Timote2 4:3 - LAWA A BOO SONBORE

³ A giala, biikoo kɔ́n tá re die, minin tɛnɛn ba re lɛ koe, ǹ nə n too kɔ daraa ǹ boo sonbore kɛ ganaa doo wa. Sɛnɛ, ǹ tá re n siɛ ǹ dinin foo sii baraa li, ǹ minin-daraali gigiã lɛ sɔkɔn ǹ dinin li. Boo mɛn bɛ́ kɔɔ̃nɛ ǹ dinin too ne, bɛn tá re bɛ pii ǹ ni.

LAWA A BOO SONBORE 2011

³ A giala, biikoo kɔ́n tá re die, minin tɛnɛn ba re lɛ koe, ǹ nə n too kɔ daraa ǹ boo sonbore kɛ ganaa doo wa. Sɛnɛ, ǹ tá re n siɛ ǹ dinin foo sii baraa li, ǹ minin-daraali gigiã lɛ sɔkɔn ǹ dinin li. Boo mɛn bɛ́ kɔɔ̃nɛ ǹ dinin too ne, bɛn tá re bɛ pii ǹ ni.

Timote2 4:3 Iomraidhean Croise

Kiin1 18:22

Yilii tɔ́n pɛ zaman lɛ nɛ: «Masɛ dinsɔɔ̃ n Lawa a boo gii-dali lɛa, má n tɔn ma tan, a da yaa, Baali a wúlu-bɔlen man biɛcsii ka posooro.

Kiin1 22:18

Izirayeli a kii lɛ tɔ́n pɛ Zozafati ni: «Ma pɛ n nɛ wa? Misee bie Lawa a boo gii-dali baa ǹ boo kɔɔ̃n diɛ masɛ wɔ paǹ li wa, yǎa a baraa.»

Kiin1 22:8

Izirayeli gána a kii lɛ pɛ Zozafati nɛ: Giĩ goon tá tɔn a tan, min nə́ boe la a n doa a ganaa a nɔ̀n da Dɛnaa Lawa la. Sɛnɛ bɛa giĩ lɛ sii ba masɛ ganaa wa, a giala, a ba Lawa a boo gii-dalibaa ǹ boo kɔɔ̃n pii masɛ wɔ paǹ li wa, yǎa a baraa dinsɔsɔɔ̃. Yimulaa a nɛgiĩ Misee ne. Zozafati nə́ n toa mà kii lɛ baran pɛ miɛ̃ wa.

Bɔ bɛ̀rɛbaa nɛ 32:33

Dɛnaa ná a lɛ si: «Haayii, ma ba n tɔ tuturi wa! Min mɛnɛn nə sã masɛ ganaa, man bɛa dɛnan dininsɔɔ̃nɔn tɔ tuturi, ma bɔ maa sɛ́wɔ nɛ.

Izayii 28:12

A da yaa, á pɛ ǹ nɛ: «Kànaa n bǎã kiĩn lɛa. Min mɛn nɔmaa, ka toa bɛa dɛnaa nə n susu. Kànaa n bǎã kiĩn lɛa.» Sɛnɛ, ǹ lɛ kɔ ǹ nə́ n too kɔ wa.

Izayii 30:10

Maǹ pii sii-nyaalin manɛ: «Ka nyan sii-nyaa yɛ doo wa.» Maǹ pii Lawa a boo gii-dalin manɛ: «Ka nyan Lawa a boo gii da wɔ-n doo wa. Boo mɛn bɛ́ sonbore lɛa, ka nyan bɛ pɛ wɔ-n doo wa. Boo mɛn bɛ́ kɔɔ̃n wɔ too ne, haalɛ ta a n soɛ lɛa, ka bɛ pɛ wɔ nɛ.»

Zeremii 18:18

Minin man pii: «Ka daa wɔ boo wɔ kɔn Zeremii ganaa! Wɔa foɛ̃ Lawa a wúlu-bɔle li a wɔ daraa dí-pɛn ganaa wa, hinlaa sii-dɔ̃li li a yiri kɔ wɔ la wa. Wɔa foɛ̃ Lawa a boo gii-dali li a Lawa a boo da wɔ-n wa. Ka wɔ n tan, wɔ yoo a gialaa, wɔ boo baraa da a ganaa. Wɔ nyan nə n too kɔ a da ǹ boon li wa!»

Zeremii 27:9

Kasɛn, ka nyan nə n too kɔ kaa Lawa a boo gii-dalin lon wa, ǹ mɛnɛn bɛ́ biɛ̃ ǹ pii, narɛɛ giala-pɛlen ne, lon gɔ̀nɔn ganaa pɛlen ne, ka kɔ́lɔnbaalin ni. Maǹ pii ka nɛ, mà ka a re goɛ̃ Baabiloniin kii a pàã kɛ giulun wa.

Zeremii 29:8

Dɛnaa Lawa Pàãyiidɛnaa, Izirayeli a Lawa n kɛ pii: «Lawa a boo gii-dalin kɛn ka bii ka biɛ̃ ǹ pɛlen kɛn nɛ, ka nyan toa ǹ ka sã wa. Ka bɛ narɛɛn mɛnɛn we, ka nyan nə n saa bɛn li wa.

Zeremii 5:31

Lawa a boo gii-dalin man soɛ boon didiɛ, Lawa a wúlu-bɔlen manə n gɔn kuĩ ǹ pàã ganaa. Maa zaman dɔ ǹ lɛ koe bɛ lɛ ganaa! Sɛnɛ bɛ kio, ka ǹ die wàa zɛnɛɛ?

Misee 2:11

Min mɛn bɛ́ re die boo kooro diɛ ka nɛ, a soɛ bɔ ka nɛ, mà ka á die duvɛ̃ laanka yɔ kakaarɛ yii, táa ka n giɛ bɛ miã min lɛ li. Sɛnɛ min tɛnɛn maǹ baãnaabaa ǹ boo kɛ diɛ zaman lɛ nɛ:

Luku 20:19

Landa sii-daraalin laanka wúlu-bɔlen goledɛnan nə́ dɔ̃, mà Yezu na á boo giməə kɛ lɛ da ǹsɛn ganaa. Bɛ lɛ tamaa yii, maǹ nə́ goã giɛ li ǹ kũ bɛa bǎã kɛ lɛ nɛ, sɛnɛ, maǹ nə́ nyɛ́ɛ baa zaman nɛ.

Luku 6:26

«Kasɛn mɛnɛn bɛ́ min tumaa tá ka tɔ bǐɛ̃ pii, bɔ̀ndɛnan man ka kasɛn nɛ, min mɛnɛn bɛ́ ǹ nə́ goã n dinin biɛ Lawa a boo gii-dalin lɛa, a da yaa soɛ nɛ, minin kɛn lɛn díin man nə́ goã bɛn kuĩ bɛa gɔn kɛ lɛ la.»

Zaã a sɛ́wɔ 8:45

Sɛnɛ, masɛ bɛ́ sonbore pii, bɛ lɛ nɛ ka ba golee ma li wa.

Nya ǹ dín 17:21

Atɛni minin lɛn laanka tiin mɛnɛn bɛ́ ǹ li, man biikoo gole siɛ sii diin laakalaa ganaa, ka too kɔ ǹ ganaa nɛ.

Korɛnti1 2:1

Ma dɔɔ̃nɔn lɛn, masɛ dinmaa bɛ́ ma daa ka li, ma bie ma Lawa a sii-durii kɛ laakalaa ka nɛ, ka boo dadaran nɛ, ka sii-doɛ̃-n wa.

Korɛnti1 2:4

Maa boo ne, ka maa laakalaa ǹ gɔn nɛ, ǹ kɔ́n goã sii-dɔ̃ ǹ lɛ gɔ́ɔ̃ boo lɛa wa. Sɛnɛ, Yiri Fu pàã màn mɛn kɔ ma la, man má bɛ dinsɔɔ̃ a sii nyaa ka nɛ.

Galaasi minin 4:16

Sɛnɛ kanna, ma taãn mɛn lɛ pɛ ka nɛ, bɛ n ma biɛ kaa zɔ́ɔ lɛa?

Timote1 1:10

A na á n koa dɔn naarɛbaalin taman yii, ka giĩ ga kɔn li wolen ne, bɛ̀rɛ-sãlin ni, soɛ-bɔlen ne. Min mɛnɛn bɛ́ n lɛ koe ka sii ni, bɛ̀ ǹ wusoo ǹ kio, bɛn nɛ ka min mɛnɛn tumaa bɛ́, ǹ zɛnaa ǹ sii a kɔnpii ka daraa sonbore kɛ-n wa.

Timote2 1:13

N boo sonboren mɛnɛn ma ma lɛ-n, kɔ bɛn lɛn lɛ sii yɔrɔ nyaa ǹ siin lɛa. Goleemali laanka kɔn-narɛɛ mɛn bɛ́ wɔ lon, wɔa tá kun ka Yezu Krita-n lɛ gɔ́ɔ̃ nɛ, toa bɛn nə goã.

Zude 1:18

Ǹ nə́ goã ǹ nə́ pɛ ka nɛ, mà bɛ̀ giala-nyɔmiɛ biikoon nə́ dɔ, mà minin tá re die, ǹ ka da yaa lɛa, ǹ tɔ wɔ a kɔnpɛ ǹ dinin dùũ sii babaraan kɛn nɛ.