Timote2 3:16 - LAWA A BOO SONBORE

¹⁶ Lawa a boo-kiɛ̃ tumaa n boe Lawa din li. Bɛa boo lɛ a là n ka kɛ nɛ: a n min darɛɛ a sonbore a woo ǹ bǎã dɔ̃, a n piã ka soɛ nɛ, a n din doroo, a na a zɛnaa ǹ sii tele.

LAWA A BOO SONBORE 2011

¹⁶ Lawa a boo-kiɛ̃ tumaa n boe Lawa din li. Bɛa boo lɛ a là n ka kɛ nɛ: a n min darɛɛ a sonbore a woo ǹ bǎã dɔ̃, a n piã ka soɛ nɛ, a n din doroo, a na a zɛnaa ǹ sii tele.

Timote2 3:16 Iomraidhean Croise

Samayeli2 23:2

Dɛnaa Lawa yiri a boo n ke soe ma lɛ-n, a din a boo kɛ lɛ n ma lɛwɔn la.

Nehemii 9:20

Ń nə́ n yiri sonbore kɛ kɔ ǹ la, màn mɛn bɛ́ toɛ ǹ sii bɔkɔnlɛ doɛ̃. N nə ǹ nu ka *maanə n wa, ń mu kɔ ǹ la ǹ mu boro a lɛa.

Loen 119:11

Ma nə n lɛ kɔ ǹ boon kɛn tamaɛ ma foo ne, màn mɛn bɛ́ toɛ, ma baran sii la n la wa.

Loen 119:130

N boon lɛn doɛ̃ tá min yiri fúli. A tá yiri koe yiriwɛɛnaa la.

Loen 119:9

Bɛ̀ min tá tɔn ten, a n siɛ lɔn a sii-zɛnaa goã *yoreen ne? Dɛnaa, n din boo mɛn da, yǎa a n yiri koɛ bɛ li.

Suusun 15:10

Min mɛn bɛ́ zii sonbore toɛ walan, bɛ wɔ n ka dɔlɔ baraa nɛ. Min mɛn bɛ n piɛ̃ ka gɔn waa ma-n nɛ, bɛ á re giɛ̃.

Suusun 15:31

Min mɛn bɛ́ n too koe doroon li, n doe min lɛ, bɛa dɛnaa á re goɛ̃ kun sii-dɔ̃lin ni.

Suusun 6:23

Doroo n ka bolon bɛ́ lɔn, daraa n wɔlɔ fúlu lɛa. Gɔn waa manɛ n min yii buĩ. A n yiikoonaabaa ǹ zii lɛa.

Misee 2:7

Zakɔba tɔrɔn lɛn, ka dinin da ǹ boo n ke sonbore? Ká mà Dɛnaa Lawa a sii simaa lɛ na á nya? Ká mà a nya ǹ dí n ka kɛ-n sonbore? Min mɛn bɛ́ tɔ pepere we, masɛ a boo lɛ a là lɛa bɛ ganaa wa?

Sofonii 3:2

A n too kɔ min kɔn a bii wɔ li wa. A n too kɔ min kɔn a doroo li wa. A n foo doa Dɛnaa Lawa ganaa wa. A n mɔrɔ a Lawa ganaa wa.

Matiə 13:52

Á tɔ́n pɛ ǹ nɛ: «Bɛ lɛ na á toa, landa sii-daraalin tá re yii, ǹ Lawa dɔ̃ ǹ kii lɛa. Bɛn lɛn man kɔnboe ka kiondɛnaa kɔ́n nɛ, gɔn màn dii laanka a zizi boe a naforo ne.»

Matiə 21:42

Yezu tɔ́n pɛ ǹ nɛ: – Lawa a boo bɛ́ màn mɛn diɛ, ka tɔn bɛ pɛ wa? «Kion-dɔlen bɛ́ ǹ nə́ n piã ka kɔlɔ mɛn nɛ, bɛ lɛ na á kɛ gùrù dɔ ǹ kɔlɔ baa. Dɛnaa Lawa na á bɛa kaãbaa ǹ dí kɛ nya, wɔsɛn yii na á bɛ lɛ yɛ.»

Matiə 22:43

Yezu tɔ́n pɛ ǹ nɛ: – Wàa na á baa, Davida dinmaa bíi, ka Lawa a Yiri Fu barka nɛ, mà asɛ a Dɛnaa? A na á pɛ kɛnɛn:

Matiə 26:54

Sɛnɛ, bɛ̀ masɛ zɛnaa miɛ̃, Lawa a boo lɛ lɛ n siɛ lɔn a tɔn pã doo? A n zɛnaa lɔn, Lawa a boo na á pɛ mà a doamaa nɛ a n zɛnaa miɛ̃.»

Matiə 26:56

Sɛnɛ, kɛ din tumaa na á n zɛnaa, màn mɛn bɛ́ toɛ, Lawa a boo gii-dalin nə́ màn mɛn kiɛ̃ Lawa a boo ne, bɛ lɛ lɛ pã.» Bɛa biikoo li, a kialandɛnan tumaa baa si ǹ nə́ toa walan.

Marki 12:24

Yezu tɔ́n pɛ ǹ nɛ: «Ka a doɛ̃ mà ka dinin manə n dinin siɛ̃ wa? A giala, ka a Lawa a boo giala miɛ wa, ka a doɛ̃ dɔn mà pàã tá Lawa lon wa.

Marki 12:36

A giala, Davida dinmaa na á pɛ ka Lawa a Yiri Fu barka-n kɛnɛn: Dɛnaa Lawa pɛ maa Dɛnaa nɛ: «Giã ma gusin, yǎa ma gɔ̀lɔ̀baa lɛ piɛ̃ koe n la, n zɔ́ɔn nə die kiɛ tán n gòãn giulun.»

Zaã a sɛ́wɔ 10:35

Lawa a boo bɛ́ màn mɛn pii, ka á doɛ̃, mà min kɔ́n ba boe la a bɛ sàabaa wa. Lawa na a dí-pɛn lɛn kɔ min mɛnɛn la bibinaa nɛ, á ǹ baa sii yɔrɔ-bɔlen lɛa, a n bɛn lɛn bíi mà "lawan".

Zaã a sɛ́wɔ 3:20

Sonbore ne, min mɛn bɛ́ sii baraa zɛnɛɛ, wɔlɔ fúlu a kɔɔ̃n bɛa dɛnaa ganaa wa, a soe wɔlɔ fúlu li, n na a sii baraan yaa kiɛ̃ boe kanaa wa.

Nya ǹ dín 1:16

– Ma dɔɔ̃nɔn lɛn, Lawa a boo saa lɛlɛ á màn mɛn da Zudaasi wɔ gɔn la, a na á n baa pàã lɛa bɛ lɛ pã. Zudaasi mɛn Yezu kũlin nyɛɛnaan bɔ, Yiri Fu na á wɔ Davida lɛ-n, á bɛ lɛ boo da.

Nya ǹ dín 18:25

Á Dɛnaa a zii lɛ dɔ̃, a yiri dɔ bɛ́ kɔɔ̃nɛ, màn mɛn tumaa bɛ́ Yezu wɔ gɔn la, a na á goã bɛ yii pii, á n minin darɛɛ a ganaa pere-pere-pere, a da yaa, a na á goã ZAÃ a batɛmu diɛ kɛ dinsɔɔ̃ doɛ̃.

Nya ǹ dín 20:20

Màn mɛn tumaa là bɛ́ ka ganaa, ma bɛ kɔ́n duru ka la wa. Sɛnɛ, masɛ n má Lawa a boo lɛ pɛ, má ka daraa min tumaa yɔrɔ-a, má ka daraa kaa kionən dɔn nɛ.

Nya ǹ dín 20:27

A giala, ma màn kɔ́n duru ka la wa, sɛnɛ, má Lawa a dí nya ǹ gɔn lɛ tumaa boo da ka nɛ ka lenlen.

Nya ǹ dín 28:25

Ǹ dininmaan boo bɛ́ a goã goon wa, ǹ ná a giala kɔ ǹ tá sasawɛɛ, Pooli tɔ́n boo kɛ da ǹ nɛ: – Yiri Fu boo mɛn wɔ Lawa a boo gii-dali Izayii lɛ-n, mà a pɛ ka digolon manɛ, taãn nɛ:

Rɔmu minin 15:4

A da yaa, màn mɛn yii nə n kiɛ̃ lɛlɛ, bɛ na á n kiɛ̃ wɔa yiri kɔmala a lɛa, màn mɛn bɛ́ toɛ, Lawa a boo lɛ wɔ foo taã, a sii simaa kɔ wɔ la, wɔ foo boo la a goã doa nɛ.

Rɔmu minin 2:20

mà nsɛ n sii doɛ̃baãnaan-daraali lɛa, ka nɛnyaanan mìinaa nɛ. Ma n bɛ pii, a giala, minbuiin nɛ doamaa bɛ́ nɛ, a Lawa laanka a sonbore kɛ dɔ̃ lɔn, ma nə n bɛ yii yɛ dí-pɛn lɛn nɛ.

Rɔmu minin 3:2

Hiĩ, mìi tá la, mìi gole gole dinin. Bibinaanɛ, Lawa na á boo da ka Zuifun ni. A na á ná a boo lɛ koa ǹ dinin li.

Rɔmu minin 4:23

Bɛa min peperebaa kɛ bie n pii Abrahamu dinsɔɔ̃ wɔ gɔn la wa.

Korɛnti1 12:7

Didie n bǐɛ̃baa ǹ màn lɛ yii, boe Yiri Fu ni, min tumaa a bǐɛ̃ kɔ a lɛa.

Galaasi minin 3:8

Lawa a sɛ́wɔ wɔ yiri da a-n lɛlɛ, mà Lawa á re lɛ koe tɔrɔ kɔsɔn ganaa min peperen lɛa ǹ goleemali taman yii. Bɛ lɛ nɛ, á saa lɛlɛ á boo kɔɔ̃n kɛ pɛ Abrahamu ni: «Lawa á re barka diɛ kanaa minin tumaa ganaa n lɛa.»

Timəə dí-pɛn 4:36

A din lɛ na á n toa lon, á boo da ka nɛ, á ka daraa. A ka toa tán, á ná a tɛ gole kɛ nyaa ka nɛ, ká a boon ma bɛa tɛ lɛ bii.

Timote2 2:25

Min mɛnɛn bɛ́ a boo liere koe, a doamaa nɛ, a bɛn doroo ka sabarabaa nɛ. Kɔntan, Lawa á die n doe ǹ lɛ, ǹ wusoo ǹ zɛnaa ǹ siin kio, ǹ sonbore dɔ̃.

Timote2 4:2

Bɛ lɛ taman yii, n doa n Lawa a boo lɛ laakalaa, ta biikoo sonbore ne, ta biikoo sonbore bie wa. Minin sã nyaa ǹ nɛ, n sɛ̀ pɛ ǹ ganaa, n nə ǹ foo taã, n nə ǹ daraa ka sii simaa lɛ piɛ̃ nɛ.

Ebrəə 11:1

Wɔ foo bɛ́ doa-n mànan mɛnɛn ganaa ke, wɔa waa bɛn la lɛ n golee Lawa li lɛa. Yii bɛ́ a ba mànan mɛnɛn ganaa wa, golee Lawa li n bɛn nyɛɛ wɔ nɛ.

Ebrəə 3:7

Bɛ lɛ na á toa, ka Yiri Fu bɛ́ pii lɔn: «Pelo, bɛ̀ ka Lawa a lɛ-dia ma,

Ebrəə 4:12

Sonbore, Lawa a boo lɛ n boo yiikoonaa lɛa, pàã dɔ tá a nɛ, á lɛ boe á la gɔya paǹan paanan lɛbɔle tumaa nɛ. A n we min ni taãn-taãnɛ, yǎa a telenboen laanka yiri toɛ̃ kɔn, yǎa a gù kòròn laanka sɛwɔ toɛ̃ kɔn. A n min dùũ laanka a taasiɛ bǐɛ̃ boe kɔn lɛ ka a baraa nɛ.