Timote2 3:5 - LAWA A BOO SONBORE

⁵ Ǹ tá re n dinin biɛ Lawa a zii tɔ-wɔlen lɛa, sɛnɛ, màn mɛn bɛ́ a zii tɔ-wɔ lɛ a pàã koe ǹ la, ǹ ba re bɛ sii wa. Haya, n bɔ bɛ miã minin kɛn wɔlɔ li ka lenlen!

LAWA A BOO SONBORE 2011

⁵ Ǹ tá re n dinin biɛ Lawa a zii tɔ-wɔlen lɛa, sɛnɛ, màn mɛn bɛ́ a zii tɔ-wɔ lɛ a pàã koe ǹ la, ǹ ba re bɛ sii wa. Haya, n bɔ bɛ miã minin kɛn wɔlɔ li ka lenlen!

Timote2 3:5 Iomraidhean Croise

Izayii 29:13

Dɛnaa n kɛ pii: «Tɔrɔ kɛ n mɔrɛ-n ma ganaa ka a lɛ gɔ́ɔ̃ ǹ boo dinsɔɔ̃ nɛ. Maǹ ma guguru koe ka ǹ lɛ nɛ, sɛnɛ, ǹ foo wɔlɔ á lui-n ma ganaa. Ǹ bɛ́ gugurubaa mɛn koe ma la, a n minbuiin nɛn daraan boon dininsɔɔ̃nɔn lɛa.

Matiə 7:15

Min mɛnɛn bɛ́ Lawa a boo gii-dali soɛ-bɔlen lɛa, ka n parabaa bɛn nɛ. Maǹ die ka li basiɛ̃-n ka sèren bɛ́ lɔn, a da yaa ǹ gɔ́ɔ̃ kɛ n baraa ka don gin basaã-kɔlen manɛ.

Efɛɛzi minin 4:14

Bɛ̀ á n baa miɛ̃, wɔ a re goɛ̃ ka nɛnyaanan bɛ́ lɔn doo wa. Min kɔ́n ba re boe la doo, a wɔ penpelen da ka piɛ̃ bɛ́ lɔn, a wɔ saa a wɔ bɔ wɔ yiri la, ka minin daraa ǹ gɔn kɔ́n nɛ wa. Min mɛnɛn bɛ́ li, ǹ wɔ bebere ǹ wɔ sã ka ǹ dinin sii-doɛ̃ nɛ, bɛn ba boe wɔ la wa.

Tesaloniki2 3:14

Wɔ bɛ́ boo mɛn pii sɛ́wɔ kɛ nɛ, bɛ̀ min mɛn ba sii wa, ka n yiri koa bɛa dɛnaa li, ka baran n mɔrɔ a ganaa duduu wa, màn mɛn bɛ́ toɛ, sìi kũ.

Tesaloniki2 3:6

Dɔɔ̃nɔn lɛn, min mɛnɛn bɛ́ ǹ ba woe sii yɔrɔ li wa, wɔ doroon mɛnɛn kɔ ka la, ǹ nə́ ǹ ba tɔ we á kɔnpii ka bɛn nɛ wa, wɔ ǹ pii wɔ á laɛ ka ganaa ka wɔa Dɛnaa Yezu Krita tɔ nɛ, wáa ka n wɔlɔ lui bɛn ganaa.

Timote1 4:7

Sɛnɛ, yii wɔ Lawa la ǹ boo zizin kɛn, boo kooron lɛa, n piã ka bɛn nɛ. N daraa nyɛ́ɛ baa Lawa n ganaa, bɛ á soɛ.

Timote1 4:8

Din gù-kaa dɔ n daraa lɛa, a là tan sii tɛn gɔ́ɔ̃-n sɛn. Sɛnɛ, nyɛ́ɛ baa Lawa-n a là tan sii tumaa gɔ́ɔ̃ nɛ. Bɛ lɛ n toɛ Lawa wɔa wɔ bǐɛ̃ kɔ pelo, ka biɛ̃ nɛ.

Timote1 5:8

Bɛ̀ min ba giɛ a din wɔn walan wa, sanparɛ a din a kion minin kɛn, bɛa dɛnaa na á n piã ka kɔ Lawa a zii lɛ nɛ. Á baraa á la golee Lawa li baãnaa nɛ.

Timote1 6:5

ka liere bibiɛn nɛ. Ǹ yiri tumaa ziziɛ̃, ǹ ba sonbore doɛ̃ doo wa. Maǹ taasɛ mà golee Lawa li lɛ n ga màn li ǹ sii lɛa.

Timote2 2:16

Golee Lawa li baã boo kooron kɛn, n nyɛnaa bɛn manɛ. A giala, min mɛnɛn bɛ́ n laɛ ǹ ganaa, màn nə miɛ bɛa dɛnan golee Lawa li baã li.

Timote2 2:23

Sɛnɛ, n nyan lɛ kɔ yiri baãnaan liere kɔ kooron kɛn ganaa wa. N doɛ̃ mà bɛn lɛn man die ka zia nɛ.

Tiitii 1:16

Maǹ pii mà ǹsɛn tá Lawa doɛ̃, sɛnɛ, ǹ sii-zɛnaan man piã ka Lawa nɛ ǹ siin lɛa. Ǹ tìĩ n boe ne, maǹ piã-wɔlen lɛa, ǹ ba boe la ǹ tá sii sonbore kɔ́n zɛnɛɛ wa.

Tiitii 3:10

Min mɛn bɛ́ na kɔn-a ǹ dí nyɛɛ, n nə n dan da bɛ nɛ a dɔ gunyin paa, n tɔn yɛ n toa.