Zeremii 1:2 - LAWA A BOO SONBORE

² Amɔn a nɛgiĩ Zoziasi a kiibaa lɛ̀ fulusɔɔbaa ǹ wɔ li Zudaa gána mìi la, Dɛnaa Lawa boo da Zeremii ni.

LAWA A BOO SONBORE 2011

² Amɔn a nɛgiĩ Zoziasi a kiibaa lɛ̀ fulusɔɔbaa ǹ wɔ li Zudaa gána mìi la, Dɛnaa Lawa boo da Zeremii ni.

Zeremii 1:2 Iomraidhean Croise

Kiin1 13:2

Dɛnaa Lawa boo da ka a boo gii-dali lɛ-n doo, á n toa wúlu bɔ ǹ bǎã lɛ ganaa ka paraa nɛ: – Wúlu bɔ ǹ bǎã! Wúlu bɔ ǹ bǎã! Dɛnaa Lawa n kɛ pii: «Á ke, nɛginin goon tá re yii Davida a sumu-n, a tɔ n die goɛ̃ Zoziasi. Bɛa Zoziasi lɛ tá re wúlu bɔ ǹ bǎã kɛa wúlu-bɔlen dii la, wúlu-bɔlen mɛnɛn lɛn bɛ́ da yon gìĩ kɔɔ̃n tiɛ̃ la. Zoziasi tá re minbuiin nɛ wen tiɛ̃ la.»

Kiin1 13:20

A ǹ toa giã-n tán màn bii ǹ mɛn wàaraa, Dɛnaa Lawa boo da ka giĩ zizi Lawa a boo gii-dali lɛ nɛ, ǹ mɛn lɛ Lawa a boo gii-dali lɛ lɛ goa á daa nɛ.

Kiin2 21:18

Manaasee gã, ǹ ná a gere bĩ tán a kii kion dù gɔrɔ-n, Uzaa a dù gɔrɔ ke. A nɛgiĩ Amɔn na á kii baa a bǎã nɛ.

Kiin2 21:24

Sɛnɛ min mɛnɛn tumaa kii lɛ bɔ ǹ nə́ daa, gána lɛ a minin nə́ bɛn yii dɛ, ǹ nə́ tɔ́n na a nɛgiĩ Zoziasi koa a bǎã-n kii lɛa.

Kiin2 22:3

Kii Zoziasi lɛ a kiibaa lɛ̀ fulukiwisibaa ǹ wɔ, Asaliya a nɛgiĩ Safan ke sɛ́wɔ kiɛ̃, Mesulaamu a nɔ̀ɔn lɛa, Zoziasi bɛ dia Dɛnaa Lawa a kion, á pɛ nɛ:

Zeremii 1:11

Dɛnaa Lawa boo da ma nɛ, á pɛ: «Zeremii, n yii n wàa ganaa?» Má a lɛ si: «Ma yii n amandie da gùrù ganaa, da mɛn lɛ yii bɛ́ fuu nɛ kɔ li.»

Zeremii 1:4

Dɛnaa Lawa boon mɛnɛn pɛ ma nɛ, ǹ nə́ ke:

Zeremii 25:3

– A kũ Amɔn a nɛgiĩ Zoziasi a kiibaa lɛ̀ fulusɔɔbaa ǹ wɔ ganaa Zudaa gána mìi la a da pelo yaa, man má goã timii la ma á Dɛnaa Lawa a boo diɛ ka nɛ. A lɛ̀ fuəwensɔɔ n ka kɛ nɛ ma á boo diɛ ka nɛ, sɛnɛ, ka n too kɔ ma lon wa.

Zeremii 28:12

Zǔu mɛn goã Lawa a boo gii-dali Zeremii bɔlɔ-a, Lawa a boo gii-dali Anania bɛ́ á bɛ yiɛ, Dɛnaa Lawa boo da ka Zeremii ni á pɛ-n kɛnɛn:

Zeremii 3:6

Kii Zoziasi a biikoo li, Dɛnaa Lawa pɛ ma nɛ: «Izirayeli bɔyaa wole lɛ sii mɛn zɛnaa, ń yɛ? Á woo kele mìi tumaa la, dan giulun, ǹ mɛn tumaa luu bɛ́ tì, á kɔrɔbaa zɛnaa walan.

Zeremii 36:2

«Kanna kəni, sɛ́wɔ munii saa, ki lɛa. Ma boo mɛn tumaa da n nɛ Izirayeli gána a paǹ li, Zudaa gána nɛ ka gána kɔsɔn dɔn nɛ, a kũ Zoziasi a waáraa ganaa a da pelo yaa, n bɛn tumaa kiɛ̃ la.

Ozee 1:1

Kɛ n Dɛnaa Lawa a boo lɛa, á pɛ Beeri a nɛgiĩ Ozee ne, Izirayelin kii Zoasi a nɛgiĩ Zeroboamu a kiibaa biikoo li. A na á kɔnpɛ ka Zudaa gána a kiin kɛn dɔn gogoonmaa a kiibaa biikoo ne: Oziasi wɔ nɛ, Zoatamu wɔ nɛ, ka Ahaazi laanka Ezekiasi wɔ nɛ.

Zowɛli 1:1

Dɛnaa Lawa a boo n ka kɛ nɛ, á pɛ Petuweli a nɛgiĩ Zowɛli ni.

Zonaasi 1:1

Ǹ kɔn pinaa, Dɛnaa Lawa boo da Amitayii a nɛgiĩ Zonaasi ni, á pɛ nɛ:

Misee 1:1

Dɛnaa Lawa a boo n ka kɛ nɛ, á pɛ Moresɛtin Misee ne. Zudaa tɔrɔn kiin kɛn, Zoatamu ni, Ahaazi ni ka Ezekiasi ni, bɛn gogoonmaa a wasa nɛ, Misee sii-nyaa yɛ Samarii laanka Zeruzalɛmu wɔ paǹ li.

Sofonii 1:1

Dɛnaa Lawa bɛ́ boo kɛ diɛ Sofonii ni, bɛ̀ Amɔn a nɛgiĩ Zoziasi n Zudaa gána a kii lɛa. Sofonii n Kuusi a nɛgiĩ lɛa, Kuusi n Gedalia a nɛgiĩ lɛa, Gedalia n Amariya a nɛgiĩ lɛa, Amariya dɔn Ezekiasi a nɛgiĩ lɛa.