Zeremii 5:1 - LAWA A BOO SONBORE

¹ Ka wo bǎã tumaa nɛ, Zeruzalɛmu a ziin la, ka ga sɔnbɔraa nɛ, ka nɔ̀n da, Ka ga a bǎã dadaran nɛ, Bɛ̀ ka min goon yɛ, pepere, bɔlɔgoondɛnaa lɛa, ma á re makara boe Zeruzalɛmu ganaa kəni.

LAWA A BOO SONBORE 2011

¹ Ka wo bǎã tumaa nɛ, Zeruzalɛmu a ziin la, ka ga sɔnbɔraa nɛ, ka nɔ̀n da, Ka ga a bǎã dadaran nɛ, Bɛ̀ ka min goon yɛ, pepere, bɔlɔgoondɛnaa lɛa, ma á re makara boe Zeruzalɛmu ganaa kəni.

Zeremii 5:1 Iomraidhean Croise

Kiin1 19:10

Yilii ná a lɛ si: «Ma la n paparɛ ka Lawa Pàãyiidɛnaa, Dɛnaa Lawa lɛ a sii ni. Izirayeli minin lɛn nə́ n lɛ kɔ kɔn la lɛ toa walan, ǹ nə́ n wúlu bɔ ǹ bǎãn ziziɛ̃, ǹ nə́ n boo gii-dalin dɛ. Masɛ dinsɔɔ̃ n má goã, maǹ giɛ li, ǹ ma dɔ dɛ.»

KZS2 16:9

A giala, Dɛnaa Lawa n giɛ tán la, kanaa paǹ tumaa ganaa, min mɛnɛn bɛ́ narɛ ka ǹ foo tumaa nɛ, a n dɔ bɛn lɛ. Sisia kəni, ń baãnaabaa zɛnaa. Bɛ lɛ nɛ, a kũ sisia ganaa, n zɔ́ɔn man die yui n gialaa ka zia nɛ.»

Loen 12:1

LOE-saalin goledɛnaa loe mɛn lɔ tùtu nɛ kiwisidɛnaa wuu li. Davida a loe.

Loen 14:2

Dɛnaa Lawa nə́ n toa lon a ga minbuiinin ganaa, a n giɛ bɛ̀ yiridɛnaa goon tá ǹ bii, bɛ̀ yiridɛnaa tá ǹ bii, á n giɛ Lawa li.

Loen 14:3

Sɛnɛ, ǹ tumaa zii da, ǹ tumaa baraabaa ǹ zii saa. Ǹ kɔn ba sii bǐɛ̃ zɛnɛɛ wa, haalɛ ǹ min goon din.

Loen 94:16

Die n die boe ma lɛ-a, a yoo min babaraan kɛn gialaa? A maa zia gii si, a da baraa-zɛnaalin kɛn-a?

Suusun 20:6

Min gigiã n pii mà ǹsɛn man yiridɛnan lɛa, sɛnɛ, die n boe la a min bɔlɔgoondɛnaa yɛ a nyaa.

Suusun 23:23

Sonbore pii, n nyan sã wa. Ga sii-doɛ̃ li, doɛ̃ nɛ ka yiridɛnaabaa nɛ.

Suusun 8:3

A nə n lɛ dii kunu kiɛnlɛn ganaa, kiwi lɛ a wɔ ǹ bǎãn nɛ, ka kiɛ̃ ǹ bǎãn nɛ.

Loe kɔɔ̃n kɔɔ̃n 3:2

Man die yui kanna, ma kiwi lɛ kɔkɔn, ma kɔkɔ ziin lɛ, ma bɔbɔ bǎãn nɛ, min mɛn lɛ bɛ́ kɔɔ̃n ma ganaa, ma ga bɛ li. Má ga li, sɛnɛ man na a-n wa.

Izayii 59:4

Min kɔn ba woe kiri wɔ ǹ bǎã nɛ peperebaa a lɛa wa. Min kɔn ba kiri kuri ka sonborebaa-n wa, ka nə n foo doɛ sii kooron ganaa, ka n soɛ boe, Ka nə n taasɛ sii baraa zɛnaa ganaa, ka n koe yii nɛ lɛa.

Zeremii 2:29

Wàa na á baa kəni ka á kiri we ma ganaa? Ka dinin tumaa nə n gòãn dii ma ganaa. Dɛnaa Lawa a da ǹ boo ne

Zeremii 44:15

Min mɛn tumaa goã giã-n Ezipti gána nɛ Patɔrɔsi kiwi, giĩn mɛnɛn tumaa goã doɛ̃ mà ǹsɛn lɔn tá da yon gìĩ kɔɔ̃n tiɛ̃ dì soreen wɔ lɛa, bɛn tumaa goã ǹ tan, ka lɔ damata nɛ. Ǹ nə́ pɛ Zeremii ni:

Zeremii 8:6

Má n too kɔ ǹ lon taãn-taãnɛ. Ǹ bɛ́ boo mɛn diɛ mìi ba la wa. Ǹ kɔn ba wusii a sii bɔnɛɛn kio wa. Ǹ kɔn ba nɔ̀n diɛ a din la ka a zɛnaa ǹ sii-n wa. Ǹ tumaa n baa sii ka sùin bɛ́ lɔn ziabaa ǹ bǎã nɛ.

Zeremii 9:2

Ǹ lɛwɔn nə baraa ka kiɛ bɛ́ lɔn. Ǹ nə́ gána lɛ a mìinaan baa soɛ taman yii peperebaa a lɛa bie wa. Taãn nɛ, gɛ̀ dɛ woo gɛ̀ dɛ, ǹ dí n ka bɛ lɛ nɛ. A giala, ǹ ba ma doɛ̃ wa. Dɛnaa Lawa a da ǹ boo ne.

Zeremii 9:7

Minin kɛn lɛwɔn nə ka kiɛ bɛ́ lɔn gɛ̀ dii. Maǹ soɛ boe, maǹ boo paparɛ diɛ ǹ giaáran manɛ, Sɛnɛ, ǹ foo ne, maǹ kan koe ǹ ne.»

Ezekieli 22:30

Má ga min li ǹ bii, min mɛn bɛ́ re boe la a kungɔn dɔ a kiwi lɛ lɛnpɛnɛ nɛ, hinlaa a golee kungɔn lɛ a yala koo bǎã kɛ nɛ ma nyɛɛnɛ, gána lɛ a lɛa, màn mɛn bɛ́ toɛ ma baran gána lɛ yu wa. Sɛnɛ, ma min goon din yɛ wa.

Ezekieli 9:9

Á tɔ́n pɛ ma nɛ: – Izirayeli minin laanka Zudaa minin sii baraa lɛ gole kɔ á la yii ni. Kakaarɛbaa gána lɛ pã, mɛnaa kɔn la kiwi lɛ pã. A giala, maǹ pii: «Dɛnaa Lawa gána lɛ toa walan, a yii a màn kɔn ganaa wa.»

Zowɛli 2:9

Maǹ nə́ n diɛ kiwi lɛ gɔ́ɔ̃ la, baa sii kungɔnɔn kɛn la, kikiɛ kionən ne. Maǹ we ka fənɛtərən ne ka wurumunun wɔ bɛ́ lɔn.

Amɔɔsi 8:12

Maǹ die siɛ gána lɛ a gusin a lɛ̀gɔn la ganaa ǹ wo a lɛ̀nyɛɛn li, bɛ kio, ǹ nə n toa a gɔsɛ a lɛ̀gɔn la, ǹ wo a lɛ̀giala li, ǹ baa si ǹ bɔ kànaa ǹ wɔ kànaa, ǹ nə́ giɛ li mà ǹ Lawa a boo lɛ ma, sɛnɛ ǹ ba re miɛ wa.

Zakarii 2:4

Má nɔ̀n da: «Maǹ nə́ daa wàa pɛ?» Á ma lɛ si kɛnɛn: «Maǹ nə́ daa nyɛ́ɛ da gána pàãdɛnan kɛn ganaa ǹ nə́ ǹ ziziɛ̃, ǹ mɛnɛn lɛn nə da Zudaa gána yu. Ǹ nə́ Zudaa a zaman loo paǹ yii li, min kɔn boo la á n gòãn doa ǹ nyɛɛn wa.»

Luku 14:21

«Dí-nyali lɛ wusoo á woo bɛa boon kɛn lɛn pɛ a goledɛnaa nɛ. Kiondɛnaa lɛ foo tɔ́n yoo, á pɛ a dí-nyali lɛ nɛ mà a wo fufuu kiwi lɛ a zaman bǎãn nɛ ka a ziin ni, a da kun ka doobaan nɛ ka bɔlɔkan nɛ ka yii tere-an nɛ ka siməə wolen ne.

Tesaloniki2 2:10

Min mɛnɛn bɛ́ re bɔ̀n biɛ, á re baraabaa zɛnɛɛ a yɔrɔ din tumaa li, a bɛn yiri sã nɛ. Maǹ die bɔ̀n biɛ, a giala, sonbore mɛn bɛ́ ǹ kirisibiɛ, ǹ lɛ kɔ bɛ lɛ ganaa lɛlɛ ǹ nə́ narɛ wa.