Zeremii 1:9 - LAWA A BOO SONBORE

⁹ Bɛ kio, Dɛnaa Lawa nə n gɔn saa á da ma lɛ ganaa, á pɛ: «Man maa boo we n lɛ-n.»

LAWA A BOO SONBORE 2011

⁹ Bɛ kio, Dɛnaa Lawa nə n gɔn saa á da ma lɛ ganaa, á pɛ: «Man maa boo we n lɛ-n.»

Zeremii 1:9 Iomraidhean Croise

Izayii 49:2

Á maa boo baa gɔya sa lɛ-bɔle lɛa, Á ma duru a gɔn wúlu li. Á ma baa kiɛ lɛ pɛpɛnɛ lɛa, á ma duru a kòã nɛ.

Izayii 50:4

Ma bɛ́ má kɔnbɔ ma boo mɛn da, ma pàãwɛɛnaa foo taã nɛ, Dɛnaa Lawa n ma darɛɛ bɛ ganaa. Baraabaraa baayɛlɛ, a n ma yii kiɛ, man too kɔ ka kialandɛnaa sonbore bɛ́ lɔn.

Izayii 51:16

Hiĩ, má maa boo wɔ n lɛ-n má n duru ma gɔn wúlu li, masɛ mɛn lon lɛ bɔ, má tán zɛnaa, má pɛ Siɔn nɛ: «Ma n maa zaman lɛa.»

Izayii 59:21

Sɛnɛ masɛ a paǹ li, ma bɛ́ lɛ kɔ kɔn la mɛn we ǹ nɛ, á ke, Dɛnaa Lawa na á pɛ: Ma yiri n ka la. Má maa boo wɔ ka lɛ-n. A n ka dinin wɔ lɛa, kaa nɛnyaanan nɛ, ka kaa nɔ̀ɔnɔn nɛ, sisia yǎa duduu. Ma a re ǹ sii ka la duduu wa. Ma din Dɛnaa Lawa n má pɛ.

Zeremii 15:19

Dɛnaa Lawa boo mɛn da ma nɛ, á ke: Bɛ̀ n wusoo n daa ma li, ma á re wusii ma n saa maa dí ni. Boon mɛnɛn bɛ́ là ba ǹ ganaa wa, bɛ̀ n bɛn toa walan, ń tá boo peperen diɛ, ma á re wusii ma n baa maa boo gii-dali lɛa. Zudaa minin doamaa nɛ ǹ da nsɛ ganaa, sɛnɛ nsɛ doamaa bie n wo ǹ li wa.

Zeremii 34:6

Lawa a boo gii-dali Zeremii woo boo lɛ pɛ Zudaan kii Sedekiasi ni, Zeruzalɛmu.

Zeremii 36:2

«Kanna kəni, sɛ́wɔ munii saa, ki lɛa. Ma boo mɛn tumaa da n nɛ Izirayeli gána a paǹ li, Zudaa gána nɛ ka gána kɔsɔn dɔn nɛ, a kũ Zoziasi a waáraa ganaa a da pelo yaa, n bɛn tumaa kiɛ̃ la.

Zeremii 5:14

Bɛ lɛ nɛ, Dɛnaa Lawa Pàãyiidɛnaa bɛ́ boo mɛn diɛ, á ke: «Ǹ bɛ́ boo diɛ ka kɛa yɔrɔ kɛ nɛ, ma bɛ́ boon mɛnɛn we n lɛ-n Zeremii, bɛ n die goɛ̃ ka tɛ bɛ́ lɔn. Tɔrɔ kɛ n die goɛ̃ ka gɔn bɛ́ lɔn, tɛ n kuĩ.»

Ezekieli 3:10

Á tɔ́n pɛ ma-n doo: Nsɛ minbuiin a nɛ, ma bɛ́ boon mɛnɛn tumaa pii n ni, n too kɔ ǹ li doɛ̃, n nə ǹ gũ n yiri ni.

Minin nimi 23:5

Dɛnaa Lawa tɔ́n boo da, á wɔ Balaamu lɛ-n. Bɛ kio, á pɛ Balaamu ni: «Wusoo n wo Balaaki li, n bɛa boo lɛ pɛ nɛ.»

Matiə 10:19

Bɛ̀ ǹ tá woe ka nɛ kiri kuru ǹ bǎã nɛ, ka baran ǹ gɔ́ɔ̃ bii ka kaa da ǹ boo-n wa, ka baran ǹ gɔ́ɔ̃ bii ka a da ǹ gɔn dɔ-n wa. Ka doamaa bɛ́ nɛ ka boon mɛnɛn da, Lawa á re bɛa boon lɛn koe ka la a din biikoo kɛ lɛ li.

Marki 7:33

Yezu tɔ́n giĩ lɛ dinsɔɔ̃ kũ, á n zɔ̃ á n bɔ zaman ganaa, á n gòonən wɔ a toon ne, á sɛ̀ kaa, á n gɔn da a lɛwɔn ganaa.

Luku 12:12

A giala ka doamaa bɛ́ nɛ, ka màn mɛn da bɛa biikoo kɛ lɛ li, Yiri Fu á die bɛ nyɛɛ ka nɛ.»

Luku 21:15

A giala, masɛ dinmaa lɛ n die boo koe ka la, kaa zɔ́ɔ kɔ́n ná a ba boe la a bɛ liere kɔ wa, masɛ n die yiridɛnaabaa dɔ koe ka la, kaa zɔ́ɔ kɔ́n ná a ba boe la a kaa boo kìi yiɛ wa.

Timəə dí-pɛn 18:16

A giala, ka nɔ̀n da kaa Lawa, Dɛnaa Lawa la ka màn mɛn nɛ, bɛ̀ ka bɛ́ soen kɔn Orɛbu kele la ǹ mɛn pinaa, a din taãn lɛ n ka kɛ nɛ. Ka n ká goã ká pɛ kɛnɛn: «Wɔsɛn ba li wɔ wɔa Lawa, Dɛnaa Lawa lɛ lɛ ma boo diɛ wɔ-n doo wa. Wɔ ba li wɔ wusoo wɔ bɛa tɛ gole kɛ lɛ yɛ doo wa, wɔ ba li wɔ gã wa.»

Timəə dí-pɛn 18:17

Dɛnaa Lawa tɔ́n pɛ ma-n kɛnɛn: «Ka màn mɛn pɛ, á siĩni.

Timəə dí-pɛn 18:18

Masɛ n die Lawa a boo gii-dali goon diɛ ka ma din bɛ́ lɔn, ka dinin tɔrɔn lɛn min goon lɛa. Ma á re maa boo we a lɛ-n. Ma bɛ́ re n gɔn wɛɛ nɛ ka sii woo sii ni, a tá re a tumaa pii ka nɛ.