Zeremii 12:3 - LAWA A BOO SONBORE

³ Sɛnɛ, Dɛnaa Lawa, ń tá ma doɛ̃, ń yii tá ma-a. Ń tá doɛ̃ ma man kunun n ni ka ma foo din tumaa nɛ. Min baraan kɛn kaa para-a ka sèren bɛ́ lɔn, ǹ nə́ woe ǹ bɔlɔ kuri. Ǹ kaa ǹ gɔrɔn dɔlɔ pinaa kɛ taman yii!

LAWA A BOO SONBORE 2011

³ Sɛnɛ, Dɛnaa Lawa, ń tá ma doɛ̃, ń yii tá ma-a. Ń tá doɛ̃ ma man kunun n ni ka ma foo din tumaa nɛ. Min baraan kɛn kaa para-a ka sèren bɛ́ lɔn, ǹ nə́ woe ǹ bɔlɔ kuri. Ǹ kaa ǹ gɔrɔn dɔlɔ pinaa kɛ taman yii!

Zeremii 12:3 Iomraidhean Croise

Kiin2 20:3

«Ee Dɛnaa Lawa, bǐɛ̃ kɔ n nə n yiri gisĩ ka ma nɛ. Má tɔ wɔ n yɔrɔ-a ka bɔlɔgoondɛnaabaa nɛ, ka gɔ́ɔ̃-fubaa nɛ. Ka bɛ dɔ nɛ, sii mɛn bɛ́ siĩni n yii li, má bɛ zɛnaa.» Yii mu gigiã soo Ezekiasi yɔrɔ nɛ.

Zɔbu 23:10

A da yaa, a din tá masɛ a kiɛ̃ ǹ zii doɛ̃. Bɛ̀ á maa sii giala gɔsɛ, man die soe a-n *yoreen ka sana bɛ́ lɔn.

Loen 11:5

Dɛnaa Lawa n min pepere a sii gɔsiɛ. Min baraa nɛ, ka kakaarɛbaa bɛ́ kɔɔ̃n min mɛn ganaa, a n bɛn biɛ zɔ́ɔ.

Loen 139:23

Lawa, ma gɔsɛ, n ma gɔ́ɔ̃ dɔ̃. N da ma gɔ́ɔ̃ li, n maa taasiɛ dɔ̃.

Loen 17:3

N din bɛ́ ń ma gɔ́ɔ̃ gɔsɛ, tèlò-n, ń ga maa sii ganaa, ń nə́ n da ma gɔ́ɔ̃ li, n bɛ́ n màn kɔn yɛ ma-a wa. Ma màn mɛn taasɛ, maa da ǹ boo kiɛ̃ bɛ la wa.

Loen 26:1

Davida a loe. Dɛnaa Lawa, n din kiri kɛ kuru. A giala, maa tɔ wɔ ǹ gɔn tá pepere. Man má n foo doa Dɛnaa Lawa ganaa, ma a re talɛɛ wa.

Loen 7:9

Dɛnaa Lawa, nsɛ mɛn bɛ́ kiri we gánan-a, kiri wɔ ma a lɛa, a giala n din tá doɛ̃, mà ma sii la wa.

Zeremii 15:15

Dɛnaa Lawa, n tá sii tumaa doɛ̃. N yiri koa ma li, n nə n dɔ ma lɛ. Min mɛnɛn bɛ́ baraa zɛnɛɛ ma nɛ, maa gɛ̀ dòo bɔ bɛn ganaa. N nyan toa ma fuu yɛ, n foo á kũ ǹ li kɛa lɛa wa. Toa n kɛ dɔ̃: N din a lɛa nɛ maa sɔn kɛn sii ma ganaa.

Zeremii 17:16

Dɛnaa Lawa, masɛ bie má n laa n ganaa máa n dɔlɔ da ǹ mìi-n wa. N din tá doɛ̃, ma koe taasɛ ǹ paǹ li wa. Ma boo mɛn da, man má da n din yɔrɔ-a.

Zeremii 17:18

Min mɛnɛn bɛ́ boe ma yii ni, sìi nə ǹ kũ, sɛnɛ, a baran masɛ baa wa! Nyɛ́ɛ nə ǹ kũ, sɛnɛ, a baran masɛ baa wa! Dɔlɔ bɔ ǹ ganaa, n nə ǹ ziziɛ̃ lenlen!

Zeremii 20:12

Sɛnɛ, nsɛ Dɛnaa Lawa Pàãyiidɛnaa, kiri pepere wɔle, n nə n min tumaa gɔ́ɔ̃gɔ́ɔ̃ ǹ taasiɛn doɛ̃. N bɛ́ re maa gɛ̀ dòo boe lɔn, ma á re bɛ yii, a giala, man ma sii we n din gɔn.

Zeremii 48:15

Moabu ziziɛ̃, Maǹ we a kiwin kuĩ. Maǹ woe ka a nɛ tenən lɛn nɛ bɔlɔ kuru ǹ bǎã nɛ. Kii ke a tɔ n Dɛnaa Lawa Pàãyiidɛnaa, bɛa da ǹ boo á ke:

Zeremii 50:27

Ka a sɔraasi sonboren tumaa dɛ, ka wo ǹ ne ǹ bɔlɔ kuru ǹ bǎã nɛ! Ǹ wɔ n ka bɔ̀n nɛ, a giala ǹ dɔlɔ bɔ biikoo na á dɔ.

Zeremii 51:4

Ǹ geren tá re goɛ̃ tán Baabilonii gána nɛ, ǹ busulən tá re goɛ̃ tán bǎã yii ni, ziin la.

Zaã a sɛ́wɔ 21:17

A sɔɔbaa ǹ wɔ, á wusoo á pɛ nɛ doo: «ZAÃ a nɛgiĩ Simɔn, n tá masɛ narɛ?» Yezu a wusoo á pɛ Piɛrɛ nɛ kɛ lɛ a gunyin sɔɔbaa ǹ wɔ mà a tá asɛ narɛ ya, bɛ́ Piɛrɛ yɔrɔ kɔsɛ. Á tɔ́n pɛ Yezu ni: «Dɛnaa, n tá sii din tumaa doɛ̃, n tá doɛ̃ mà masɛ tá n narɛ!» Yezu tɔ́n pɛ nɛ: «Ga masɛ a sèren lɛn walan.

Zaaki 5:5

Ka kaa pàãmabaa lɛ zɛnaa kanaa ka a là kaa, siin mɛnɛn bɛ́ kɔɔ̃n ka ganaa, ka bɛn zɛnaa. N bɛ́ tɔɔ toe lɔn a nyɔɔ kɔ bɛ̀ ǹ tɔn dɛ, ka dɔn man ka ka dinin too miɛ̃, ka á kaa wɔ a pinaa duĩ.

Piɛrɛ2 2:12

Sɛnɛ, minin kɛn lɛn manə ǹ sii tumaa zɛnɛɛ ka baãnaabaa nɛ, ka tɔɔn bɛ́ lɔn, tɔɔn mɛnɛn bɛ́ ǹ tan kũ a dɛ a lɛa. Ǹ ba màn mɛn giala miɛ wa, maǹ sɔ koe bɛ ganaa. Maǹ die ǹ dɔn dii ka ǹ bɛ́ tɔɔn dii lɔn.