ taãn-taãnɛ. Maa dí-nyali Muizu dí-pɛn mɛnɛn tumaa kɔ n la, a toa n zɛnaa ǹ sii tumaa kɔnpɛ ka bɛn lɛn nɛ. N nyan kanaa n zii da n wo gusin wa, n baran wo n gɔsɛ wa, màn mɛn bɛ́ toɛ, n bɛ́ re n gɔn diɛ dí woo dí ganaa, bɛ boo la a bǐɛ̃ kɔ.

Zozoe 1:9

Ma din bie má pɛ n nɛ, máa n nə n gù we yii n nə n foo taã wa ya? N baran nyɛ́ɛ baa wa, n baran toa n gù gã wa. A giala, masɛ Dɛnaa Lawa mɛn lɛ á ke n Lawa lɛa, ń bɛ́ re woe bǎã woo bǎã nɛ, masɛ tá kunun n ni.»

Zozoe 10:25

Zozoe tɔ́n pɛ ǹ nɛ: «Ka baran nyɛ́ɛ baa wa, ka foo baran biɛ na wa. Ka n foo taã, ka n gù we yii. A giala, kaa zɔ́ɔn mɛnɛn tumaa á ke ǹ nə́ die zia biɛ ka ganaa, Dɛnaa Lawa n die zɛnɛɛ ǹ tumaa-n kɛnɛn.»

Zozoe 13:6

Kele yii bǎã kɛ tumaa, a saa Liban gána ganaa a wo yǎa Misirefɔti-Mayimu kiwi, bɛ dɔ tá a nɛ. Bɛa bǎã lɛ a minin tumaa na á goã Sidɔn minin lɛa. Masɛ dinmaa-n die bɛa bǎãn kɛn lɛn minin lui ma ǹ bɔ Izirayeli minin lɛn nyɛɛnɛ. Sɛnɛ, ka masɛ pɛ n nɛ lɔn, ka n pã, n gána lɛ tatala n kɔ Izirayeli minin lɛn la.

Zozoe 18:3

Zozoe tɔ́n pɛ Izirayeli minin lɛn manɛ: «Dɛnaa Lawa, ka digolon Lawa gána mɛn lɛ kɔ ka la, ka nə n yii diɛ yǎa biĩ, ka tɔn woe giɛ̃ a nɛ?

Zozoe 21:43

Dɛnaa Lawa gána lɛ tumaa kɔ Izirayeli minin lɛn la. A giala, á goã á n lɛ kɔ ǹ digolon la, mà asɛ á re koe ǹ la. Izirayeli minin nə́ gána lɛ si, ǹ nə́ giã a nɛ.

Zozoe 5:6

Sonbore, Izirayeli minin lɛn man nə́ n binbirin bɔ don, lɛ̀ pusi gɔ́ɔ̃ nɛ. Zaman mɛn tumaa soo Ezipti, ǹ mɛnɛn bɛ́ boe zia-baa la, yǎa bɛn tumaa papaã ǹ nə́ nya. A giala, ǹ nə n too kɔ Dɛnaa Lawa lon wa. Bɛ lɛ nɛ, á n liɛ bɛ lɛ a biikoo li, mà asɛ a re toɛ ǹ yii mɛ gána kɛ lɛ ganaa doo wa. Bɛ bie wa, Dɛnaa Lawa na á goã á n lɛ kɔ ǹ digolon la, mà asɛ n die bɛa gána kɛ lɛ koe ǹsɛn la, bɔ̀nyaa laanka zoo nyɔɔ bɛ́ baa sii gána mɛn nɛ.

Samayeli1 4:9

Filisiti minin lɛn ganaa, ka n gù we yii, ka giĩbaa zɛnaa bɛ́ bie wa, n wɔ dɔn yaa kiɛ̃ kanna Ebrəən lɛn bɛ̀rɛn biɛ ka ǹ bɛ́ ǹ nə́ goã wɔsɛn wɔn lɛa lɛlɛ lɔn. Ka toa ka goã giĩn lɛa, ka zia baa.»