Timote2 3:6 - LAWA A BOO SONBORE

⁶ Ǹ dinin kɛn lɛn tɛnɛn man nɛn bɛ̀ ǹ nə n dɔ lɔ yiri wɛɛnaan li kion, bɛ̀ ǹ nə ǹ bebele, ǹ nə ǹ kũ ka ǹ da ǹ boon ne. Sii baraa guĩ baa bɛa lɔn lɛn mìi ni. Maǹ bɔlɔ sɛ̀-mui sii tɔrɔ tumaa kio.

LAWA A BOO SONBORE 2011

⁶ Ǹ dinin kɛn lɛn tɛnɛn man nɛn bɛ̀ ǹ nə n dɔ lɔ yiri wɛɛnaan li kion, bɛ̀ ǹ nə ǹ bebele, ǹ nə ǹ kũ ka ǹ da ǹ boon ne. Sii baraa guĩ baa bɛa lɔn lɛn mìi ni. Maǹ bɔlɔ sɛ̀-mui sii tɔrɔ tumaa kio.

Timote2 3:6 Iomraidhean Croise

Loen 38:4

Ma paǹ kɔn din ba kooro doo wa, n foo a yoo lɛ taman yii, ma we kɔn din ba siĩn doo wa, maa sii baraa lɛ taman yii.

Izayii 1:4

Nsɛ, sii baraa-zɛnaali tɔrɔ, n sii baraan nə́ la yii ni, n wɔ n ka bɔ̀n nɛ! Nɛnyaan gòãn dii wole, tɔrɔ babaraa, ka n dɔ̀ɔ̃ wɔ Dɛnaa Lawa nɛ! Ká Izirayeli a Lawa sonbore kɛ bɔlɔ tii, ka n gòãn dii a ganaa.

Matiə 11:28

«Ka mɛnɛn tumaa bɛ́ nɔmaa nɛ guĩ giulun, ka da ma li, ma á die susui koe ka la.

Matiə 23:13

Yezu tɔ́n pɛ: – Kasɛn landa sii-daraalin laanka Fariziɛ̃ gɔ́ɔ̃ tì-an kɛn, bɔ̀n na á ka yɛ! Ka n lon a kiibaa ǹ bǎã lɛ a wɔ ǹ kiɛnlɛ tiɛ̃ minin ganaa. Ka dinin ba we wa, min mɛnɛn bɛ́ li ǹ wɔ, ka a toɛ bɛn dɔn tá we wa! [

Matiə 23:14

Kasɛn landa sii-daraalin laanka Fariziɛ̃ gɔ́ɔ̃ tì-an kɛn, kaa wɔ n ka bɔ̀n nɛ! Ka n mɛnɛɛ lɔ giɔɔrɔn la ka tá ǹ gɔn màn yii sii ǹ la, bɛ̀ ka wusoo ka wo Lawa nyankɔ ka belebɔ la, ka ka sii zɛnaa wa. Bɛ lɛ taman yii, Lawa á die dɔlɔ gole boe ka ganaa.]

Matiə 4:24

Yezu tɔ bɔ gána lɛ din tumaa nɛ, yǎa á woo dɔ Siirii gána nɛ. Bɛ lɛ na á toa min mɛnɛn bɛ́ ǹ nə́ goã nɔmaa-n busu tɔrɔ gigiã gɔn, busii n die ǹ dii, ǹ nə́ daa ka bɛn nɛ a li. Nɔ̀ɔnɔn bɛ́ ǹ nə́ goã min mɛnɛn ganaa, gigirisandɛnan nɛ, ka min paǹ paa gere-an nɛ, ǹ nə́ daa ka bɛ din tumaa nɛ, Yezu nə́ ǹ busu nya.

Marki 4:19

sɛnɛ, kanaa sii a taasiɛn nɛ, naforo a lɛn bebele sii laanka foo sii tɔrɔ kɔsɔn man we ǹ ne, ǹ Lawa a boo lɛ kũ, ǹ baa nɛ-kɔbaã wole lɛa ka da nɛ-kɔbaã wole bɛ́ lɔn.

Korɛnti1 12:2

Ka á doɛ̃ mà ka bɛ́ ká goã min kooron lɛa, ka n ká goã baa sii ka mìi gialaa dì lɛ tere-an ganaa.

Timote1 5:6

Sɛnɛ, ǹ mɛn bɛ́ n taasɛ ka bɔlɔ sɛ̀-mui siin dininsɔɔ̃nɔn nɛ, bɛ na á gã, haalɛ ta a yii á koo sisia.

Timote1 6:9

Sɛnɛ, min mɛnɛn bɛ́ giɛ màndɛnaabaa li, damagɔ́ɔ̃li ǹ kan lɛ n bɛn kuĩ. Baãnaabaa ǹ foo sii naarɛ gigiã nə ǹ kuĩ. Bɛn lɛn man minin ziziɛ̃, ǹ bɔ̀n da ǹ ganaa.

Tiitii 1:11

N doa n nə ǹ lɛ tã. A giala, mà ǹ tá sumu tumun lɔlɛkɔn, ka ǹ daraan nɛ, ǹ ga wɔrɔ li ǹ gɔn kɔkɔrɔ kɛ a lɛa.

Tiitii 3:3

A giala, lɛlɛ, wɔsɛn dɔn man wɔ goã yiri wɛɛnaan lɛa, lɛ-tiilin lɛa, sã wolen lɛa. Wɔ dɔn man wɔ́ goã taasiɛn laanka foo sii baraa tɔrɔ gigiã a bɛ̀rɛn lɛa. Wɔ ǹ wɔ́ goã wɔa yiikoonaabaa zɛnɛɛ baraabaa gɔ́ɔ̃ nɛ, ka yiri koa sii ganaa nɛ. Wɔ goã bɔnɛɛ taãn-taãnɛ, wɔ n kɔn biɛ zɔ́ɔ.

Piɛrɛ2 2:18

Sonbore, maǹ din gole kɔ laanka baãnaabaa ǹ boon diɛ. Min mɛnɛn soo a bɔ min yiri siɛ̃ wolen bii bɛ́ a tɔn belebɔ wa, maǹ gɔn diɛ bɛn ganaa, ǹ tá ǹ kuĩ ka ǹ dinin naarɛbaa ǹ dùũ sii babaraan nɛ.

Piɛrɛ2 3:17

Haya, maa giaáran lɛn, dan bɛ́ á n da ka nɛ! Ka ka dinin kũ doɛ̃, piã dí-pɛn nɛ wolen mɛnɛn bɛ́ papaã nɛ, ka baran toa ǹ ka yiri sã ǹ ka papaã wa. Gòãn doa ǹ bǎã sonbore mɛn bɛ́ ka lon, ka nyan toa min ka nyanaa a ka bɔ bɛ la wa.

Zude 1:16

Biikoo tumaa waáraa, ǹ dinin lɛn man zùũzùũ sii, ǹ nə́ min kɔsɔn zɛ̀rɛ biɛ. Maǹ koe ǹ dinin dùũ sii babaraan kɛn dininsɔɔ̃nɔn lɛ. Maǹ nə ǹ dinin gole kɔ ǹ boon diɛ. Maǹ min kɔsɔn bebele ǹ dinin là a lɛa.

Zude 1:18

Ǹ nə́ goã ǹ nə́ pɛ ka nɛ, mà bɛ̀ giala-nyɔmiɛ biikoon nə́ dɔ, mà minin tá re die, ǹ ka da yaa lɛa, ǹ tɔ wɔ a kɔnpɛ ǹ dinin dùũ sii babaraan kɛn nɛ.

Zude 1:4

Sonbore, min baraan kɔnɔn nə́ wɔ ka bii ka durii ni, ǹ nə́ wɔa Lawa a bǐɛ̃baa ǹ boo kɛ kɔkɔrɛ, ǹ nə́ sonbore koe ǹ dinin la, ǹ naarɛbaa siin kɛn zɛnaa gɔ́ɔ̃ nɛ. Maǹ nə́ n piɛ̃ ka wɔ Mìinaa laanka wɔa Dɛnaa Yezu Krita dɔ nɛ. Bɛa minin kɛn lɛn, ǹ dɔlɔ bɔ ma ganaa boo nə́ n da haalɛ bibi.