Zeremii 2:2 - LAWA A BOO SONBORE

² Wo pɛ Zeruzalɛmu ni: Dɛnaa Lawa a boo á ke: Ma yiri tá n tenmaa waáraa kɛ nɛ. N nə́ n goã doa-n ma-a. N goã ma narɛ san wɔ baa nɛ. N goã koe ma lɛ diə gole ne, bǎã mɛn bɛ́ màn kɔn ná a boe a-n wa.

LAWA A BOO SONBORE 2011

² Wo pɛ Zeruzalɛmu ni: Dɛnaa Lawa a boo á ke: Ma yiri tá n tenmaa waáraa kɛ nɛ. N nə́ n goã doa-n ma-a. N goã ma narɛ san wɔ baa nɛ. N goã koe ma lɛ diə gole ne, bǎã mɛn bɛ́ màn kɔn ná a boe a-n wa.

Zeremii 2:2 Iomraidhean Croise

Loen 129:1

Wo Zeruzalɛmu loe. A kũ maa tenmaa waáraa ganaa, ǹ nə́ bɔ ma yii-n parsiini. Izirayeli minin, ka bɛ lɛ pɛ:

Bɔ bɛ̀rɛbaa nɛ 14:31

Izirayeli nɛnyaanan nə́ Dɛnaa Lawa Pàãyiidɛnaa kɛ a sii nyaa Ezipti minin ni ǹ gɔn yɛ. Zaman lɛ nyɛ́ɛ baa Dɛnaa nɛ. Ǹ nə golee Dɛnaa li, ka Muizu mɛn dɔ bɛ́, a dí-nyali lɛa.

Suusun 1:20

Sii-dɔ̃li nə n lɛ dii zii la. Bǎã dadaran nɛ, a n boo diɛ ka lɛn gole ne.

Loe kɔɔ̃n kɔɔ̃n 3:11

*Siɔn nɛlɔn lɛn, ka da soo ka ga! Ka ga kii Salomɔn ganaa, a ná a kɔn wɔ ǹ bafolo wɔ. Ǹ dan nə bafolo mɛn lɛ kɔ la a kɔn-wɔ pinaa, a foo kɔɔ̃nbaa gole pinaa.

Loe kɔɔ̃n kɔɔ̃n 3:6

Die n ke á soo diə gole li die, gusuũ yui ka tɛmaa bara bɛ́ lɔn? A gìĩ tumaa n *miíri nyɔɔ gìĩ kɔɔ̃n lɛa, da yon gìĩ kɔɔ̃n lɛa, ka pii-kɔlen bɛ́ die ka màn gìĩ kɔɔ̃n tɔrɔ mɛn tumaa nɛ.

Izayii 58:1

Dɛnaa Lawa pɛ: Paraa ka lɛn gole ne, n nyan nə n lɛ tã wa. Toa n lɛn nə bɔ ka bɛn wɔ bɛ́ lɔn! Maa zaman lɛ a sii baraan pɛ ǹ nɛ, n Zakɔba tɔrɔn siɛ̃n pɛ ǹ nɛ.

Zeremii 11:6

Dɛnaa Lawa pɛ ma-n doo: – Lɛ dia n pɛ Zudaa kiwin ni ka Zeruzalɛmu a ziin la ǹ nɛ, n pɛ kɛnɛn: «Ka lɛ kɔ kɔn la ǹ boon kɛn tamaa, ka kɔ ǹ lɛ!

Zeremii 19:2

Bɔ kiɛnlɛ kɛ nɛ ǹ nə́ bíi "dɔnɔn kiɛnlɛ", n wo Inɔn nyankɔrɔ lɛ kɛ nɛ. Ma bɛ́ re boon mɛnɛn pii n ni, n lɛ dɛ ǹ nɛ walan.

Zeremii 2:1

Dɛnaa Lawa boo da ma nɛ, á pɛ:

Zeremii 2:6

Ǹ nɔ̀n da kɛnɛn wa: Dɛnaa Lawa á maa, asɛ mɛn nə wɔ waa Ezipti gána nɛ, á wɔ nyɛɛnaa ǹ bɔ diə gole ne, don lɛa, piɛ̃-n ka nyankɔrɔ nɛ, gána gere lɛa, a n tì, min ná a boe a-n wa, min ná a ba a-n dɔn wa.

Zeremii 3:4

Kanna kəni, ma nə n lɛ dii masɛ ganaa n nə́ pii: «Maa díi, maa tenmaa waáraa a giaára!»

Zeremii 7:2

– Giã Lawa a kion kɛa kiɛnlɛ-a, n lɛ dia, n pɛ kɛnɛn: «Ka n too kɔ Dɛnaa Lawa a da ǹ boo li, Zudaa minin lɛn, kasɛn mɛnɛn bɛ́ boe kiɛnlɛ kɛ nɛ bɛ̀ ka da Dɛnaa Lawa guguru kɔ.»

Ezekieli 16:22

N sii bɔbɔnɛɛ zɛnaa kɛ lɛ tumaa laanka n kɔrɔbaa ǹ siin kɛn lɛn gɔ́ɔ̃ nɛ, n nə n yiri kɔ ka n lɛlɛ ǹ kɛ-n wa. Táa n gɔ̀nɔn kooro na á goã, n goã n din pɛsɛ̃ tán mà li.

Ezekieli 16:60

Sɛnɛ, ma lɛ kɔ kɔn la mɛn wɔ ka n nɛ n tenmaa waáraa, ma á re n yiri koɛ bɛ li. Man die lɛ kɔ kɔn la duduu we ka n nɛ.

Ezekieli 16:8

Bɛ kio, ma bɛ́ má wusoo má bɔ walan doo, má n yɛ. Bɛa biikoo li, bɛ̀ ń dɔ lɔbaa ganaa. Ma tɔ́n maa mɔnaa lɛkoro lɛ bɔ má kɔ n lɛ, má n sìi duru ni. Bɛ kio má n lɛ kɔ n la, má n liɛ n nɛ. Máa n masɛ wɔ baa ka bɛa yɔrɔ lɛ nɛ. Ma din Dɛnaa Lawa a da ǹ boo ne.

Ezekieli 23:19

Á màn da a kɔrɔbaa lɛ li, á minin yiri gisĩ a tenmaa waáraa a kɔrɔbaa kɛ nɛ, a tá Ezipti-n lɛ a biikoo li.

Ezekieli 23:3

Maǹ nə́ goã kɔrɔbaa zɛnɛɛ Ezipti gána nɛ, bɛ̀ ǹ bɛ́ tɔn ten dinin. Maǹ nə́ ǹ foo bii tatama walan, ǹ nə́ n gɔn tatalaa ǹ nyɔn ganaa.

Ezekieli 23:8

A kɔrɔbaa mɛn lɛ giala kɔ Ezipti gána nɛ, a bɛ lɛ da wa. A giala, maǹ nə́ goã giɛ̃ kun ni haalɛ a tenmaa waáraa, ǹ nə́ goã a nɛniɛbaa ǹ nyɔn kɛn kuĩ, bɛ̀ ǹ da naarɛbaa ganaa.

Ozee 11:1

«Má Izirayeli narɛ bɛ̀ a bɛ́ tɔn nɛ ten lɛa má maa nɛgiĩ bíi á bɔ Ezipti gána nɛ.

Ozee 2:15

A wúlu mànan tã Baali ganaa lɛawaan mɛnɛn li ma á re bɛn dɔlɔ boe a ganaa. A na á goã a gɔn ganaa ǹ zanan kɛn laanka a bɔlɔ-a ǹ gii kɛn we, bɛ̀ a baa si a tɔntɔraan lɛn kio. Ma dinmaa ke, a yiri bɔ ka ma nɛ! Dɛnaa Lawa a da ǹ boo ne.

Ozee 2:17

Ma á re wusii ma a rezɛ̃ wuru kɛ kɔ la walan, Koe nyankɔrɔ ke a tɔ n Akɔɔrɔ, ma á re bɛ biɛ foo doa ǹ bǎã lɛa. Á re koe ma lɛ walan ka a nɛniɛmaa waáraa kɛ bɛ́ lɔn, ka a soo Ezipti gána-n biikoo kɛ bɛ́ lɔn.

Ozee 2:7

Ǹ dan lɛ na á kɔrɔbaa zɛnaa. Lɔ mɛn lɛ nə ǹ yɛ, bɛ na á sìi da ǹ sii zɛnaa. A giala, á goã á pɛ kɛnɛn: «Ma n die baa sii maa tɔntɔraan lɛn kio. Ǹsɛn mɛnɛn bɛ maa màn-bii laanka maa mi ǹ mu koe ma la, mɔnaa sonbore laanka gɛ̀sɛ sonbore ne, nyɔɔ laanka duvɛ̃ nɛ.»

Ozee 8:1

Ka bɛn pɛ! Bɔ̀n nə́ n tele á die Dɛnaa Lawa a kion lɛ gialaa, ka giogialatã bɛ́ lɔn. A giala, ǹ nə́ maa lɛ kɔ kɔn la lɛ ziziɛ̃, ǹ nə́ n piã ka maa dí-pɛn kɛn nɛ.

Ozee 9:10

Ka *rezɛ̃ da nɛ bɛ́ lɔn, min yɛ don, man má Izirayeli tɔrɔn lɛn yɛ miɛ̃. Ka gɔ́rɔ da ten a nɛ bibinaa bɛ́ lɔn, man má ka digolon kɛn yɛ miɛ̃. Sɛnɛ, ǹsɛn dinin nə dɔ Baali-Pewɔɔrɔ lɔn gɔrɔ, sii mɛn bɛ́ sìi diɛ, bɛ na á goã ǹ dí lɛa. Ǹ goã dì mɛn narɛ, ǹ dininmaan nə́ bɔbɔnɛɛ kɔ ka bɛa dì kɛ lɛ bɛ́ lɔn.

Zonaasi 1:2

«Yoo, n wo Ninivu kiwi gole kɛ nɛ n paraa ǹ li. A giala, ǹ baraabaa lɛ dɔ yǎa masɛ li.»

Matiə 11:15

Toon bɛ́ ka lon, ka n too kɔ koe!

Luku 12:13

Min goon nə́ n toa zaman lɛ bii á pɛ Yezu ni: «Mìinaa ganaa, a pɛ masɛ gologiĩ ni, mà a wɔsɛn di a kíɛ̃ lɛ gii kɔn ka masɛ nɛ.»

Timəə dí-pɛn 2:7

A giala, kaa Lawa, Dɛnaa Lawa lɛ barka da ka ganaa, kaa nya ǹ dí tumaa gɔ́ɔ̃ nɛ, a din na á ga ka walan. Kaa Lawa, Dɛnaa Lawa lɛ lɛ̀ pusi n ke kun ka nɛ, màn kɔn tɔn nyaabaa ka-a wa.

Timəə dí-pɛn 33:3

Sonbore, Dɛnaa Lawa á minin narɛ, min mɛnɛn bɛ́ a wɔn lɛa, ǹ mɛnɛn bɛ́ woe giɛ̃ tán a li, bɛ̀ ǹ nə n too kɔ a boo li, bɛn lɛn sii na a gɔn.

Timəə dí-pɛn 8:2

Kaa Lawa, Dɛnaa Lawa zii sɔsɔɔ mɛn tɔ wɔ ka nɛ, lɛ̀ pusi don bii, ka n yiri koa bɛ li. A na á fuu nyaa ka nɛ, á n da ka gɔ́ɔ̃ li, màn mɛn bɛ́ toɛ, a ka gɔ́ɔ̃gɔ́ɔ̃ ǹ taasiɛ dɔ̃, bɛ̀ ka á re asɛ a gɔn waa ǹ boon kɛn tamaɛ, hinlaa bɛ̀ ka a re ǹ tamaɛ wa.

Zaaki 4:4

Ka min naarɛn kɛn! Ka a doɛ̃ mà bɛ̀ min kanaa baa giaára lɛa, mà a na á Lawa baa zɔ́ɔ wa? Min mɛn bɛ́ giɛ li mà a kanaa a giaára baa sɛn, bɛa dɛnaa nə n din biɛ Lawa a zɔ́ɔ lɛa.

Sii-nyaan 2:4

Sɛnɛ, ma lɛ bɛ́ n li ka sii mɛn nɛ, bɛ á ke: "N ba ma narɛ doo ka lɛlɛ wɔ bɛ́ lɔn wa.