Timote2 2:20 - LAWA A BOO SONBORE

²⁰ Kion gole gɔ́ɔ̃ nɛ, sana mànan laanka wɔrɔgiala mànan dininsɔɔ̃nɔn bie ǹ tan wa. Màn tɛn tan gɔn lɛa, ǹ tɛn dɔ tan gì lɛa. Ǹ tɛn a nya ǹ dí na a tan a tɔ-a. Maǹ dí tumaa nyɛɛ ka ǹ tɛn dɔ nɛ.

LAWA A BOO SONBORE 2011

²⁰ Kion gole gɔ́ɔ̃ nɛ, sana mànan laanka wɔrɔgiala mànan dininsɔɔ̃nɔn bie ǹ tan wa. Màn tɛn tan gɔn lɛa, ǹ tɛn dɔ tan gì lɛa. Ǹ tɛn a nya ǹ dí na a tan a tɔ-a. Maǹ dí tumaa nyɛɛ ka ǹ tɛn dɔ nɛ.

Timote2 2:20 Iomraidhean Croise

Ɛsidrasi 1:6

Ǹ miãkɛnɛn tumaa goã ǹ nə́ n dɔ ǹ lɛ taãn-taãnɛ. Ǹ nə́ sana mànan laanka wɔrɔ mànan kɔ ǹ la, ǹ nə́ gɔn mànan laanka tɔɔn kɔ ǹ la, bǐɛ̃baa ǹ màn sonboren ne, ǹ màn mɛn din tumaa bɔ ǹ foo-a ǹ nə́ kɔ ǹ la, bɛ ná a ba a-n wa.

Ɛsidrasi 6:5

Ka bɛ dɔ nɛ, Lawa a kion a sana mànan laanka a wɔrɔ mànan kɛn, Nebukadenezɔɔrɔ goã á minin kaa ǹ goa ganaa Lawa a kion Zeruzalɛmu, ǹ nə́ woo ǹ ne Baabilonii, bɛn tá re wusii ǹ nə n kɔ, ǹ gogoonmaa tá re woe a bǎã nɛ, Lawa a kion Zeruzalɛmu, a n koa Lawa a kion.

Bɔ bɛ̀rɛbaa nɛ 27:3

N bǎã lɛ a ton kaa ǹ tasanan zɛnaa ka zan tã nɛ, ka a ton goa ǹ lasan nɛ, ka a mà pɛsɛ̃ ǹ tàanan nɛ, a siĩ fɔ̃ ǹ bàlàn nɛ, ka tɛ nàn kaa ǹ mànan nɛ.

Busii pɛ 4:2

A n siɛ lɔn, *Siɔn minin kɛn, yii n boe ǹ li ka sana yoreen bɛ́ lɔn, ǹ nə́ ǹ biɛ ka donkolon kooro bɛ́ lɔn fuũn nə́ bɔ.

Zaã a sɛ́wɔ 8:49

Yezu nə́ n lɛ si á pɛ ǹ nɛ: «Aba, mànan bie masɛ ganaa wa. Man maa Díi guguru koe, sɛnɛ, kasɛn man masɛ dɔ puusə koe!

Rɔmu minin 9:20

Nsɛ n die lɛa kəni minbuiin nɛ! N nə́ giɛ li mà n Lawa liere kɔ? Dɔn tá pii dɔnɔn-bɔle ne: «Wàa na á baa ń ma zɛnaa kɛnɛn?» Haayii!

Korɛnti1 3:9

Wɔsɛn man kun Lawa a dí-nyalin lɛa, kasɛn man Lawa a wuru lɛa, á n kɔsɛ. Lawa bɛ́ kion mɛn dɔ doe, ka ǹ bɛ lɛa.

Korɛnti2 4:7

Masɛ n goon ka gì tàan nɛ, gɔn màn sonbore kɛ n ma nɛ, màn mɛn bɛ́ toɛ ǹ dɔ̃, mà pàã gole mɛn tɔrɔ bɛ́ ma nɛ, mà Lawa din pàã nɛ, mà masɛ wɔ bie wa.

Efɛɛzi minin 2:22

Ka laanka gialakunun kɛn tumaa nɛ, kaa tá kun ka Krita-n a lɛa, ka dɔn gii n bɛa kion kɛ lɛ nɛ. A n miɛ̃, màn mɛn bɛ́ toɛ, Lawa bɛ́ kion mɛn nɛ ka a din a Yiri Fu ni, ka bɛa kion lɛ baa taãn-taãnɛ.

Timote1 3:15

Sɛnɛ, bɛ̀ má belebɔ ma a die wa, n doamaa bɛ́ nɛ n dí mɛn nya Lawa a kion minin bii, sɛ́wɔ kɛ lɛ á re toɛ n bɛ dɔ̃. Bɛa kion lɛ n Lawa yiikoonaa a sɔmɔ lɛa, sonbore koa ǹ bǎã laanka a tamaa ǹ bǎã nɛ, ka yírəə bɛ́ we-n kion li lɔn, á n kuĩ koɛ lon.

Piɛrɛ1 2:5

Bɛ̀ ka á n mɔrɛ bɛa kɔlɔ kɛ ganaa, ka dɔn man die goɛ̃ ka kɔlɔ yiikoonaan bɛ́ lɔn. Ǹ bɛ́ kɔlɔn kiɛ kɔn mìi-n lɔn a kion baa, ka dɔn man die goɛ̃ kun miɛ̃, Yiri Fu ka baa Lawa a kion lɛa. Ka á re goɛ̃ Lawa a wúlu-bɔlen zaman lɛa, kɔɔ̃n Lawa ganaa.