Timote2 3:2 - LAWA A BOO SONBORE

² A giala, minbuiinin tá re zuũ-bɔlen biɛ, ǹ ga màn li sii á re kaka koe. Ǹ tá re n dinin laakalɛɛ, ǹ nə n dinin gole kɔ. Ǹ tá re Lawa tɔ ziziɛ̃, ǹ ba re ǹ yɛ wolen bɔlɔ miɛ wa, ǹ ba re bǐɛ̃ doɛ̃ wa. Ǹ tá re n yii we Lawa la,

LAWA A BOO SONBORE 2011

² A giala, minbuiinin tá re zuũ-bɔlen biɛ, ǹ ga màn li sii á re kaka koe. Ǹ tá re n dinin laakalɛɛ, ǹ nə n dinin gole kɔ. Ǹ tá re Lawa tɔ ziziɛ̃, ǹ ba re ǹ yɛ wolen bɔlɔ miɛ wa, ǹ ba re bǐɛ̃ doɛ̃ wa. Ǹ tá re n yii we Lawa la,

Timote2 3:2 Iomraidhean Croise

Loen 10:3

Min baraa nə n din kalɛɛ, mà asɛ boo sii la. Bɛ̀ á ná a wurumubaa ǹ mànan lɛn yɛ, a n sɔ kiɛ Dɛnaa Lawa la, bɛ̀ a da yaa lɛa.

Loen 49:6

Lɛawaa baraa li, bɛ̀ maa zɔ́ɔn kɛn nə́ ma lɛnpɛnɛ ka ǹ zɔ́ɔbaa ǹ siin ni, wàa mɛn nyɛ́ɛ-n ma á biɛ?

Loen 52:1

LOE-saalin goledɛnaa loe mɛn lɔ. Davida a loe.

Izayii 10:15

Sɛ̀miɛ̃ á boe la a n din gole kɔ a dí nya ma-n wole ganaa? Hinlaa gɔya á boe la a n din koa a dí nya ma-n wole ganaa? Bɛ n goon ka min mɛn nə́ ke bàbàla ná a gɔn, asɛ n bàbàla lɛ foo sii zɛnɛɛ. Hinlaa ka min bɛ́ dɔ̀rɔ̀ ná a gɔn asɛ n dɔ̀rɔ̀ lɛ foo sii zɛnɛɛ.

Matiə 15:6

bɛa dɛnaa kɛ laadoo ba a ganaa doo, a ǹ di guguru kɔ ka màn nɛ wa. Ka ǹ Lawa a boo sàabiɛ kɛnɛn lɛn ka dinin landan lɛa!

Luku 12:15

Á pɛ ǹ tumaa nɛ: «Ka n dinin kũ dɛ! Ka n parabaa ka ga màn li baraa nɛ. Min a yiikoonaabaa giala bie doa-n a gɔn màn-a wa, ta bɛa gɔn màn lɛ din na á mɔnaa lɔn.»

Luku 16:14

*Fariziɛ̃n mɛnɛn bɛ́ wɔrɔ n kɔɔ̃nɛ ǹ ganaa, bɛn dɔn nə́ goã n too koe bɛa boo kɛ lɛ tumaa ganaa, bɛ̀ ǹ nə́ yaa we a ganaa.

Luku 6:35

Sɛnɛ, bɛ̀ ka tá li ka n baa Lon a Lawa Gole a nɛnyaanan lɛa sonbore, ka saraa gole yɛ, ka siin kɛn zɛnaa: Ka kaa zɔ́ɔn narɛ, ka bǐɛ̃ zɛnaa, min mɛnɛn bɛ́ pàã ba ǹ lon ǹ giɔ̀mɔ dòo saraa wa, ka giɔ̀mɔ da bɛn-a, a giala Lawa lɛ sɛ n bǐɛ̃ zɛnɛɛ bǐɛ̃-doɛ̃ baãnaan laanka min baraan manɛ.

Nya ǹ dín 5:36

A tɔn belebɔ wa, wɔsɛn nə́ Tedaasi a yoo yɛ, a na á goã n din biɛ màn gole lɛa, á min biɛ sii (400) miã yɛ, á kaa kun a din ni. Wɔ́ yɛ ǹ nə́ dɛ á gã, min mɛnɛn nə goã koe lɛ, bɛn nə́ sasawaa, ǹ kɔ́n goã wa.

Rɔmu minin 11:18

Bɛ lɛ taman yii, n baran n din koa gùrù kurii wolen lɛn ganaa wa. N din koa ǹ paǹ din nə maa bɔrɔ? Nsɛ bɛ́ n bie da lɛ gòonən guĩ wa, da lɛ gòonən manə nsɛ guĩ.

Korɛnti2 5:15

A na á gã min tumaa a lɛa, ń giɛ min mɛnɛn yii bɛ́ koo, bɛn baran ǹ yiikoonaabaa zɛnaa ǹ dinin lɛa doo wa, sɛnɛ, min mɛn bɛ́ á gã a yii kaa ǹ lɛa, ǹ zɛnaa bɛa lɛa.

Filipi minin 2:21

Gialakun kɛ tumaa nə n taasɛ ka ǹ dininmaan siin ni, ǹ ba n taasɛ ka Yezu Krita wɔn nɛ wa.

Kolɔɔsi minin 3:5

Dùũ siin mɛnɛn bɛ́ ka nɛ, ǹ nə́ kanaa dùũ siin lɛa, ka bɛn kaa ka lenlen. Bɛa dùũ siin lɛn nə́ ke: Kɔrɔbaa nɛ, ka gɔgɔrɛbaa nɛ, ka sii baraa zɛnaa a bɔlɔ-sɛ̀-mui ni, ka dùũ sii babaraa nɛ, ka yii miminibaa nɛ bɛ mɛn bɛ́ goon ka dì wúlu bɔ nɛ.

Tesaloniki2 2:4

Minbuiinin bɛ́ màn mɛn tumaa guguru koe, a n die n gòãn doɛ kɔn ka bɛ din tumaa nɛ, a zia da ǹ ganaa, yǎa a dinmaa die giɛ̃ tán Lawa a Kion, a pii mà asɛ n Lawa lɛa.

Timote1 1:20

Imenee laanka Alɛksandrə tá kunun ǹ ni. Má bɛn kɔ *Sɛtaan la, màn mɛn bɛ́ toɛ, ǹ dɔ̃, ǹ baran Lawa tɔ ziziɛ̃ wa.

Timote1 1:9

Sɛnɛ, wɔ ǹ siĩni wɔ kɛ giala ma. Landa bie á n koa sii sonbore-zɛnaalin taman yii wa. A na á n koa landa tamaabaã wolen taman yii ka piã-wɔlen ne, Lawa bɔlɔ tii wolen ne, sii baraa-zɛnaalin ni, yii wɔ Lawa la wolen laanka zín bɔ Lawa-n wolen ne, ka díi laanka náa-dɛlen ne, ka gɛ̀-dɛlen tumaa nɛ.

Timote1 3:3

A doamaa bie a goã duvɛ̃ mii a la a din ni wa, a baran goã kakaarɛ wa, sɛnɛ, a goã min basiɛ̃ lɛa, sabara-baali lɛa. A baran n là kakã wɔrɔ sii li wa.

Timote1 6:10

A giala, wɔrɔ-narɛɛ n sii baraa din tumaa a bɔ ǹ bǎã goon lɛa. Min tɛnɛn nə́ n dinin kɔ a gamali la, bɛn nə́ sã, ǹ nə́ woo sɔsɔɔ ǹ nə́ golee Lawa li toa walan, ǹ nə́ foo-busii gigiã da ǹ dinin ganaa.

Timote1 6:4

Bɛa minin kɛn lɛn din gole kɔ la yii ni, ǹ ba màn kɔ́n doɛ̃ wa. Liere gengeleen kɔ n kɔɔ̃nɛ ǹ ganaa, ka kɔn lɛ babaã boon ganaa nɛ. Bɛ lɛ n die ka foo wuu-pɛ nɛ, ka mɛ-kɔn ganaa nɛ, sɔ kaa-kɔn la laanka kɔn da-kɔn gɔ́ɔ̃-n nɛ,

Timote2 3:4

Ǹ tá re n boe kɔn li, ǹ foo á re goɛ̃ lon, din gole kɔ á re liɛ ǹ yii ni. Ǹ foo siin tá re kɔɔ̃n koe ǹ ganaa, ǹ la Lawa foo sii ni.

Zaaki 2:8

Sonbore, kii Lawa dí-pɛ mɛn kɔ, bɛ̀ ka á bɛ tamaɛ á kɔnpii ka a boo ne, sii sonbore n ka bɛ nɛ ka á zɛnɛɛ. «N nə n miã kɔsɔ narɛ ka n bɛ́ n din narɛ lɔn.»

Zaaki 4:16

Sɛnɛ, bɛ̀ ka a bɛ pii wa, ka nə n dinin gole koe ka ka dinin laakalaa ǹ boon kɛn nɛ. Bɛ miã din gole kɔ kɛ bɛ́ a siĩn wa.

Zaaki 4:6

Sɛnɛ, Lawa din nə pàã koe wɔ la doo, wɔ boo la wɔ n dinin si wɔa taasiɛ baraan la. Bɛ lɛ na á toa a boo á pii: «Lawa n zia diɛ din gole kɔlen ganaa, sɛnɛ, a na a sonborebaa nyɛɛ din gisiĩ wolen manɛ.»

Piɛrɛ1 5:5

A din yɔrɔ lɛ la, nɛnyaanan lɛn, ka min golen bɔlɔ si. Ka dinin tumaa, kaa tá kun gɔ́ɔ̃ nɛ, didie din boɛɛn kɔ ǹ sii zɛnaa, a giala, Lawa a boo n pii: «Lawa nə n piɛ̃ ka din gole-kɔlen ne, sɛnɛ, a n bǐɛ̃ zɛnɛɛ din boɛɛn-kɔlen manɛ.»

Piɛrɛ2 2:10

Sɛnɛ, min mɛnɛn dɔlɔ bɛ́ re baraa koe taãn-taãnɛ, bɛn man ka min mɛnɛn bɛ́ giɛ gɔ̀nɔn foo sii kɛn li, ǹ nə́ sɔ koe Lawa pàã gole kɛ ganaa. Bɛa minin-daraali soɛ-bɔlen kɛn lɛn foo n doa nɛ ǹ dinin ganaa á la yii ni, maǹ nə n dinin gole koe, ǹ ba nyɛ́ɛ biɛ sɔ kɔ lon màn pàãdɛnan ganaa din ni wa.

Piɛrɛ2 2:12

Sɛnɛ, minin kɛn lɛn manə ǹ sii tumaa zɛnɛɛ ka baãnaabaa nɛ, ka tɔɔn bɛ́ lɔn, tɔɔn mɛnɛn bɛ́ ǹ tan kũ a dɛ a lɛa. Ǹ ba màn mɛn giala miɛ wa, maǹ sɔ koe bɛ ganaa. Maǹ die ǹ dɔn dii ka ǹ bɛ́ tɔɔn dii lɔn.

Piɛrɛ2 2:18

Sonbore, maǹ din gole kɔ laanka baãnaabaa ǹ boon diɛ. Min mɛnɛn soo a bɔ min yiri siɛ̃ wolen bii bɛ́ a tɔn belebɔ wa, maǹ gɔn diɛ bɛn ganaa, ǹ tá ǹ kuĩ ka ǹ dinin naarɛbaa ǹ dùũ sii babaraan nɛ.

Piɛrɛ2 2:3

Ǹ ga màn li baraa lɛ dɔ n die toɛ, ǹ ka bebele ka boo wɔwɔkɔnlɛn nɛ kun ni, ǹ màn si ka la. Lawa bɛa minin kɛn lɛn kiri yɔrɔ bɔ gɔrɔ, á n die diɛ ǹ la, ǹ bɔ̀n baa kànaa ka boɛɛn nɛ.

Zude 1:16

Biikoo tumaa waáraa, ǹ dinin lɛn man zùũzùũ sii, ǹ nə́ min kɔsɔn zɛ̀rɛ biɛ. Maǹ koe ǹ dinin dùũ sii babaraan kɛn dininsɔɔ̃nɔn lɛ. Maǹ nə ǹ dinin gole kɔ ǹ boon diɛ. Maǹ min kɔsɔn bebele ǹ dinin là a lɛa.

Sii-nyaan 13:1

Bɛ lɛ ganaa, má tɔ́n Tɔɔ goon yɛ soe yìsi mu gole lɛ li. A bɛn nə fù, a mìi n sɔbaa. Kiibaa ǹ bafolo n we ne a bɛn gogoonmaa tumaa ganaa, sɔ kɔ Lawa ganaa ǹ boo n kiɛ̃ nɛ a mìi gogoonmaa tumaa ganaa.

Sii-nyaan 16:11

Ǹ là-paparɛɛ kɛ laanka ǹ baayɛrɛn kɛn lɛa, ǹ nə́ goã sɔ kiɛ lon a Lawa la, sɛnɛ, ǹ nə n taasɛ ǹ nə́ wusoo ǹ sii-zɛnaan kio wa.

Sii-nyaan 16:21

La gii mɛn bɛ́, a gugurubaa n doe kilo pusi, bɛ na á goã boe lon minbuiin lɛ dii tán. Minbuiin lɛ goã sɔ kiɛ Lawa la, mà wàa na á baa á koe bɔ ǹsɛn ganaa ka la gii kɛ tɔrɔ nɛ, a giala mà koe lɛ bɔbɔnɛɛ kɔ á la yii ni.

Sii-nyaan 16:9

Tɛ fuu gole bɛ́ á minbuiinin tã, Lawa mɛn bɛ́ koe kɛ a bɔ ǹ pàã ná a lon, ǹ nə́ n tã la, ǹ nə́ sɔ kiɛ la, ǹ wusoo ǹ sii-zɛnaan kio ǹ nə́ gugurubaa kɔ Lawa la duduu wa.