Timote2 4:14 - LAWA A BOO SONBORE

¹⁴ Fuũn giĩ Alɛksandrə kɛ sii baraa gigiã zɛnaa ma nɛ. Dɛnaa á re sarɛɛ, a kɔnpɛ ka a nya ǹ dín ni.

LAWA A BOO SONBORE 2011

¹⁴ Fuũn giĩ Alɛksandrə kɛ sii baraa gigiã zɛnaa ma nɛ. Dɛnaa á re sarɛɛ, a kɔnpɛ ka a nya ǹ dín ni.

Timote2 4:14 Iomraidhean Croise

Samayeli2 3:39

A laanɛ ká masɛ bɔ ká ma koa kii lɛa, ma pàã á tɔn kiɛɛrɛ. Minin kɛn, Seruzaa a nɛgiĩn kɛn lɛn, ǹ pàã á gole á la maa wɔ nɛ. Dɛnaa Lawa die a min baraa saraa a kɔnpɛ ka a baraabaa nɛ.»

Loen 28:4

Ǹ kũ ǹ dinin zɛnaa ǹ sii li, ǹ kũ ǹ dinin nya ǹ dí baraa li. Ǹ gɔn dòo saraa ǹ la, Dɛnaa Lawa, ǹ doamaa bɛ́-n ka màn mɛn nɛ, n bɛ kɔ ǹ la.

Loen 62:12

Má gunyin gigiã bɔ, bɛ̀ ma Lawa a boo kɛ ma kɛnɛn: mà pàã na asɛ din wɔ lɛa.

Zeremii 15:15

Dɛnaa Lawa, n tá sii tumaa doɛ̃. N yiri koa ma li, n nə n dɔ ma lɛ. Min mɛnɛn bɛ́ baraa zɛnɛɛ ma nɛ, maa gɛ̀ dòo bɔ bɛn ganaa. N nyan toa ma fuu yɛ, n foo á kũ ǹ li kɛa lɛa wa. Toa n kɛ dɔ̃: N din a lɛa nɛ maa sɔn kɛn sii ma ganaa.

Busii pɛ 3:64

Ǹ sii mɛn zɛnaa ma nɛ, a saraa ǹ la Dɛnaa Lawa.

Rɔmu minin 12:19

Ma dɔɔ̃nɔn lɛn, ka dinin baran kaa gɛ̀ dòo bɔ wa, sɛnɛ, ka toa Lawa bɔ, a giala, a tá kiɛ̃ nɛ: «Masɛ din nə gɛ̀ dòo boe, masɛ din nə dòo sarɛɛ. Dɛnaa a da ǹ boo ne.»

Rɔmu minin 2:6

Lawa n die min gogoonmaa sarɛɛ, a kɔnpɛ a nya ǹ dí ni.

Tesaloniki2 1:6

A giala, min mɛnɛn nə goã fuu nyɛɛ ka nɛ, Lawa á re fuu nyɛɛ ǹ dɔn man miɛ̃. Bɛ lɛ n pepere Lawa yɔrɔ-a.

Timote1 1:20

Imenee laanka Alɛksandrə tá kunun ǹ ni. Má bɛn kɔ *Sɛtaan la, màn mɛn bɛ́ toɛ, ǹ dɔ̃, ǹ baran Lawa tɔ ziziɛ̃ wa.

Timote2 4:15

N dɔ yiri bɔ li, a giala, á wɔa da ǹ boon liere kɔ parsiini.

Zaã1 5:16

Sii baraa mɛn bɛ́ a woe ka min ni gɛ̀-n wa, bɛ̀ min nə́ ǹ dɔɔ̃n yɛ bɛ zɛnɛɛ, a Lawa nyankɔ, Lawa á re yiikoonaabaa koe ǹ dɔɔ̃n kɛ lɛ la, bɛ̀ á daa yaa sonbore, sii baraa kɛ lɛ á zɛnaa, bɛ̀ a ba woe-n gɛ̀-n wa. Sɛnɛ, sii baraa goon tan, a n woe ka min ni gɛ̀ nɛ, ma bie máa ka Lawa nyankɔ bɛa sii baraa kɛ miã a lɛa wa.

Sii-nyaan 18:20

Lon mànan lɛn, ka n nyɛnyaa a ziziɛ̃ kɛ a lɛa! Lawa a minin ni, ka a dia dí-a wolen ne, ka a boo gii-dalin ni, ka n nyɛnyaa! A giala a bɛ́ á sii baraa mɛn zɛnaa ka nɛ, Lawa na á bɛ lɛ a kiri kuru la.

Sii-nyaan 18:6

A ka kũ lɔn, a dɔ die a n kũ miɛ̃. A sii mɛn zɛnaa ka nɛ, bɛ miã màn paa die a n zɛnaa a dɔ nɛ. A yɔ kaka mɛn kaa ka lon, bɛ miã nə n kaa a dɔ lon, a n kaka á la a wɔ-n gunyin paa.

Sii-nyaan 6:10

Ǹ nə́ n lɛ dii ka ǹ lɛn gole ne, ǹ nə́ pii: «Nsɛ mɛn bɛ́ Dɛnaa sonbore lɛa, ka taãn nɛ, ma nə n yii diɛ biĩ n tɔn kiri wɔ tán a minbuiinin lɛn ganaa, n wɔsɛn gɛ̀ dòo bɔ ǹ ganaa? A giala ǹ dinin man nə́ wɔsɛn dɛ wɔ́ gã.»

Samayeli1 24:12

Maa díi, ga koɛ, ga n dɔnkɛ lɛkoro ganaa ma gɔn. Màn mɛn toa, má boo la má n dɔnkɛ lɛkoro kuru, má n ma n dɛ dɔn wa, a yɛ n dɔ̃ foaãnɛ, piã laanka sii baraa zɛnaa ba masɛ gɔ́ɔ̃-n wa. A yɛ n dɔ̃ dɔn, mà masɛ sii la n la wa. N din ni zoɛ̃ masɛ nyin li, mà n bɔ.