Zowɛli 2:3 - LAWA A BOO SONBORE

³ Bɛ̀ ǹ nə́ n yɔrɔ dia bǎã mɛn nɛ, ka tɛ n kuĩ die. Bɛ̀ ǹ nə́ bɔ bǎã mɛn nɛ, ka tɛ na á bɔ walan. Ǹ bɛ́ ǹ tɔn daa wa, gána lɛ na á goã ka Edɛn dù gɔrɔ kɛ bɛ́ lɔn. Sɛnɛ ǹ kiɛ̃ kio, á n baa ka maǹ nə́ don dɛ. Màn kɔn ba liɛ ǹ la wa.

LAWA A BOO SONBORE 2011

³ Bɛ̀ ǹ nə́ n yɔrɔ dia bǎã mɛn nɛ, ka tɛ n kuĩ die. Bɛ̀ ǹ nə́ bɔ bǎã mɛn nɛ, ka tɛ na á bɔ walan. Ǹ bɛ́ ǹ tɔn daa wa, gána lɛ na á goã ka Edɛn dù gɔrɔ kɛ bɛ́ lɔn. Sɛnɛ ǹ kiɛ̃ kio, á n baa ka maǹ nə́ don dɛ. Màn kɔn ba liɛ ǹ la wa.

Zowɛli 2:3 Iomraidhean Croise

Siin Giala 13:10

Lɔti nə́ n yii saa á ga Zurdɛ̃ bǎã tumaa ganaa. Á yɛ mà mu á bɛa bǎã lɛ boe parsiini, á goã ka Dɛnaa a lɛlɛ a dù gɔrɔ kɛ bɛ́ lɔn, ka Ezipti gána bɛ́ lɔn, bɛ̀ Dɛnaa bɛ́ a tɔn Sodɔmu laanka Gomɔɔrɔ kiwi bɔ̀n baa ǹ mɛn waáraa wa.

Siin Giala 2:8

Bɛ kio, Dɛnaa Lawa tɔ́n bǎã sonbore kɔ́n zɛnaa lɛ̀giala-n, ǹ nə́ bíi Edɛn dù gɔrɔ, a ná a min zɛnaa lɛ da walan.

Loen 50:3

Wɔa Lawa lɛ á die, a re n lɛ tiɛ̃ wa. Tɛ n wɔlɔ kuĩ a nyɛɛnɛ, piɛ̃ gole n boe a lɛnpɛnɛ.

Loen 97:3

Tɛ n tɔ we a nyɛɛnɛ, a na a zɔ́ɔn tiɛ̃ paǹ tumaa li.

Bɔ bɛ̀rɛbaa nɛ 10:15

Ǹ nə́ n kɔ gána lɛ a tán tumaa lɛ, bǎã tumaa tì kɔ. Ǹ nə́ gána lɛ a màn-kɔsiɛ tumaa sɔ̃, ka a da nɛn tumaa nɛ, mànan mɛnɛn nə n si la gii lɛ la ǹ nə́ goã. Da luu buruu kɔ́n goã wa, màn buruu kɔ́n dɔ goã tɔɔn gɔ buu ni ǹ bǎãn nɛ, gána lɛ paǹ kɔ́n nɛ wa.

Bɔ bɛ̀rɛbaa nɛ 10:5

Ǹ tá re gána lɛ kuĩ taãn-taãnɛ, yii ná a ba a bǎã kooro yii wa. Màn gialakun mɛn nə n si á goã, la gii ná a ziziɛ̃ wa, maǹ die bɛ soɛ̃. Kaa dan mɛnɛn bɛ́ don, ǹ ba re màn toɛ bɛ kɔ́n ganaa wa.

Izayii 14:17

A din lɛ bie á goã tán bɔyɛɛ biɛ diə gole lɛa, kiwin yui, n piɛ̃ ka kòso nɛn kaa-n wa ya.»

Izayii 15:6

Nimirimu a pɛrɛ kɛ piɛ̃. Da tumaa gã, buu banban. Màn buruu kɔn banban.

Izayii 33:4

Maǹ ka gɔn màn goɛ ka bisin bɛ́ màn goɛ lɔn, Maǹ tele ka ganaa ka bisin kuru bɛ́ lɔn.

Izayii 51:3

Dɛnaa Lawa n *Siɔn foo doɛ, a na a kɛbɔlɔn foo doa. A n die bɛa kɛbɔlɔn lɛn bɔyɛɛ a baa dù gɔrɔ lɛa, a tán gere kɛ baa Edɛn dù gɔrɔ lɛa. Foo kɔɔ̃n laanka nyɛnyɛɛ n die goɛ̃ a nɛ, tɔ bɔ ǹ loen ne, ka sàn kɔ ǹ mànan wuun ni.

Izayii 9:18

Dɛnaa Lawa Pàãyiidɛnaa a foo-yoo gole taman yii, gána lɛ n kuĩ tɛ lɛa, a n ka tɛ n zaman lɛ kuĩ, min kɔn ba ǹ dɔɔ̃n makara doɛ̃ wa.

Izayii 9:19

Maǹ pɔrɛɛ gusin, ǹ bòo dɔ a nyɛɛ wa. Maǹ pɔrɛɛ gɔsɛ, sɛnɛ ǹ ba kiɛ̃ wa. Didie n yui ǹ dɔɔ̃n gialaa:

Zeremii 5:17

Maǹ màn tumaa ziziɛ̃: kaa kaa-piɛ mànan nɛ, kaa màn-biin ni, kaa nɛgiĩn laanka kaa nɛlɔn nɛ, kaa tɔɔ bisinin laanka kaa tɔɔ dadaran nɛ, kaa rezɛ̃ dan laanka kaa gɔ́rɔ dan nɛ. Zia á re kaa kiwi tamaa wolen yui, ka goã taasɛ mà ka á re yii-nyɛɛ yii ǹ mɛnɛn lɛn nɛ.

Ezekieli 36:35

Minin tá re n toɛ: «Kiwi kɛ lɛ ǹ nə́ goã ǹ nə́ ziziɛ̃, á ke á n baa ka Edɛn dù gɔrɔ kɛ bɛ́ lɔn. Kiwin mɛnɛn bɛ́ ǹ nə́ goã ǹ nə́ wuru, ǹ nə́ ziziɛ̃ ǹ nə́ kɛbɔlɔ baa, ǹ nə́ kungɔn dɔ ǹ nə́ bɛn lɛnpɛnɛ nɛ, minin nə́ giã ǹ nɛ.

Amɔɔsi 7:4

Dɛnaa Lawa lɛ màn mɛn nyaa ma-n doo, bɛ á ke: Dɛnaa Lawa lɛ na á lɛ dia tɛ la, á n dɔlɔ boe ne. Tɛ lɛ a gusuũ tán mu gole kɛ piɛ̃, a n gána gialaa kuĩ.

Abakuku 1:6

Á ke, man die *Baabilonii minin kiɛ ka-a, ǹsɛn mɛnɛn bɛ́ kakaarɛ, ǹ nə́ ǹ ba makara doɛ̃ wa. Maǹ woe bǎã tumaa nɛ, ǹ wo gánan kũ, ǹ mɛnɛn bɛ́ ǹ ba ǹ wɔ lɛa wa.

Zakarii 7:14

Má ǹ sasawaa tɔrɔn bii, ǹ bɛ́ ǹ ba ǹ mɛnɛn dinin doɛ̃ wa. Ǹ goa lɛ kio, ǹ gána lɛ yu. Min kɔn ba woe walan wa, min kɔn dɔ a boe a-n wa. Bɛa gána kɔɔ̃n-kɔɔ̃n kɛ lɛ, ǹ nə́ bɔyaa ǹ nə́ baa kɛbɔlɔ lɛa.»