Zakarii 1:4 - LAWA A BOO SONBORE

⁴ Ka nyan ka digolon lɛn zɔɔ̃ wa. Lɛlɛ, maa boo gii-dalin nə́ boo da ǹ nɛ, mà ǹ nə ǹ giã ǹ gɔn baraa kɛ kaa, kɔnlɛ ka ǹ sii bɔnɛɛ zɛnaan kɛn nɛ. Sɛnɛ, ǹ nə n too kɔ ma lon wa, ǹ nə n yiri koa ma li wa. Dɛnaa Lawa a da ǹ boo ne.

LAWA A BOO SONBORE 2011

⁴ Ka nyan ka digolon lɛn zɔɔ̃ wa. Lɛlɛ, maa boo gii-dalin nə́ boo da ǹ nɛ, mà ǹ nə ǹ giã ǹ gɔn baraa kɛ kaa, kɔnlɛ ka ǹ sii bɔnɛɛ zɛnaan kɛn nɛ. Sɛnɛ, ǹ nə n too kɔ ma lon wa, ǹ nə n yiri koa ma li wa. Dɛnaa Lawa a da ǹ boo ne.

Zakarii 1:4 Iomraidhean Croise

KZS2 30:6

Dia dí-a wolen lɛn nə́ woo Izirayeli ka Zudaa gánan nɛ ka sɛ́wɔn lɛn nɛ kii gɔn nɔɔ n la ka zaman nyɛɛnaandɛnan wɔ nɛ. Ká kii pɛ ǹ nɛ lɔn, ǹ nə́ pɛ kɛnɛn: «Izirayeli minin lɛn, kasɛn mɛnɛn nə n si Asiiriin kii a pàã la, ka wusoo ka da Dɛnaa Lawa li, Abrahamu, Izaaki ka Zakɔba a Lawa ke, á re wusii a da ka li.

KZS2 30:7

Ka nyan kɔ ka din laanka ka dɔɔ̃nɔn lɛn zɛnaa ǹ siin lɛ wa. Ǹ bɔlɔgoondɛnan baa Dɛnaa Lawa, ǹ digolon Lawa-n wa, á bɔ̀n da ǹ ganaa ka ka yii bɛ́ a ganaa lɔn.

KZS2 34:21

«Ka wo nɔ̀n da Dɛnaa Lawa la maa lɛa, kɔnlɛ ka Izirayeli laanka Zudaa a zaman gialakun kɛ nɛ. Ka nɔ̀n da ka sɛ́wɔ kɛa boon ne wɔ́ yɛ sisia. Taãn nɛ, wɔ digolon nə kɔ a boon lɛ wa. Boo mɛn bɛ́ kiɛ̃ nɛ sɛ́wɔ kɛ nɛ, ǹ kɔ bɛ lɛ wa. Bɛ lɛ nɛ, Dɛnaa Lawa foo doamaa nɛ a n yui wɔ li taãn-taãnɛ.»

Ɛsidrasi 9:7

A kũ wɔ digolon biikoo kɛ ganaa, zɛ̀rɛ gole n wɔ ganaa, yǎa á daa pelo kɛ yaa. Wɔa sii baraan taman yii, wɔsɛn nɛ, wɔa kiin ni, ka wɔa Lawa a wúlu-bɔlen ne, kanaa a kiin nə́ pàã nyaa wɔ nɛ, ǹ nə́ zia da wɔ-a, ǹ nə́ wɔ baa bɛ̀rɛn lɛa, ǹ nə́ wɔa mànan kokoo, ǹ nə́ sìi da wɔ-a, sìi mɛn lɛ á ke tɔn wɔ gialaa pelo.

Nehemii 9:16

Sɛnɛ wɔ digolon lɛn nə́ n dinin gole kɔ, ǹ nə́ n too laa, ǹ nə n too kɔ ǹ gɔn waa ǹ boon lɛn ganaa wa.

Nehemii 9:26

Sɛnɛ, ǹ nə́ n kurəə ǹ nə́ n gòãn dii n ganaa, ǹ nə́ n dí-pɛ lɛ da ǹ gɔn dɔ̀ɔ̃ nɛ. N boo gii-dalin mɛnɛn dɔn nə goã miɛ ǹ ganaa mà ǹ wusoo ǹ da n ganaa, ǹ nə́ bɛn dɛ, ǹ nə́ sã dadaran wɔ.

Nehemii 9:30

Ń nə́ ǹ sii si n ganaa lɛ̀ damata gɔ́ɔ̃ nɛ, ń nə́ n din yiri kɛ kɔ n boo gii-dalin la, bɛn nə́ goã miɛ ǹ ganaa. Sɛnɛ ǹ dɔ̃ mà boo-n wa. Ń tɔ́n nə ǹ wɔ gána kɔsɔn minin gɔn.

Loen 78:8

Ǹ baran n baa ka ǹ digolon kɛn bɛ́ lɔn wa. Tɔrɔ too kaka-a, piã-wɔlen manɛ. Ǹ yiri n paa, ǹ ba n foo doɛ Lawa ganaa wa.

Izayii 31:6

Izirayeli minin lɛn, ká n dɔ̀ɔ̃ wɔ Dɛnaa Lawa nɛ taãn-taãnɛ. Ka wusoo ka da a li.

Zeremii 18:11

Kanna kəni Zeremii, boo da Zudaa minin laanka Zeruzalɛmu minin ni n pɛ ǹ nɛ: – Dɛnaa Lawa n kɛ pii: «Á ke, man dɔlɔ yɔrɔ boe kaa wɔ lɛa. Man koe lɛ boe die-n ka ganaa. Didie doamaa nɛ a na a taasiɛ baraan kaa. Hiĩ, ka kaa giã ǹ gɔn laanka kaa zɛnaa ǹ siin bɔyaa.»

Zeremii 23:22

Bɛ̀ maǹ maa sii yɔrɔ bɔn kɛn siére-a, bɛ̀ ǹ ná a boo da maa zaman nɛ. Ǹ giã ǹ gɔn baraa laanka ǹ sii baraan kɛn, bɛ̀ ǹ nə́ bɛn toa walan.

Zeremii 25:8

Á bǐɛ̃ kɔ! Dɛnaa Lawa Pàãyiidɛnaa n kɛ pii: «Ka bɛ ka n too kɔ maa da ǹ boon li wa,

Zeremii 26:5

Ka n too kɔ maa dí-nyali, Lawa a boo gii-dalin kɛn lon. Má goã má ǹ dia ka la gunyin damata sɛnɛ, ka n too kɔ ǹ lon wa.

Zeremii 3:12

Wo n lɛ dɛ ka boon kɛn nɛ gɔsɛ a lɛ̀gɔn la: «Wusoo n daa Izirayeli bɔyaa wole! Dɛnaa Lawa a da ǹ boo ne. Ma a re n yɔrɔ baraa diɛ n la doo wa. A giala, maa makara-doɛ̃ á gole. Ma foo á re goɛ̃ yoo ne n li duduu wa. Ma din Dɛnaa Lawa a da ǹ boo ne.

Zeremii 3:14

«Ka wusoo ka daa nɛnyaan bɔyaa wolen! Dɛnaa Lawa a da ǹ boo ne. Kaa Dɛnaa n ka masɛ nɛ. Ma á re ka kuĩ gogoon kiwi kɛ nɛ, papaa tɔrɔn kɛn bii, ma da ka nɛ *Siɔn kiwi.

Zeremii 35:15

Biikoo tumaa li, má maa dí-nyalin maa Lawa a boo gii-dalin dia ka la. Kɔn kio ganaa, maǹ nə́ goã pii ka nɛ: «Didie tumaa na a giã ǹ gɔn baraa kaa. Ka sii zɛnaa a yɔrɔ li. Ka nyan kɔ dì kɔsɔn lɛ ka ǹ guguru kɔ wa. Ma gána mɛn kɔ ka laanka ka digolon la, ka á re boe la ka giã bɛ-n kəni.» Sɛnɛ, ka n too da wa, ka n too kɔ ma lon wa.

Zeremii 4:1

Izirayeli, bɛ̀ n wusoo ń daa, n doamaa nɛ n wusoo n da masɛ li. N màn nyín bɔbɔnɛɛn kɛn, bɛn bɔ n nə ǹ bɔ n yɔrɔ-a, n ba re n bibiĩ n mìi gialaa doo wa.

Zeremii 44:16

«Ń bɛ́ mà n man boo diɛ wɔ nɛ ka Dɛnaa Lawa tɔ nɛ, wɔsɛn ba re n too koe n lon wa.

Ezekieli 14:6

Bɛ lɛ taman yii, a pɛ Izirayeli tɔrɔn lɛn manɛ, mà masɛ Dɛnaa Lawa n kɛ pii: «Ka wusoo ka daa, ka n bɔ dìn kɛn wɔlɔ li. Ka n yii saa ka bɔ bɛa sii bɔbɔnɛɛn kɛn la.»

Ezekieli 20:18

Má kɛ pɛ ǹ nɛnyaanan manɛ don lɛ nɛ: «Ka baran kɔ ka digolen landa siin kɛn lɛ wa, ka baran ǹ sii zɛnaa ǹ gɔn saa wa, ka baran ǹ dìn kɛn guguru kɔ, ka *gɔ̀ da ka dinin ganaa wa.

Ezekieli 33:11

A pɛ ǹ nɛ mà masɛ Dɛnaa Lawa n kɛ pii: «A ma toa maa yii n koo, min baraa a gɛ̀ bie kɔɔ̃nɛ ma ganaa wa. Sɛnɛ, man li, min baraa wusoo a zɛnaa ǹ sii kio a yii boo la a goã koo. Bɛ lɛ nɛ, ma á ka nyankoe, ka wusoo kaa sii baraan lɛn kio. Izirayeli tɔrɔn lɛn, wàa na á baa ka n die toɛ gɛ̀ ka dɛ kooro?»

Ezekieli 33:4

Bɛ̀ min mɛn bɛa bɛn lɛ wuu ma, a ná a gɔn-waa lɛ si wa, bɛ̀ ǹ dɛnaa toa zɔ́ɔn nə́ daa tɔwaa ǹ nə́ dɛ, man die a gɛ̀ lɛ a sii diɛ a din mìi ni.

Ozee 14:1

Samarii minin doamaa nɛ ǹ nə n sii baraa giɔ̀mɔ saraa, a giala maǹ nə́ n piã ka ǹ Lawa nɛ. Zia á re ǹ dii ǹ gã, ǹ tá re ǹ nɛ tiɛɛ̃nɛn yɔyɔrɛ, ǹ tá re ǹ lɔ nɔ̀naan nɔ̀ wɔsɛ.

Amɔɔsi 5:24

Sɛnɛ ka toa kiri kiɛ̃ a zii li ka mu bɛ́ lɔn. Ka toa kaa sii pepere zɛnaa goã ka tà mu bɛ́ lɔn, a ná a nyɛɛ wa.

Misee 2:6

Gialakunun mà yǎa man lɛ tiɛ̃, mà ma din a pɛ ke, mà sìi á die ǹsɛn kuĩ, mà baãnaabaa ǹ boo ne.

Zakarii 7:7

Lɛlɛ, Lawa a boo gii-dalin nə́ goã ǹ nə́ gɔn waa boon kɛn miãn da ka Dɛnaa Lawa tɔ nɛ. Bɛa biikoo li, Zeruzalɛmu laanka a lɛkoro-a kiwi tumaa goã yii-nyɛɛ la. Minin nə́ goã giã nɛ Negɛvu gána nɛ ka *Sefelaa gána kɛ nɛ.

Nya ǹ dín 26:20

Man má Lawa a boo pɛ bǎã tumaa nɛ, Damaasi kiwi bɔrɔ, bɛ kio Zeruzalɛmu kiwi, ka Zudee gána din tumaa nɛ, ma tɔ́n daa dɔ tɔrɔ kɔsɔn ganaa. Man má pɛ máa minin nə n taasɛ, ǹ wusoo ǹ sii baraan kio, ǹ golee Lawa li, ǹ dí nya màn mɛn nə́ nyɛɛ, maǹ nə́ wusoo n sii baraan kio.

Nya ǹ dín 3:19

Ka wusoo kaa sii baraan kio ka da Lawa ganaa, màn mɛn bɛ́ toɛ, Lawa kaa sii baraan tuturu.

Piɛrɛ1 1:18

Ka á doɛ̃ mà ka tɔ wɔ ǹ gɔn mɛn saa ka digolon la, mà Lawa bie á ka bɔ bɛa tɔ wɔ ǹ gɔn kooro kɛ lɛ nɛ ka màn nya wolen ne wa. Kaa bɔ ǹ giɔ̀mɔ lɛ bie wɔrɔ lɛa wa, sana dɔ bie wa.