Timote2 2:7 - LAWA A BOO SONBORE

⁷ Ma bɛ́ màn mɛn pii n ni, toa n nə n taasɛ a ganaa, a giala, Dɛnaa á die yiri koe n la, n bɛ tumaa giala ma.

LAWA A BOO SONBORE 2011

⁷ Ma bɛ́ màn mɛn pii n ni, toa n nə n taasɛ a ganaa, a giala, Dɛnaa á die yiri koe n la, n bɛ tumaa giala ma.

Timote2 2:7 Iomraidhean Croise

KZS1 22:12

Lawa nə n yiri fulu, a sii-doɛ̃ kɔ n la, màn mɛn bɛ toɛ n kɔ Dɛnaa Lawa a dí-pɛn kɛn lɛ, bɛ̀ á n koa Izirayeli mìi la á pàã kɔ n la.

Loen 119:125

N bɛ̀rɛgiĩ n ka masɛ nɛ. Yiri kɔ ma la, màn mɛn bɛ́ toɛ, ma n gɔn waa ǹ boon kɛn giala ma.

Loen 119:144

N gɔn waa ǹ boon lɛn man pepere biikoo tumaa li. N dɔ ma lɛ ma ǹ giala ma, ń giɛ ma yii á goɛ̃ koo.

Loen 119:73

N din gɔn na á ma zɛnaa, á ma koa lon. Yiri kɔ ma la, ma boo la man daraa n dí-pɛn kɛn ganaa.

Loen 64:9

Lawa n die ǹ kuĩ ǹ dinin lɛ gɔ́ɔ̃ ǹ boon li, a ǹ ziziɛ̃. Min mɛnɛn tumaa bɛ́ ǹ yii, bɛn tumaa á re ǹ puusə koe.

Suusun 24:32

Bɛa siin lɛn má ǹ yɛ, má taasiɛ wɔ ǹ ganaa, má doroo goon gũ ma yiri ni:

Izayii 1:3

Dii tá a dɛnaa doɛ̃, dundun na a màn-bii ǹ goo doɛ̃, ǹ dɛnaa bɛ́ màn-bii koe la ǹ mɛn lɛ nɛ. Sɛnɛ, Izirayeli sɛ a màn kɔ́n doɛ̃ wa, maa zaman kɛ a màn kɔ́n giala miɛ wa.»

Izayii 28:26

A Lawa na á bɛa sii zɛnaa ǹ gɔn kɛ lɛ nyaa nɛ, á daraa a ganaa.

Izayii 5:12

Maǹ yɔ mii kɔnkoɛ̃nɛn wuu li, tùtu ni, maà nɛ ka pìi ni. Sɛnɛ, ǹ ba doɛ̃ mà Dɛnaa Lawa á sii zɛnɛɛ wa, a bɛ́ sii mɛn yɔrɔ boe, ǹ yii ba bɛ ganaa wa.

Luku 21:15

A giala, masɛ dinmaa lɛ n die boo koe ka la, kaa zɔ́ɔ kɔ́n ná a ba boe la a bɛ liere kɔ wa, masɛ n die yiridɛnaabaa dɔ koe ka la, kaa zɔ́ɔ kɔ́n ná a ba boe la a kaa boo kìi yiɛ wa.

Luku 24:45

Á tɔ́n nə ǹ yiri bũ, màn mɛn bɛ́ toɛ, ǹ Lawa a boo lɛ giala ma.

Luku 9:44

«Ma bɛ́ die màn mɛn pii ka nɛ, ka n too kɔ bɛ ganaa sɔnbɔraanɛ: Minin tá re Min a Nɛgiĩ we min baraan gɔn.»

Zaã a sɛ́wɔ 14:26

Yiri Fu, Dɔmalɛ Wole lɛ, maa Díi n die diɛ ka masɛ tɔ nɛ, bɛ lɛ á die ka darɛɛ bɛa siin lɛn tumaa ganaa. Ma boo mɛn tumaa pɛ ka nɛ, á die ka yiri diɛ bɛ yii tumaa nɛ.

Zaã a sɛ́wɔ 16:13

Bɛ̀ Yiri Fu sonbore-pɛle lɛ daa ǹ mɛn waáraa, á die ka yiri fúli, ka sonbore tumaa dɔ̃. A giala, a bie re boo diɛ a din gɔn wìi a lɛa wa, sɛnɛ, a bɛ́ re màn mɛn miɛ, a n die bɛ lɛ pii; sii mɛn dɔ bɛ́ re n zɛnɛɛ, á re bɛ dɔ pii ka nɛ.

Nya ǹ dín 7:10

A bɛ́ á nɔmaan mɛnɛn yɛ, Lawa bɔ bɛn dinin tumaa nɛ. Lawa sii-doɛ̃ gole kɔ la Ezipti a kii gole kɛ yɔrɔ-a, bɛa kii lɛ tɔ na á goã *Faarahɔn. Bɛ Zozɛfu bɔ á koa Ezipti gána mìi la, a ná a din dɔ a kion a naforon sii yɔrɔ bɔ toa a gɔn.

Korɛnti1 12:8

Yiri Fu lɛ n boo da ka sii-doɛ̃-n koe min la, a boo da ka màn doɛ̃-n kɔ min kɔsɔ la.

Timəə dí-pɛn 32:29

Bɛ̀ maǹ sii doɛ̃, sii mɛn bɛ́ n yii diɛ ǹ la, bɛ̀ ǹ tá n taasɛ ka bɛ nɛ, bɛ̀ ǹ tá re a giala miɛ.

Timəə dí-pɛn 4:39

Ka dɔ̃ pelo kəni, ka kũ ka yiri ni, mà Dɛnaa Lawa n Lawa lɛa lon, a din nə Lawa lɛa tán. Bɛ̀ á n bɔ a din ni, lawa kɔsɔ banban.

Filipi minin 4:8

Bɛ din tumaa kio kəni, ma dɔɔ̃nɔn lɛn, ka n yiri doa sii bǐɛ̃ ganaa, a n tɔ bɔ ǹ sii lɛa: ǹ mɛn bɛ́ taãn lɛa, guguru-kɔ ná a nɛ, a n pepere, *yoreen ne, a n kɔɔ̃nɛ, zín ná a nɛ.

Kolɔɔsi minin 1:9

Bɛ lɛ nɛ, a kũ boo kɛ lɛ a miɛ pinaa ganaa kaa wɔ gɔn la, wɔ ǹ Lawa nyankoe kaa lɛa biikoo tumaa li. Wɔ ǹ Lawa nyankoe wáa a sii-doɛ̃ kɔ ka la parsiini, a yiri kɔɔ̃n kɔ ka la, a din a Yiri Fu barka nɛ, a toa ka a din dùũ siin dɔ̃.

Timote1 4:15

N doa n bɛa dí lɛ nya, n nə n we bɔ li parsiini, màn mɛn bɛ́ toɛ, min tumaa dɔ̃ mà n tá woe nyɛɛnɛ.

Timote2 2:6

Buu-kɔsɔli mɛn bɛ́ á dí nya á nɔmaa, bɛ lɛ n die a wɔ gii yii bibinaanɛ.

Timote2 2:8

N yiri nyan bɔ ka Yezu Krita-n wa. A kɔnpɛ ka Boo Tii Kɔɔ̃n kɛ-n ma á pii, a din lɛ yii na á kaa á n bɔ geren bii, a din lɛ n kii Davida tɔrɔ lɛa.

Ebrəə 12:3

Sonbore, ka n taasɛ a din lɛ nɛ, màn mɛn bɛ́ toɛ, ka foo baran ziziɛ̃ ka gù gã wa. Á min baraan piãman si a ganaa.

Ebrəə 13:7

Ka n yiri kɔ kaa lɛlɛ a nyɛɛnaandɛnan kɛn nɛ, ǹ mɛnɛn nə Lawa a boo lɛ pɛ ka nɛ. Ka ga ǹ tá kanaa a tɔ-wɔ ǹ gɔn kɛ laanka ǹ gɛ̀-wɔ ǹ gɔn kɛ ganaa, ka toa ka ǹ golee Lawa li lɛn zɔɔ̃.

Ebrəə 3:1

Bɛ lɛ taman yii, ma dɔɔ̃nɔn lɛn, ka ǹ Lawa wɔn lɛa, a din na á ka dɔn bíi. Ka ga Yezu lɛ ganaa, Lawa min mɛn dia, á daa n baa wɔa goleemali lɛ a wúlu-bɔlen kiã lɛa, wɔ bɛ́ pii wáa wɔ́ lɛ kɔ goleemali mɛn ganaa ke lɛn.

Ebrəə 7:4

Ee! Bɛa giĩ kɛ dɔ á min yii guguru-a lɛa dɛ! Ka ga, Abrahamu mɛn bɛ́ wɔ digolo lɛa, bɛ màn mɛn yii yɛ zia la, á bɛ tumaa a talɛɛ fùbaa ǹ wɔ bɔ, á kɔ giĩ kɛ lɛ la.

Zaaki 1:5

Bɛ̀ sii-doɛ̃ nyaabaa min mɛn ganaa, ǹ dɛnaa na a nyankɔ Lawa la, á die koe la. A giala, Lawa n boe a din ni, bɛ̀ a bǐɛ̃ baa min tumaa la miɛ̃, a min sɔ̀n pii a tɔn gɔ wa.

Zaaki 3:15

Bɛa sii-doɛ̃ kɛ tɔrɔ bie boe lon a Lawa li wa: kanaa minbuiinin dinin sii-doɛ̃ n ka bɛ nɛ, *Sɛtaan nə́ koe ǹ la.

Zaaki 3:17

Sɛnɛ, Lawa bɛ́ sii-doɛ̃ mɛn koe, bɛ̀ bɛ tá min mɛn lon, bibinaa nɛ, a bɛ miã sii gɔgɔrɛ kɛ zɛnɛɛ wa, bɛa sii-doɛ̃ lɛ n die ka là nyantoro ne. Ǹ dɛnaa a sii n basiɛ̃ nɛ, a n giɛ minin lɛ a kaa kun li. Ǹ dɛnaa a makara-doɛ̃ n gole, a n sii sonbore zɛnɛɛ parsiini. Ǹ dɛnaa ba n gɔ́ɔ̃ lonlankoe wa, a bɔlɔ paa pii min ni wa.

Zaã1 5:20

Wɔ á doɛ̃, wáa Lawa a Nɛgiĩ na á daa, á yiri kɔ wɔ la, mà wɔ Lawa Taãn kɛ dɔ̃. Wɔ ǹ goɛ̃ kun ka Lawa Taãn kɛ nɛ, a din a Nɛgiĩ Yezu Krita pàã ganaa. A din Yezu lɛ n Lawa Taãn lɛ lɛa, a din dɔ n nyin nyabaã dɔ lɛa.