Timote2 3:10 - LAWA A BOO SONBORE

¹⁰ Sɛnɛ, ma bɛ́ minin darɛɛ siin mɛnɛn ganaa, nsɛ Timote á bɛn doɛ̃. Maa tɔ wɔ ǹ gɔn nɛ, ka ma sii mɛn koa ma yɔrɔ-a, n tá bɛ dɔ doɛ̃. N maa goleemali boo ma, maa foo-kuĩ ni, ka maa kɔn-narɛɛ laanka maa sii simaa nɛ.

LAWA A BOO SONBORE 2011

¹⁰ Sɛnɛ, ma bɛ́ minin darɛɛ siin mɛnɛn ganaa, nsɛ Timote á bɛn doɛ̃. Maa tɔ wɔ ǹ gɔn nɛ, ka ma sii mɛn koa ma yɔrɔ-a, n tá bɛ dɔ doɛ̃. N maa goleemali boo ma, maa foo-kuĩ ni, ka maa kɔn-narɛɛ laanka maa sii simaa nɛ.

Timote2 3:10 Iomraidhean Croise

Luku 1:3

Bɛ lɛ nɛ, siin mɛnɛn dinin tumaa nə n zɛnaa a giala-koe li, má nɔ̀n da ka bɛn nɛ ka tɛtɛtɛ, má yɛ máa á siĩni, má kɔ bɛn lɛ, má kiɛ̃ kɔn kio, má ǹ nyaa n nɛ.

Nya ǹ dín 11:23

A bɛ́ á dɔ á Lawa a bǐɛ̃baa ǹ dí kɛ yɛ, á n nyɛnyɛɛ. Á ǹ tumaa foo taã mà ǹ nə ǹ goleemali kɛ kũ kaka, ǹ goã bɔlɔgoondɛnan lɛa Dɛnaa a paǹ li.

Nya ǹ dín 2:42

Bɛa minin kɛn lɛn man nə́ goã woe dia dí-a wolen minin daraa ǹ bǎã-n kun, ǹ nə́ goã dɔɔ̃nbaa ǹ kɔn-narɛɛ we, ǹ nə́ goã màn bii ǹ nə́ Lawa nyankoe kun.

Nya ǹ dín 20:18

Ǹ bɛ́ ǹ nə́ daa a li, á pɛ ǹ nɛ: – A kũ masɛ a dɔ Azii pinaa ganaa, ka dinin tá masɛ a tɔ wɔ ǹ gɔn doɛ̃ kaa wɔ a paǹ li.

Nya ǹ dín 26:4

A kũ maa boɛɛnmaa ganaa, ma biikoo mɛn zɛnaa ma tɔrɔ minin bii Zeruzalɛmu kiwi, Zuifun tumaa tá bɛ doɛ̃.

Rɔmu minin 16:17

Ma dɔɔ̃nɔn lɛn, man ka nyankoe taãn-taãnɛ, min mɛnɛn bɛ́ toɛ̃-kɔn we Lawa-nyankɔlen bii, ǹ nə́ ǹ yiri siɛ̃ ǹ tá ǹ papaɛ̃, ka n dinin kũ bɛn ganaa. Ka n daraa Lawa a boo mɛn ganaa, bɛa minin kɛn lɛn da ǹ boon laanka ǹ minin daraa ǹ siin man zia biɛ bɛa boo kɛ lɛ ganaa. Ka n na ka n bɔ bɛa minin kɛn lɛn ganaa.

Korɛnti2 1:17

Bɛ a pɛ miɛ̃ kɛ a boe la a toa ka pɛ, mà ma a boo goon dali lɛa wa? Ma bɛ́ maa siin yɔrɔn boe lɔn, minbuiinbaa a bǐɛ̃ kɔ dinsɔɔ̃-n ma á giɛ li, a n boe la a toa ma pɛ mà «hiĩ, hiĩ», a da yaa «haayii, haayii» ni ma gɔ́ɔ̃ nɛ?

Efɛɛzi minin 4:14

Bɛ̀ á n baa miɛ̃, wɔ a re goɛ̃ ka nɛnyaanan bɛ́ lɔn doo wa. Min kɔ́n ba re boe la doo, a wɔ penpelen da ka piɛ̃ bɛ́ lɔn, a wɔ saa a wɔ bɔ wɔ yiri la, ka minin daraa ǹ gɔn kɔ́n nɛ wa. Min mɛnɛn bɛ́ li, ǹ wɔ bebere ǹ wɔ sã ka ǹ dinin sii-doɛ̃ nɛ, bɛn ba boe wɔ la wa.

Filipi minin 2:20

A dinsɔɔ̃ n ma laadoo siin biɛ a wɔn lɛa, a nə́ n gɔ́ɔ̃ bii ka ka-n taãn-taãnɛ.

Filipi minin 2:22

Ka dininmaan tá doɛ̃, Timote na a bɔlɔgoondɛnaabaa kɛ nyaa ka-n ka yɔrɔ mɛn nɛ, a na á Boo Tii Kɔɔ̃n a dí kɛ nya kun ka ma nɛ, ka nɛ laanka a díi bɛ́ dí nyɛɛ kun lɔn.

Tesaloniki1 1:5

A giala, wɔ bɛ́ Boo Tii Kɔɔ̃n mɛn pii, a bie á n pɛ ka nɛ ka lɛ-a ǹ boo dinsɔɔ̃-n wa; sɛnɛ, pàã gole gole na á goã boo lɛ nɛ ka Yiri Fu barka nɛ, wɔ ǹ waa nɛ a sonborebaa dɔ la. Wɔ giã ǹ gɔn mɛn wɔ ka bii, ka dinin laadoo bǐɛ̃ kɔ taman yii, ka bɛ́ bɛ doɛ̃.

Timote1 1:3

Ka má pɛ n nɛ lɔn, bɛ̀ ma bɛ́ woe Masedoanɛ gána nɛ, giã Efɛɛzi kiwi. Minin tá walan ǹ nə́ minin darɛɛ soɛ boon ganaa. Yǎa n pii ǹ ni mà ǹ na a lɛ diɛ.

Timote1 4:6

N doa n dɔɔ̃nɔn lɛn daraa bɛ tumaa ganaa. Bɛ̀ n zɛnaa miɛ̃, n tá re Yezu *Krita a dí-nyali sonbore biɛ. N bɛ́ n kɔ goleemali boon laanka daraa sonbore mɛn lɛ ka n parsii ni, n din telenboen too ka bɛn lɛn nɛ.

Timote1 6:11

Nsɛ mɛn bɛ́ Lawa a min lɛa, n nyanaa bɛa siin lɛn manɛ. Sɛnɛ, ga peperebaa li, ka nyɛ́ɛ baa Lawa n nɛ, ka golee Lawa li ni, ka kɔn-narɛɛ nɛ, ka sii simaa nɛ, ka sabarabaa nɛ.

Timote2 2:22

N bɔ tɔntɔraabaa ǹ foo sii babaraan wɔlɔ li. Min mɛnɛn bɛ́ Dɛnaa tɔ bíi ka gɔ́ɔ̃ fubaa nɛ, n doa n ga peperebaa laanka goleemali li kun ka bɛn nɛ, ka kɔn-narɛɛ laanka là nyantoro ne.

Timote2 4:2

Bɛ lɛ taman yii, n doa n Lawa a boo lɛ laakalaa, ta biikoo sonbore ne, ta biikoo sonbore bie wa. Minin sã nyaa ǹ nɛ, n sɛ̀ pɛ ǹ ganaa, n nə ǹ foo taã, n nə ǹ daraa ka sii simaa lɛ piɛ̃ nɛ.

Timote2 4:3

A giala, biikoo kɔ́n tá re die, minin tɛnɛn ba re lɛ koe, ǹ nə n too kɔ daraa ǹ boo sonbore kɛ ganaa doo wa. Sɛnɛ, ǹ tá re n siɛ ǹ dinin foo sii baraa li, ǹ minin-daraali gigiã lɛ sɔkɔn ǹ dinin li. Boo mɛn bɛ́ kɔɔ̃nɛ ǹ dinin too ne, bɛn tá re bɛ pii ǹ ni.

Timote2 4:7

Má n doa má yɔ bɔ sɔnbɔraanɛ. Má dɔ maa baa lɛ dan ganaa. Má bɔlɔgoondɛnaa baa.

Tiitii 2:7

N dinmaa lɛ kəni, n doamaa nɛ, n goã dí sonboren giala-nyaali lɛa sii tumaa gɔ́ɔ̃ nɛ. N goã parsiidɛnaa lɛa, n boo ná a giala la, n minin-daraa gɔ́ɔ̃ nɛ.

Ebrəə 13:9

Ka baran toa ǹ ka yiri sã ka daraa tɔrɔ diin ni wa. A giala, a n siĩni min foo tã kɔ Lawa a bǐɛ̃baa barka nɛ. A baran tã kɔ màn-biin bɔkɔnlɛ gɔn wa. A giala, min mɛnɛn nə n saa bɛn li, ǹ là kɔ́n yɛ a-n wa.

Piɛrɛ2 3:11

Ka bɛ́ doɛ̃, mà màn tumaa á re papaɛ̃ bɛa yɔrɔ kɛ lɛ la, ka doamaa nɛ ka n doa, ka tɔ sonbore wɔ, ka nyɛ́ɛ baa Lawa yii ni.