Zozoe 1:15 - LAWA A BOO SONBORE

¹⁵ yǎa Dɛnaa Lawa susui koe ǹ dɔɔ̃nɔn lɛn la, ka a bɛ́ á kɔ ka dɔn la lɔn. Dɛnaa Lawa lɛ, kaa Lawa lɛa, bɛ bɛ́ gána mɛn lɛ koe ka dɔɔ̃nɔn lɛn la, ka n dɔ ǹ lɛ, yǎa ǹ dɔn nə bɛ sii ǹ biɛ ǹ wɔ lɛa. Bɛ kio, bǎã mɛn bɛ́ kaa wɔ lɛa, Dɛnaa Lawa a dí-nyali Muizu bǎã mɛn lɛ kɔ ka la Zurdɛ̃ tà kio, lɛ̀giala gɔn la, ka tá re ǹ bɔyɛɛ ka da walan.»

LAWA A BOO SONBORE 2011

¹⁵ yǎa Dɛnaa Lawa susui koe ǹ dɔɔ̃nɔn lɛn la, ka a bɛ́ á kɔ ka dɔn la lɔn. Dɛnaa Lawa lɛ, kaa Lawa lɛa, bɛ bɛ́ gána mɛn lɛ koe ka dɔɔ̃nɔn lɛn la, ka n dɔ ǹ lɛ, yǎa ǹ dɔn nə bɛ sii ǹ biɛ ǹ wɔ lɛa. Bɛ kio, bǎã mɛn bɛ́ kaa wɔ lɛa, Dɛnaa Lawa a dí-nyali Muizu bǎã mɛn lɛ kɔ ka la Zurdɛ̃ tà kio, lɛ̀giala gɔn la, ka tá re ǹ bɔyɛɛ ka da walan.»

Zozoe 1:15 Iomraidhean Croise

Korɛnti1 12:26

Bɛ̀ gù goon tá nɔmaa nɛ, gù lɛ din tumaa na á nɔmaa lɛ gii kɔn. Bɛ̀ gugurubaa tá gù goon li, gù lɛ din tumaa na a nyɛnyɛɛ gii kɔn.

Korɛnti1 13:5

Kɔn-narɛɛ a toɛ min sìi da ǹ sii zɛnaa wa, a toɛ min ga a din a là dinsɔɔ̃ li wa. A toɛ min foo yoo fufuu wa, a toɛ min nə ǹ miã koa a gɔ́ɔ̃-n wa.

Galaasi minin 5:13

Kasɛn wɔ paǹ li, ma dɔɔ̃nɔn lɛn, Lawa na á kasɛn bíi mà ka goã ka gɔn wìi a lɛa. Sɛnɛ, ka bɛ́ ka dinin gɔn wìi a lɛa ke, ka nyan taasɛ, mà ka á boe la ka sii tumaa zɛnaa kanna, a kɔnpɛ ka ka gɔ̀nɔn foo siin kɛn nɛ wa. Sɛnɛ, ka n dɔ kɔn lɛ ka kɔn-narɛɛ nɛ.

Galaasi minin 6:2

Ka n dɔ kɔn lɛ, ka kɔn a guĩ gũ. Bɛ̀ ka á zɛnɛɛ miɛ̃, ka ǹ *Krita a dí-pɛn lɛ sii.

Timəə dí-pɛn 3:18

Bɛa waáraa lɛ nɛ, má tɔ́n nə n laa ka ganaa, má pɛ ka-n kɛnɛn: «Kaa Lawa, Dɛnaa Lawa na á gána kɛ lɛ kɔ ka la, kaa wɔ lɛa. Kaa zia-baalin tumaa nə ǹ ziabaa ǹ mànan goa, ǹ mɛ ǹ dɔɔ̃n Izirayeli minin gialakunun lɛn nyɛɛnɛ, ǹ Zurdɛ̃ tà kuru.

Timəə dí-pɛn 3:20

Ka n dɔ ka dɔɔ̃nɔn lɛn lɛ, yǎa Dɛnaa Lawa susui koe ǹ la, ka a bɛ ke á kɔ ka dɔn la lɔn. Kaa Lawa, Dɛnaa Lawa bɛ́ gána mɛn koe ǹ dɔn la, Zurdɛ̃ tà kio lɛ̀nyɛɛnɛ, bɛ̀ ǹ dɔn nə́ ǹ wɔ gii yɛ, ma bǎã mɛn kɔ ka la, didie tɔn nə n bɔyaa kəni, a da giã a wɔ nɛ.»

Timəə dí-pɛn 9:1

Izirayeli minin lɛn, ka n too kɔ! Ka n die Zurdɛ̃ tà kuri pelo. Tɔrɔn mɛnɛn bɛ́ didi ǹ nə́ la ka nɛ, ǹ pàã dɔ din la kaa wɔ nɛ, ǹ kiwi nə́ dadara kungɔnun nə́ ǹ lɛnpɛnɛ, sasa lon ka piwɔɔn, ka n die bɛa tɔrɔn lɛn lui.

Filipi minin 2:4

Min kɔ́n baran ga a dinsɔsɔɔ̃ walan ma, sɛnɛ, ka ga min kɔsɔn walan.

Zozoe 1:1

Dɛnaa Lawa a dí-nyali Muizu a gɛ̀ kio, Dɛnaa Lawa boo da ka Muizu a dɔmalɛ wole, Nunu a nɛgiĩ Zozoe ne á pɛ nɛ:

Zozoe 1:14

Muizu bǎã mɛn lɛ kɔ ka la Zurdɛ̃ tà kio, kaa lɔn nɛ, kaa nɛnyaanan laanka kaa tɔɔn nɛ, bɛn tá re goɛ̃ walan. Sɛnɛ, ǹ mɛnɛn tumaa bɛ́ zia-baalin lɛa, bɛn die ǹ nə ǹ ziabaa ǹ mànan goa, ǹ mɛ ǹ dɔɔ̃nɔn lɛn nyɛɛnɛ, ǹ nə n dɔ ǹ lɛ,

Zozoe 1:16

Ǹ nə́ Zozoe lɛ si ǹ nə́ pɛ nɛ: «N bɛ́ dí mɛn tumaa koe wɔsɛn la, wɔ á re a tumaa nyɛɛ. N bɛ́ re wɔ diɛ bǎã woo bǎã nɛ, wɔ́ á re woe.

Zozoe 22:1

Bɛ kio kəni, Zozoe Urubɛn tɔrɔn bíi, Gaadi tɔrɔn nɛ, ka Manaasee tɔrɔn kɛn talɛɛ nɛ.