Timote2 4:18 - LAWA A BOO SONBORE

¹⁸ Dɛnaa din tá re ma sii sii baraa tumaa la, á re ma kirisibiɛ, a ma da a lon a kiibaa ǹ bǎã kɛ nɛ. Gugurubaa na a din wɔ lɛa biikoo tumaa li! A n miɛ̃.

LAWA A BOO SONBORE 2011

¹⁸ Dɛnaa din tá re ma sii sii baraa tumaa la, á re ma kirisibiɛ, a ma da a lon a kiibaa ǹ bǎã kɛ nɛ. Gugurubaa na a din wɔ lɛa biikoo tumaa li! A n miɛ̃.

Timote2 4:18 Iomraidhean Croise

Siin Giala 48:16

Lon a dia dí-a wole mɛn bɛ́, á ma kirisibaa sii baraa tumaa ganaa, a din die a barka da nɛgininin kɛn ganaa. Lawa toa ma tɔ nə n bíi ka ǹsɛn lɛn barka nɛ, ka ma di gole Abrahamu laanka ma di Izaaki wɔ bɛ́ n bíi lɔn. Lawa die a n tɔrɔ mɔnaa gána lɛ nɛ.

KZS1 4:10

Zaabɛsi lɛ Lawa nyankɔ á pɛ: «Izirayeli a Lawa, bǐɛ̃ kɔ n barka da ma ganaa, màn da maa bǎã li a gole kɔ, ma tamaa, n koe laanka fuu wɔlɔ lui ma ganaa.» A màn mɛn lɛ nyankɔ, Lawa bɛ kɔ la.

Loen 121:7

Dɛnaa Lawa á re n kanbiɛ sii baraa tumaa ganaa, á re n lɛduĩ.

Loen 37:28

A giala, peperebaa n kɔɔ̃n Dɛnaa Lawa ganaa. Dɛnaa Lawa ba a minin kiɛ wa, a n giɛ ǹ walan baraabaraa. Sɛnɛ, min baraa tɔrɔn kɛn, á re bɛn wɛɛ a ǹ bɔ gána lɛ nɛ.

Loen 73:24

N din nə ma nyɛɛnaan boe, á kɔnpii ka n sii yɔrɔ bɔ nɛ. Bɛ kio, n din nə die ma siɛ ka gugurubaa nɛ.

Loen 92:10

Dɛnaa Lawa, n zɔ́ɔn kɛn kaa, n zɔ́ɔn kɛn man die bɔ̀n biɛ, baraa-zɛnaalin kɛn tumaa á re sasawɛɛ.

Suusun 14:32

Min baraa a baraabaa nə n bɔyɛɛ a kirəə a din la. Sɛnɛ, ta gɛ̀ biikoo ne, min pepere foo n doa nɛ.

Matiə 13:43

Sɛnɛ, min peperen tá re tɛ pii ka wasa bɛ́ lɔn ǹ Díi Lawa a kiibaa ǹ bǎã kɛ nɛ. Toon bɛ́ ka lon, ka n too kɔ.

Matiə 25:34

Kii lɛ á die pii a gusin-dɛnan lɛn manɛ: «Ma Di Lawa barka da kasɛn mɛnɛn ganaa, á kiibaa ǹ bǎã zɛnaa á koa ka nɛ haalɛ kanaa a giala kɔ waáraa, ka da giã kaa bǎã nɛ.

Matiə 6:13

Sii mɛn bɛ́ damagɔ́ɔ̃li ǹ sii lɛa, bɛ wɔlɔ lui wɔ ganaa, sɛnɛ, wɔ kanbaa baraa ganaa. [A giala kiibaa nɛ, pàã nɛ ka gugurubaa nɛ, bɛn manə n din wɔ lɛa miɛ̃, yǎa duduu. A n miɛ̃.]

Luku 11:4

Wɔa sii baraan toa wɔ nɛ, a giala wɔ dɔn dininmaan tá wɔ miãn tumaa zɛ̀rɛn toɛ ǹ nɛ. Sii mɛn bɛ́ damagɔ́ɔ̃li ǹ sii lɛa, bɛ wɔlɔ lui wɔ ganaa.»

Luku 12:32

«Kasɛn, sèren kuru boɛɛn, nyɛ́ɛ nyan ka kũ wa, a na á kɔɔ̃n kɔ kaa Díi ganaa, a kiibaa ǹ bǎã kɔ ka la.

Luku 22:29

Maa Díi Lawa bɛ́ á kiibaa kɔ ma la lɔn, ma dɔ n die kiibaa koe ka la miɛ̃.

Zaã a sɛ́wɔ 17:15

Ma bie n nyankoe, máa n nə ǹ bɔ n nə ǹ bɔ kanaa lɛ gɔ́ɔ̃-n wa, sɛnɛ, máa n nə ǹ kanbaa *Sɛtaan Baraa kɛ ganaa.

Rɔmu minin 11:36

A giala, màn tumaa n boe a din ni, a tumaa na a tan a din barka nɛ, a tumaa na a tan a din a lɛa. Lawa die a goã guguru miɛ̃ yǎa duduu. A n miɛ̃!

Rɔmu minin 16:27

Lawa goon toto mɛn dinsɔɔ̃ bɛ́ sii-dɔ̃li lɛa, gugurubaa n bɛ wɔ lɛa yǎa duuduu! A n miɛ̃.

Korɛnti1 1:21

Sonbore, kanaa minin nə boo la, ka ǹ dinin sii-doɛ̃ kɛ barka nɛ, ǹ nə́ Lawa a sii-doɛ̃ kɛ giala ma wa. Wɔ bɛ́ dí mɛn pii ka nɛ Yezu a gɛ̀ wɔ gɔn la, a n gàãnaabaa lɛa kanaa minin yii li, a da yaa Lawa golee la, mà min mɛnɛn bɛ́ golee bɛa gàãnaabaa ǹ dí kɛ lɛ li, mà á re bɛn kirisibiɛ.

Korɛnti1 10:13

Ka damagɔ́ɔ̃li ǹ siin mɛnɛn yɛ, bɛn man nə́ n zɛnaa minbuiinin man miɛ̃ lɛlɛndun. Lawa n bɔlɔgoondɛnaa lɛa. A re toɛ damagɔ́ɔ̃li la ka pàã yii-n wa. A din tá re pàã koe ka la, ka boo la ka damagɔ́ɔ̃li lɛ si ka ganaa, ka tɔn pàã yɛ ka soo a nɛ.

Korɛnti1 15:50

Ma dɔɔ̃nɔn lɛn, ma bɛ́ boo mɛn pii ka nɛ, bɛ á ke: màn mɛn nə n zɛnaa siĩ lɛa ka mà nɛ, bɛ gii ba *Lawa a kiibaa ǹ bǎã-n wa. Màn mɛn dɔ bɛ́ giɛ̃, bɛ gii ba nyin nyabaã kɛ-n ma.

Korɛnti2 1:10

A din na á ma kirisibaa bɛ miã gɛ̀ kɛ lɛ ganaa. Á re ma kirisibiɛ doo dinin. Hiĩ, man má n foo doa a din lɛ ganaa, á tɔn die ma kirisibiɛ doo.

Galaasi minin 1:5

Tɔ golebaa die a goã a din wɔ lɛa yǎa duduu. A n miɛ̃.

Tesaloniki1 5:23

Lawa dinmaa mɛn bɛ́ là nyantoro koe, a din die a toa ka a wɔn baa ka ka paǹ yii ni. Ka yiri ni, ka telenboen laanka ka gɔ̀nɔn tumaa nə n tamaa sɔnbɔraanɛ, zɛ̀rɛ baran goã ka ganaa wɔa Dɛnaa Yezu Krita a daa pinaa wa.

Tesaloniki2 3:3

Dɛnaa n bɔlɔgoondɛnaa lɛa. A din tá re n doe ka lɛ, a ka kanbaa *Sɛtaan baraa kɛ ganaa.

Timote1 1:17

Lawa mɛn bɛ́ kii lɛa biikoo tumaa li, asɛ mɛn bɛ́ a giɛ̃ wa, min yii ná a yii wa, Lawa goon toto lɛa, gugurubaa laanka siĩnbaa na a wɔ lɛa biikoo tumaa li yǎa duduu. A n miɛ̃.

Timote1 6:16

A dinsɔɔ̃ na a giɛ̃ wa. A din lɛ n giã-n wɔlɔ fúlu li, min ná a boe la á n mɔrɛ wɔlɔ fúlu mɛn ganaa wa. A din lɛ nɛ, min kɔ́n yii tɔn yɛ wa, min dɔ yii a boe la á yii wa. Gugurubaa laanka pàã mɛn bɛ́ a tan yǎa duduu, bɛn man nə́ goã a din ni. A n miɛ̃.

Timote2 1:12

Bɛ lɛ na á toa, ma á nɔmaan kɛn sii ma ganaa. Sɛnɛ, bɛa ma foo biɛ niɛ̃ wa, a giala, ma bɛ́ má n foo doa min mɛn ganaa, ma á bɛ doɛ̃. A boo mɛn koa ma li, má waa la dɔn, máa pàã tá a lon, a bɛ tamaa yǎa a din a daa pinaa.

Timote2 4:1

Man boo kɛ pii n ni, ma á laɛ n ganaa Lawa laanka Yezu *Krita yɔrɔ-a, Yezu mɛn bɛ́ re kiri kuri yiikoonaan laanka geren la. A din lɛ n wusii die kii lɛa.

Ebrəə 11:16

Sonbore, maǹ nə́ goã giɛ dikion li, màn mɛn bɛ́ soɛ ǹ miãn manɛ, bɛ giala, mà lon wɔ ke. Bɛ lɛ nɛ, bɛ̀ bɛa minin kɛn lɛn tá Lawa bíi, mà ǹsɛn Lawa, a ba sìi lɛa a ganaa wa. Á kiwi zɛnaa ǹ nɛ dinin.

Ebrəə 12:22

Sɛnɛ, kasɛn man ká n mɔrɔ *Siɔn kele kɛ ganaa, ka Lawa yiikoonaa a kiwi kɛ nɛ, Lon a Zeruzalɛmu ke, ka a lon a dia dí-a wole duu damata kɛ nɛ.

Ebrəə 13:21

máa a die a pàã kɔ ka la, ka boo la ka a din dùũ sii sonbore kɛ yii zɛnaa. A din die a na a din dùũ siin zɛnaa wɔsɛn ganaa, ka Yezu Krita barka nɛ. Gugurubaa goã a din wɔ lɛa yǎa duduu! A n miɛ̃.

Zaaki 2:5

Ka n too kɔ, ma dɔɔ̃n narɛɛ wolen lɛn. Min mɛnɛn bɛ́ doobaan lɛa kanaa minin yii li, Lawa na á bɛn lɛn bɔ, mà ǹ pàãman baa goleemali gɔ́ɔ̃ nɛ, ǹ Lawa a piɛ dɔ yɛ. Lawa na á n lɛ kɔ, mà á die bɛ lɛ koe a narɛɛ wolen la.

Piɛrɛ1 1:5

Maǹ koa-n ka dinin manɛ. Bɛ̀ ka á golee-n Lawa li, a din tá re ka tamaɛ ká a din pàã nɛ, màn mɛn bɛ́ toɛ, ka kirisibaa yɛ giala-nyɔmiɛ biikoo li, giala-nyɔmiɛ biikoo mɛn bɛ́ die kànaa ka boɛɛn nɛ.

Piɛrɛ1 5:11

Mìinaabaa na a din wɔ lɛa yǎa duduu. A n miɛ̃!

Piɛrɛ2 1:11

Sonbore, wɔa Dɛnaa laanka wɔ Nyin-sili Yezu Krita a kiibaa ǹ bǎã kɛ a kiɛnlɛ á re n buĩ ka nɛ. Kiibaa ǹ bǎã mɛn bɛ́ a nyɛɛ duduu wa, ka á re we bɛ nɛ, a ka kũ doɛ̃ sɔnbɔraanɛ.

Piɛrɛ2 3:18

Sɛnɛ, wɔa Dɛnaa laanka wɔ Nyin-sili Yezu *Krita bɛ́ bǐɛ̃ mɛn zɛnɛɛ ka nɛ, ka toa ka wo nyɛɛn bɛ gɔ́ɔ̃ nɛ, ka wo nyɛɛnɛ a dinmaa doɛ̃ dɔ gɔ́ɔ̃ nɛ. Gugurubaa na a din wɔ lɛa kanna yǎa duduu. A n miɛ̃.

Zude 1:1

Masɛ Zude mɛn bɛ́ Yezu *Krita a bɛ̀rɛ lɛa, man Zaaki ǹ diɛ̃giĩ lɛa, masɛ n sɛ́wɔ kɛ kiɛ̃. Díi Lawa min mɛnɛn bíi, a nə́ ǹ narɛ, Yezu Krita nə́ ǹ tamaɛ, man sɛ́wɔ lɛ diɛ bɛn la.

Samayeli1 17:37

Davida nə́ n toa doo: «Dɛnaa Lawa mɛn nə ma si yàra laanka kuruu la, a din ni die ma sii Filisiti min kɛ lɛ la.» Sayulu pɛ Davida nɛ: «Woo, Dɛnaa Lawa die a goã kunun n ni.»

Samayeli1 25:39

Davida ma, mà Naabaali gã, á tɔ́n pɛ: «Barka tá Dɛnaa Lawa ganaa, a giala, Naabaali bɛ́ á ga ma lɛ li, Dɛnaa Lawa din na á bɔ maa lɛ-a, á ná a bɛ̀rɛgiĩ kurəə sii baraa zɛnaa ganaa. Dɛnaa Lawa na á toa Naabaali a baraabaa lɛ kũ a din mìi ni.» Davida minin dia mà ǹ wo pɛ Abigayili ni mà asɛ n giɛ li a saa lɔ lɛa.