Zozoe 1:11 - LAWA A BOO SONBORE

¹¹ «Ka n bibiə̃ giã ǹ bǎã lɛ nɛ, ka pɛ zaman lɛ nɛ, mà ǹ ga màn-bii li ǹ koa ǹ gɔn li. A giala, kànaa laanka lɛawaa sɔɔ, ka á re Zurdɛ̃ tà kuri. Dɛnaa Lawa lɛ, kaa Lawa lɛa, bɛ bɛ́ gána mɛn lɛ koe ka la, ka á re woe bɛ lɛ sii ka baa kaa wɔ lɛa.»

LAWA A BOO SONBORE 2011

¹¹ «Ka n bibiə̃ giã ǹ bǎã lɛ nɛ, ka pɛ zaman lɛ nɛ, mà ǹ ga màn-bii li ǹ koa ǹ gɔn li. A giala, kànaa laanka lɛawaa sɔɔ, ka á re Zurdɛ̃ tà kuri. Dɛnaa Lawa lɛ, kaa Lawa lɛa, bɛ bɛ́ gána mɛn lɛ koe ka la, ka á re woe bɛ lɛ sii ka baa kaa wɔ lɛa.»

Zozoe 1:11 Iomraidhean Croise

Kiin2 20:5

– N lɛ goa n pɛ maa zaman a kii Ezekiasi lɛ nɛ, mà ǹ di Davida a Lawa, Dɛnaa Lawa lɛ mà kɛnɛn: «Má n nyankɔ lɛ ma. Má n yii mu lɛ yɛ. Á ke, man die n kaka koe. Pelo lɛawaa sɔɔ, n tá re woe Dɛnaa Lawa a kion.

Bɔ bɛ̀rɛbaa nɛ 19:11

ǹ nə n yɔrɔ bɔ lɛawaa sɔɔbaa ǹ wɔ kɛa lɛa. A giala, Dɛnaa n die gisĩ Sinayii kele kɛ la lɛawaa sɔɔbaa ǹ wɔ pinaa kɛ nɛ, zaman lɛ tumaa yɔrɔ-a.

Ozee 6:2

Kànaa ka lɛawaa paa, á re yiikoonaabaa koe wɔ la. A sɔɔbaa ǹ wɔ li, á re wɔ goɛ a wɔ kaa lon. Wɔ yii á die goɛ̃ koo a din yɔrɔ-a.

Timəə dí-pɛn 11:31

Kaa Lawa, Dɛnaa Lawa bɛ́ gána mɛn lɛ koe ka la, ka á re Zurdɛ̃ tà kuri, ka kiɛ̃ ka kaa a nɛ, ka si ka baa kaa wɔ lɛa. Á re kaa wɔ biɛ, ka á re giɛ̃ a nɛ.

Timəə dí-pɛn 3:18

Bɛa waáraa lɛ nɛ, má tɔ́n nə n laa ka ganaa, má pɛ ka-n kɛnɛn: «Kaa Lawa, Dɛnaa Lawa na á gána kɛ lɛ kɔ ka la, kaa wɔ lɛa. Kaa zia-baalin tumaa nə ǹ ziabaa ǹ mànan goa, ǹ mɛ ǹ dɔɔ̃n Izirayeli minin gialakunun lɛn nyɛɛnɛ, ǹ Zurdɛ̃ tà kuru.

Timəə dí-pɛn 9:1

Izirayeli minin lɛn, ka n too kɔ! Ka n die Zurdɛ̃ tà kuri pelo. Tɔrɔn mɛnɛn bɛ́ didi ǹ nə́ la ka nɛ, ǹ pàã dɔ din la kaa wɔ nɛ, ǹ kiwi nə́ dadara kungɔnun nə́ ǹ lɛnpɛnɛ, sasa lon ka piwɔɔn, ka n die bɛa tɔrɔn lɛn lui.

Zozoe 1:10

Bɛ kio, Zozoe dí kɔ zaman lɛ a nyɛɛnaandɛnan la á pɛ ǹ nɛ:

Zozoe 1:2

«Maa dí-nyali Muizu gã. Kanna kəni, n din yoo, n Zurdɛ̃ tà kɛ kuru, n din laanka zaman kɛ lɛ tumaa nɛ. Ma bɛ́ gána mɛn koe ka dinin Izirayeli minin lɛn la, ka wo walan.

Zozoe 3:2

Nyɛɛnaandɛnan nə́ n bibiə̃ giã ǹ bǎã lɛ nɛ lɛawaa sɔɔ gɔ́ɔ̃ nɛ,